هدية عرووس .. أبي مساعدتكم خواتي

[hutoon]

السلام عليكم


عرس رفيجتي بعد شهرر فياليت تعطوني أفكار حلوه وغريبه لهديه لها




وإنتوا أهل الذوق مانستغنى عن رايكم

بخاطري شي مميز

وأكون شاكرتلكم:eh_s(17):​

 

[ام الغالي]

حبيتي الافكار كثيره
اخذي لها مجموعة البدي شوف وحطيها في سله فخمه وغلفيها
او اخذي لها عطلروعود وحطي معاهم كتاب عن الحياة الزوجيه من اي مكتبه

 

[hutoon]

جزاج الله خير إختي الطيبه

وأخدمج بالافراح إن شاءالله

 

[hutoon]

أفااا بس رد واحد

 

[*مستانسه*]

الله يوفقها انشالله ,,, اذا تبين رايي

اذا اهيا وايد قريبه منج و تعزينها لازم تشترين لها شي ثقيل وعليه القيمه

انا من رايي تاخذين لها خاتم او بروش ذهب واذا كانت ميزانيتج ماتسمح اخذيلها اكسسوار بس يكون راقي او ماركه ( عندج روائع جنيف اكسسوارتهم ماركات و اسعارها حلوووووه )

هم عندج فكره الجناط الماركه ( ممكن تاخذين جنطه او بوك)


اما اذا كانت بعيده و بس تبين توجبينها عندج افكار كثيره منها العطور و الستات الحلوه من مراكز التجميل مع تغليف حلوو

 

[بنوتة شقية]

مشالله البنات بالمنتدى اهنى مايقصرون
هاديها ساعة ماركة _ اكسسورات
طقم ذهب مع باقة ورد _ اوخاتم _ تلفون
سلامى لج

 

[ebleeesah]

حبوبه روحي المباركيه .. محلات الفضه .. عندهم اطقم عجيييييييييبه .. اشري لها تراجي .. او خاتم .. وغلفيهم تغليف حلو بس لا يكون خبه

و اذا كانت بعيده يعني مو قريبه منج اشتري لها قطم قميص نوم مع الروب .. من لاسنزا .. شغلاتهم حلوه و ناعمه حق عرايس لان ماعندهم شغلات فصاعه

و شوفي يامحفوظة السلامه .. انا اقرب رفيجاتي اللي جنها اختي .. شرت لي يوم انا عروس اجهزه كهربائيه ((الخلاط <بلندر> .. العجانه .. و عصاره البرتقال .. و اوتي البخار ))

الله لا يحرمني منها

و بالمبارك حق رفيجتج

 

[شمـوخ]

اشرايج حبيبتي تحجزين لها ولزوجها في منتجع هيلتون اللي في المنقف كأنهم امسافرين وطبعا الأسعار تختلف ، هذه الهديه قدمتها لبنت أخوي ، وخليني أستخدم العصف الذهني وهي كل اللي يقدم للعروس :

قميص نوم-كفر وايد فخم بإيتو زد صراحه سعره تقريبا 55د.ك وايد فخم لونه بيج وعليه شعار -تشكيله من العطور وأغراض المساج -ذهب أو فضه أو ألماس (ألماس ياليتني أنا رفيجتج هههها هاااا)-روب حمام - حجز مطعم بفندق راقي - جنطه أو ساعه ماركه -مكياج-أشرطه خاصه بالحياة الزوجيه - اشتراك شهري أو سنوي بصالون لعمل حمام زيت أو متنوع -شراء - عمل اشتراك لها بدورات تثقيفيه عن ادارة البيت والأسره وكيفية التعامل مع الزوج - شراء لاب توب لها مع كتابة أهم المواقع الأسريه لها في بطاقه .

اشرايج بشراء كيكه من الخباز وتشترين لها نقال واتخلينهم يحطون النقال داخل الكيكه ، واليوم اللي اتروحين اتباركين لها اتودينها ، سويتها مره بس حطيت عطر بمناسبة نجاح ................واذا طلع معاي شئ راح أكتبه لج .....حاضرين للحبايب

 

[hutoon]

فديييتكم كلكم

بسويلها فكره وإن شاءالله اول ما أخلصها أصورها لكم

تسلمون والله يوفقكم ويحقق لكم مناكم
")