هدية لزوجي

[بحيرة البجع]

بنات عرايس غاليات على قلبي انتو من وين اطلبكم احصلكم ياعسى دوم هالتعاون

حابة اشتري له هدية واحطها مع التجهيز تكون ب بوكس مغلفة

شوروا علي شنو اهديله

الخيارات المتعارف عليها

1- ساعة
*- طقم مسبحة و قلم واحيانا كبك محفظة

3- عطر


عطونا بعد شنو شغلة حلوة يمكن نهديها حق الزوج وتكون لها وزنها وقيمتها

 

[д7βk βşķάť]

انا الي عرفه العروس ماتهديه
اهو الي يهديها

 

[بحيرة البجع]

اهواااا اهدى ماقصر يا دوري

 

[д7βk βşķάť]

ماافهمت انتي عرووس ولاتزوجتي خلاص

 

[بحيرة البجع]

عروس بس هو هداني

 

[<miss botamba>]

ممكن جوتي ماركه اذا عندج ميزانيه

اذا يسافر وايد جنطه كروس ماركه او جنطه لدوام اذا عنده اوراق وهالسوالف

مداليه

او مثلا اذا عنده هوايه معينه اشتري له شي يخص هالهوايه

مثلا اذا غوض سويله فاوجر بقيمه معينه من محل غوض يشتري منه معدات على ذوقه


يحب يروح النادي اشتريله جم لبس رياضه جديد

يحب الصيد اخذي له عده صيد جديده


جذي

 

[д7βk βşķάť]

لاتقولين يهدي ومايقصر لاحبيبتي

لازم يهدي مافيه طيب ياعمري لازم يهدي مليون مره انتي زوجته

مو أي وحده

بوجه نظري ماله داعي حلاتها اذا مناسبه وتوج ماشفتي خيره من شره تهدينه ؟؟؟؟

مادري صراحه انا اشوفه موحلوه

انا عن نفسي ماهديته الا بعد الزواج بمناسبات عيد ميلاده....الخ
يعني اذا فيه مناسبه لها طعم خااص

اما توج وبتهدينه مادري شقولج
بالاول والاخير انتي حره ياعمري

والي تشوفينه صح سويه ​

 

[<miss botamba>]

^^^^

النبي علي الصلاه والسلام يقول تهادوا تحابوا

وخلي في نيتج ايضا ادخال سرور على قلب مسلم

فتكسبين اجر الامتثال لسنتين من سنن الرسول عليه الصلاه والسلام

مو شرط الواحد يشوف خير الناس علشان يعاملهم بالخير

كل واحد لازم يتعامل بالناس حسب اصله وتربيته


وعلى قولتهم سو خير وقطه بحر بالنهايه انتي الي بتكسبين الاجر

﴿قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ وَيَغْفِرْ لَكُمْ ذُنُوبَكُمْ وَاللّهُ غَفُورٌ رَّحِيمٌ ﴾

 

[(*ام عهــــد *)]

صدقيني الهديه لها طعمها بعدين الحين انتي بكبرج له احلا هديه
انتي اللي عليج تبدين حياتج صح وتشوفين شنو اللي ناقصه والوانه اللي يحبها وجيبيها له ,,,
واذا بخاااطرج تبين عندج قران مذهب يكون ذرب ولا طبخه هو يحبها سويها له بدينج ولا اشتراك جلسة مساج بنادي رجالي راقي
واتمنى قدرت افيدج والله يوقج انتي وكلمتزوجه وعروس يارب ​

 

[д7βk βşķάť]

انا شريتله عطر وغلفته

ووهديه من بوابه الهديا عليها كلام حلو بس ماذكر شنو كان مكتوب
وطبعن مع التغليف

والكيكه كانت من باسكن روبنز ع بريد

طبعن حضرت شغلي تفخت البلالين وشبيت الشموع وشغلت دي جي تقولين عرس هههههه

وحطيت من باب غرفتي شموع وورد مجفف لين غرفه الطعام لاني كنت مسويتها بغرفه الطعام

طبعن رحت الصالون واستشورت شعري ومكياجي حطيته بنفسي معني ماعرف هههه بس سويته ناعم

ولبست نفنوف لونه ابيض من ماركه بي بي شريته من مجمع 360


شكلي كان باربي اصدمج اخته الكبيره بس توها اول كليه كانت عندي ع بساطت شغلي الالين الحين تقول

