هدايه المولود البجر (صبي او بنيه)

[* حلوه وماكو احلى مني *]

السلام عليكم ورحمه الله وبركاته

شلونكم كويتيات


ابي افكار غريبه غريبه وفنتق للمواليد


بنت عمتي ولدت يابت بنوته الله يخليها


ورفيجتي على وشك واعتقد فيها صبي


وثنتينهم بجر ... اهم كبري و احبهم حييييييييييييييل

ولانهم امهات صغار ابي اشياء فنتق وافكار عجيبه من افكاركم


بلييييييييييييييييييييييييييز ساعدونييييييييييييييييييييييييييي ​

 

[autointoxication]

وي

انا داشه ببوق افكار طلعتي انتي تبين

و الله لو عندي جان عطيتج بس انا بعد بجر و متوهقه

 

[* حلوه وماكو احلى مني *]

لوووووووووووووووووول والله ما عندي للاسف

انشالله البنات يساعدونه

تسلمين عالمرور​

 

[Uccello]

انا احب ان ايكو ن عدية البجر الكتاب اللي تسجل كل معلومات الياهل (طبعة ايدة وريلة ووقت ولادته صورة ) الكتاب يكمل لما يصير عمر الياهل سنتين --- بس عاد يبيلة تكون امه حررجة وما تنسى تسجل

 

[خاشووقه]

داشه مستانسه عبالي عندج فناتق
طلعتي نفسي تبين هديه فنتق

بس مره قريت بالمنتدى عن وحده ياتلها هديه
فيها دشداشه صغيرة وعقال صغير وغتره وبشت
وكاتبه انشالله اشوفك معرس

الهديه حدها حلووه
وعجبتني

 

[القطانيه]

لوووووووووووووووووووووووووووووووووول وااي انا اشه ابي افكار بعد

 

[ناعمه العود]

شوفي حبيبيتي انا بنت خالتي مرت حماها ولدت يابت ولد وسوت هديه من افكارها بس تيين يابت مثل الاستاند في ادراج رخيص شاريته من محل عادي بس اهي ركبت فيه شغلات خلت الهديه منها ومن بناتها ومن ريلها حتى نا نضحك عليها قلنا ماحطيتي الخدامات بعد هههههههههه
بس سوت حطت فيه اول درج للابو حاط فيه دشداشه وبوك وقلم وبزمه الدرج الثاني منها حطت فلوس ثلاثين دينار ووبخور لها ثالث درج من بناتها الصغار فيه لوشن وعطر من الشايع لليهال وطبعا كل درج فيه ور مجفف وعطر خفيف عشا تفوح الريحه وسلامتج وكررت مكتوب فيه من عايله فلان

 

[* حلوه وماكو احلى مني *]

ناعمه العود

خووووووووووش فكره وايد اعجبتني .. يسلمو عالمرور حبيبتي

القطانيه

لوووول حياج الله القطانيه ,,,, البنات حطوا جم فكره انشالله يعجبونج

خاشووقه

وايد حلووووووووه وصج فتق ,,, يسلموو حبيبتي

Uccello


حلو الالبوم بس اخاف احد مودي قبلي ... مكشورة على المرور حبيبتي​

 

[Love \ Hate]

حبيبتي الكتاب مال الياهل وين احصله ؟؟

 

[autointoxication]

شوفي حبيبيتي انا بنت خالتي مرت حماها ولدت يابت ولد وسوت هديه من افكارها بس تيين يابت مثل الاستاند في ادراج رخيص شاريته من محل عادي بس اهي ركبت فيه شغلات خلت الهديه منها ومن بناتها ومن ريلها حتى نا نضحك عليها قلنا ماحطيتي الخدامات بعد هههههههههه
بس سوت حطت فيه اول درج للابو حاط فيه دشداشه وبوك وقلم وبزمه الدرج الثاني منها حطت فلوس ثلاثين دينار ووبخور لها ثالث درج من بناتها الصغار فيه لوشن وعطر من الشايع لليهال وطبعا كل درج فيه ور مجفف وعطر خفيف عشا تفوح الريحه وسلامتج وكررت مكتوب فيه من عايله فلان

خوش فكرة
وايد حلوة