هدية أم الزوج

[Princess Lady]

:eh_s(10):

السلام عليكم ,,,,

يمكن موضوعي غريب شوي بس هذا الصج خخخخخ

بنااات أنا أستحي أهدي أم زوجي أي شي ,,, تدرون ليش ؟؟؟

لان أحس ما يصير أهدي أم زوجي وحمواتي اللي معانا بالبيت ( مو متزوجين ) وابو ريلي ما أعطيهم شي

يعني صعبه شوي أحس بيحز في خاطرهم :050103nbh_prv:

ياما أعزم على أني أول ما اطلع للسوق أقول بشتري لها عود // دراريع شي بس أبد أستحي وأشرد

أقول ليش أشتري لوحده المفروض للكل بس ما تجي مناسبات !!

يعني بس لي سافرت شريت ,,,

وأستغرب من صديقاتي يوم يهدون خالاتهم ’’ أقول لهم ما تستحون يقولون هذي خالتي لازم اهديها !!!

بنااات شاسوي ؟؟؟ أبي أهدي بس والله أستحي ههههه

حتى أمي أستحي أهديها شي جدام خواتي أحس يحز في خاطرهم ان هم بعد يبون !!

heeeeeeelp

 

[om MaRyooM]

لووووول ياحلوج

انا اقول لاتهدينها من الاصل ..



لاااتغشمر الحين لايقبون علي العضوات العزيزات ..

يعني اذا حابة تهدينها عطيها بغرفتها او ناديها على جمب .. او لما تكون بروحها بالصالة مثلا
او اذا في مناسبة احلى انج تهادينها جدام احد لأنها مناسبة وشي طبيعي بتهدينها



بس نصيحة مني لج ... لاتكثرين هدايا ..كل شي يزيد عن حده....................

 

[حرم_طيار]

رد : هدية أم الزوج

نطري عيد الام

 

[Princess Lady]

رد : هدية أم الزوج

مو مشكله بناااات بس حتى لو عطيتها بروحها أكييييييييد بتراوي الكل ويمكن يجي في خاطرهم هههههه

بحااااااول بحااااااااااول أتجرأء

 

[So0oKaRa]

عادي اختي اهديها هذي خالتج وانتي منتي ملزومه كل ما هديتيها شي تودين للكل
وحمواتج مابيقولون شي انتي وايد حساسه

 

[نجمة فجر]

ام زوجج بمكان امج

يعني لو بتهدين امج لازم مناسبة ولازم تجيبين لاخوانج كلهم
عادي مب لازم

الهدية تسر الخاطر واتقرب الانفوس
بأول رمضان مناسبة حلوة
بالعيد قريب

لو عطر وعود
المهم ذكرتيها

 

[انا مو هني]

رد : هدية أم الزوج

لا اشدعوا ترا مو كل الناس يحز فخاطرهم هاذي امهم لا تبالغين
يبيلها هدايه بالعكس كسبيها خل اتحبج

 

[فوفو22]

هناك مقامات مرفوع عنهم العتب والزعل فيه كل بيت

الاب -الام - الجد -والجده

سواء هالشخصيات ببيت الزوجة او ببيت الزوج

مستحيل الخوات او الحموات يزعلون من تقديم لامهاتهم

وحتى لو كنتي حابة تجيبن للبقية

واجب ان تكون هدية الام او الخاله مميزه

لان لكل مقام مقال

فوفو

 

[غاليه واتغلى]

حبيبتي عادي اهديها هلذي خالتج وبحساب امج وبعدين شكو حمواتج وبنفس سنج احس ماله داعي
اما الخاله غير وبعدين هذي امهم ماراح يغارون منها

 

[سمبتيكة]

بالعكس حمواتج اكيد بيستانسون اذا اهديتي امهم

 

[ريماس 89]

رد : هدية أم الزوج

ياحلوج والله عفيه عليج جذي راح اتحبج وتعتبر مثل بناتها قربي العلاقه بينج وبينها هذي ابحسبة امج كسبيها ولاتستحين ولاشي عدي حمواتج مثل خواتج ماراح يغارون هذي امهم

 

[روحي تحبه غصب]

انتي حساسه حيل عادي

السالفه عاديه وليش تنحرجين من حمواتج اهدي خالتج وعمج بس

 

[حمره حمرا]

رد : هدية أم الزوج

لووول
انا اقوول لا تهدينها واايد يعني بس بالمناسبات مثلا بعيد الام او بعيدميلادها اشتري حق خالتج هديه
و حمواتج بعيدميلادهم اشتريلهم و حتى لو ما تشترين عاادي مو لازم
الا اذا كان ريلج يشتريلهم بعيدميلادهم قبل لا يتزوجج فلازم توديلهم لان بيقوولوون من تزوجها تغير اكيد اهي مغيرته :/

 

[المغفره يالله]

رد : رد: هدية أم الزوج

هناك مقامات مرفوع عنهم العتب والزعل فيه كل بيت

الاب -الام - الجد -والجده

سواء هالشخصيات ببيت الزوجة او ببيت الزوج

مستحيل الخوات او الحموات يزعلون من تقديم لامهاتهم

وحتى لو كنتي حابة تجيبن للبقية

واجب ان تكون هدية الام او الخاله مميزه

لان لكل مقام مقال

فوفو

عين العقل

 

[++MesK++]

؛

؛



يا حلوج حسيتج طيوبه حيل



حبيبتي بالنسبه لخالتج حلو انج تهدينها هديه و مو شرط بس بعيد الام

لا ! يعني بين فتره و الثانيه اشتريها مثلا" دراعه ؛ دهن عود ؛ عطر ؛ بخور ؛ لان الحريم يحبون هالسوالف

و قوليلها خالتي تفضلي تنقصتها لج ان شاءالله تعجبج


أما سالفة الحموات بالعكس ما يزعلون كلش

لانهم راح يستانسون لما يحسون انج تحبين امهم و تهادينها

و بالنسبه لعمج اشتريله هديه راح يستانس

الرياييل يحبون العطور البخور ساعه مسباح


موفقه

؛
؛

 

[حجيه هيونه]

مافيها شي بالعكس

دشي سلمي وقولي لها اشتهيت لج هالشغله

وعادي يعني نقصه مو انه هديه وجذي


ترا الحريم الكبار وايد يحبون الهدايا وانه احد تذكرهم

 

[حبـ admant ـك]

اذا تستحين اهديها اذا ماكان احد معاها
لا تنطرين مناسبه
اذا اهي حليوه معاج وطيبه
تستاهل كل خير هذي ام زوجج
اخذي شي من السوق وقوليلها تنقصت لج خالتي

 

[Princess Lady]

رد : هدية أم الزوج

شوركم وهداية الله .. بقولها تنقصتها لج ^_^

مشكورين حبيباتي على وقفتكم معاااااااااااااااااي ,,, عسى الله يسعدكم