هدايا الولادة .. مقترحاتكم ..

[french`coffee]

مشكورين ............... افكاركم لو سمحتوا .. .. ..

 

[nahed.alkhaled]

اكو هديه وايد غريبه و سعرها مناسب و راح تصدمين الوالده من حلاتها و غرابتها.....الهديه عباره عن جهاز اسمه whycry و هذا الجهاز يحلل بكاء الطفل و يقول حق الام ليش الطفل يبكي موجود بالصيدليات و في محل بروي بالافنيوز بعد

وايد انصح فيه انا جربته على بناتي و قمت اعطيه هديه و الكل يستغرب و يحبه

 

[nahed.alkhaled]

هذي مشاركه سابقه لي تشرح عن الجهاز

http://q8yat.net/showthread.php?t=250713

 

[ebtsama-3re9'a]

عجبتني .. هديه كوبون المساج ،،

وبعد الجهاز مال اختي الغاليه ناهد الخالد

انا على حسب اذا كنت بالسوق اشتري من مذر كير اي شي يعجبني ،،

واحسه احسن اذا ماعجبها تروح تبدله او تغير المقاس او تاخذ على ذوقها واللي يعجبها ..

وافضل العاب اليهال ،،

واذا ما مداني اودي فلوس ..

معني ماحب الفلوس تروح بسرعه بدون استفاده مادري هذي وجهة نظري ..

واغلب الوقت اسوي ككاو حق استقبالها

لاني اموووووت بهالسوالف ،،

خاصه اذا كانت قريبه مثل الخت او بنات الخاله والعمه ،،

الحمات او اعز الرفيجات

 

[nahed.alkhaled]

انا الصراحه ما افضل الفلوس لان احس ان لازم شوي ابين اني تعنيت عشان ابيت غلات رفيجتي مثلا

 

[kikoo]

الذهب ايشوق اذا مو بخاطرج تشترين شي من محلات المواليد

في شغلات الحين غريبه و مو دارجه وايد مثل اللحاف اللي ينلبس وايد كيوت

هذول سعرهم ما يتعدا ال20 وشكلهم كيوت

 

[أسـيـل]

انا افضل اعطي فلوس واحددهم حسب القرابه طبعا غير الحلو

 

[nahed.alkhaled]

اللي تحب تعطي كاكاو انصحكم تروحون فندق النخيل عند اللوبي اكو محل اسمه واشيز عنده كاكاو حق الريجيم و السكر و طعمه حده عجيب

 

[اللمسة الناعمة]

ابي هدية غريبه حق والده تكون مرت اخوي يابت بنت

ابيها غريبه ومميزه وحلوه بليييز ساعدوني

 

[جـــواهر]

الفلوس احسن ينفعونها اووردي بتكون شاريه لبيبيها ملابس ومجهزتله ف ماله داعي الكماليات الفلوس انفع

 

[اللمسة الناعمة]

لالا مابي فلوس انا عمتها ابي شي حلو ومميز

 

[غير كل الناس]

الدراهم احسن

 

[غناء الكروان]

فلوس وانشالله ربي ما يحرمني من اللحظه اللي اكون والده والكل يقولي مبروك البيبي وما ابي لا هدايا ولا شي بس الضنى المعافى السليم يارب

 

[غلا عيوني]

رد : هدايا الولادة .. مقترحاتكم ..

انا عن نفسي اعطيها فلوس تبدتي من 30 الي 50 حسب القرابه<<<<ماافضل البس وغيره

 

[Om Ghalia]

الفلوس أحسن شي، أو كوبونات من الشايع..............

 

[عيودة]

أفضل فلوووس حتى تستفيد الوالدة منها والهدايا مالها داعي لانها مجهزه للولادة وللبيبي من قبل

 

[شيخه الحلى]

انا صراحه اروح فوفافوم أو وجوه وأشتري ست عطر مع الكريم
صراحه اللي تولد كل الهدايه تكون بدلات للياهل او كرسي او دراي
او قميص نوم يمكن ما يعجب الوالده او مو مقاسها او موستايلها
بس العطر أكيد بتستخدمه والكريم بعد
انا لما تييني هديه عطر صراحه أستااااانس حدي
وإذا اللي والده قريبه (حماتي - بنت عمتي - أختي - مرت أخوي) اشتري لها بدله من بيربري او بيبي ديور او سكادا او كنزو
بدله كشخه وأحسب حساب انها تكون للعيد بعد

 

[انصاريه قمره]

اذا بنت ذهب واذا ولد فلوس

 

[احلى ـآ وحده]

انا عن نفسي اعطي فلوس . .

 

[غرآم احبآب]

رد : هدايا الولادة .. مقترحاتكم ..

انا اشوف امي و خواتي يهدونها فلوس بطريقة ذربه مثل هالصور يعني

وهي عبارة تقريبا عن ظرف وفيه كرت يكتبون فيه الاهداااء و مبلغ مناسب



وهذا نوع ثاني

​