ع بساطه الشغل لا انه كان حلوو

فانتي لاتتكلفين وكل شي بيضبط

وبتوفيق حبيبتي
​

 

[بحيرة البجع]

حبيبتي ماراح اهديله فله ولا سيارة اشوفج عصبتي

هي هدية بسيطة وهالشغلة دارجة ببمجتمعنا لاعيب ولا حرام

بس يفرح فيها ويشوف ذوق زوجته

الله يسامحج

 

[طريق السعاده]

لا عادي اهديه
الزوج طول ايام الخطبه يهدي ويجيب بكل زياره شيء معه مستحيل يجي يده فاضيه غير المناسبات الي تصير بعد الملكه وكله يجيب لك هدايا
شي حلو لو ذكرتيه بهديه لو بسيطه عادي المهم ذوق وبالعكس رح يحب هالشغله ورح يحس بامتنان لك لان هالشيء لطيف والرسول وصى ع الهديه

امم انتي زوجته يعني تقدرين تسحبين منه حكي وتشوفين شنو يحب ووده ياخذه بس مافضي ياخذه او ماقدر هالفتره ياخذه

او حتى ممكن من السوالف تعرفين ذوقه باللبس وتشترين له جاكيت مثلا او مثل ماقالت اختي الي فوق ممكن ميداليه او شوز ماركه


لاتقولين هذي اشياء بتروح موضتها ويتركها لا اعرف لك وحده اول زواجهم جايب لها زوجها جاكيت فرو وربي للحين كل شتا تلبسه لو مره او مرتين لهم 20 سنه !

لان هالشيء غالي عليها ف محتفضه فيه رغم كل سنه تشتري بس هذاك بعينها مميز لانه من زوجها


انتي خذي شيء تقدرين عليه ويعبر عن ذوقك وتحسينه فخم وحلو

 

[أمورته]

ساعه فكره حلوه
ميداليه
مسباح

 

[M!SS.LOBY]

عطر

 

[Little Red]

انا بصراحة من رايي اشوف تعطينه هدية مثل ساعة او شي المهم ما يخلص يعني مو عطر

عشان يظل عنده على طول وكل ما يشوفه راح يتذكر ان هذي اول هدية عطيتيه ياها و يعتبرها مثل هدية زواجكم

راح تكون مميزة حيل

و الله يوفقج ان شاء الله

 

[جوري الصالح]

ســـاعـة فـــــخمة شـرط مــــاركة

 

[عروسة اكتوبر]

انا عن نفسي شريتله هدية حق عيد ميلادة ساعة ايقنر هالماركة جدا رااااااااااقية بالنسبة لساعات الرجال واسعارها معقوله اخذت الساعة بـ200 بس مافيها ألماس وإذا بألماس جنة بـ210 انا ما فرقت معاي الـ10 بس حسيت الألماس ما راح يعجبة خذيتلة نفس إلي بالصوره وممكن إذا تبين تضيفين عندهم أقلام حلوه واسعارها معقولة بحدود الـ80 وانزل

 

[طـفولية]

حلوة فكرة الهدية و بثقل ما تعطينه من ماركة و تتعبين عالهدية بيفكر يتعب عالشي الي اييبلج اياه وغير ان احتسبي الاجر عند الله و تألف القلوب الهدية .. و يفرح فيها

انا ما عطيته ليما الحين بس شريتها ..
مهما كان نوع الهدية نصيحتي لا تخلينها تقليدية .. صح بسيطة مو خبة بس

خلي فيها لمستج مثلا انتي غلفيها كتبي عبارة فكرة يمين يسار المهم منج وفيها مشاعرج

 

[Cherrrry]

انا اقول عطي ساعه كشخه فيها قيمتها و هذي انسب من العطر لانه العطر هديه عاديه بس الساعه مميزه اكثر

و اللي اعرفه ان الزوج يعطي الدزه هديه بس العروس بعد تعطي هديه لزوجها و غالبا ساعه

استغربت في بنات يقولون العروس ماتهدي

بس اكيد كل وحده حسب اللي تشوفه

بس انا اأيد ان العروس تهدي لانه الرسول عليه الصلاة والسلام قال تهادوا تحابوا

و موفقه ان شاء الله