هدايا العروس

[نوره 99]

السلام عليكم
بنات انا ماعندي مشكله تقدرون تقولون بفضفض بسالفه قاهرتني
الحين هدايا العروس تنعطى على اي اساس ؟
انا مقهوووره من قهري ماقدرت انام
تزوجت من فتره والمتعارف عندنا ان العروس تجيها هدايا من عمامها وخوالها وطبعا اهل زوجها
اللي صار ياطويلات العمر ماجتني هدايا كثير وفي ناس امي اهدتهم ببناتهم ولاشفنا منهم شي
الناس البسيطين والله تكلفوا معنا وشكرنا لهم هالشي
والناس الراهين جايين بأحسن لبس واحسن ذهب ولا قدروني بقطعة قماش مع اني اول خواتي والعاده الناس لازم يهدون اول وحده
المهم فتره بسيطه وصارت عندنا عروس جديده احتفلنا فيها وكذا وصرت اشوف تجيها هدايا من اللي ما أهدوني :eh_s(2):
بنات انا مو حاسدتها الحمدلله بخير ونعمه لكن قهرني عدم التقدير انا وياها نفس القرابه
وش معنى هي تهدونها وانا لا ؟؟
حتى امي صار بخاطرها مرره وتقول وش معنى يهدون بعض وبناتي مايهدونهم
والله العظيم مو بس وحده اكثر من وحده تهديها وهي ما عبرتني
يمكن تقولون ان السالفه ماتسوى لكن عدم التقدير هو اللي غبني ورحمت امي مررره
ودي اقول ماراح اهديهم اللي ماهدوني بس ماحب اكون من هالنوع

 

[منيره آل ثاني]

حبيبتي اسمعي باقولج شي مهم
الله هو المعطي مش الناس فلا تشغلين بالج فيهم لأنهم بشر مثلج يخطئون ويصيبون
ثانيا الي عطاج هديه عطيه هديه والي ما اهداج لا تعطينه
طبعا بتقولين صعبه لا الامر مب صعب كلش
لان الي مابتهديج هديه بتقعدين تفكرين وبتتعبين وايد
بينما الي بتهديج وتفرحين بتهدينها هديه
ولا تعورين رأسج ونفسج
وبعدين خلج إنسانه تلتمس العذر للناس
يعني قولي ربي كتب انهم مايهدوني شي واحمدي الله
وهذي خيره ماتدرين ليش الله منعها عنج

في حفظ الرحمن

 

[A p r i l]

اول شي الف مبروك الزواج والله يهنيج ويرزقج الذرية الصالحه

اهو صج يحز بالخاطرر انج تقدرينهم واهم مايقدرونج

بس حاولي تقطين هالشي ورا ظهرج لانه لو تميتي تفكررين صدقيني بتتعبين وهالشي باثر عليج

وانتي ي قلتي هاا ماحب اكون من هالنوع صفي النيـه وخلي نيتج صافيه عاملي الناس مثل ما انتي تحبين يعاملونج

وبالطقاق كله هذا لوجهه الله مو لناس

موفقة

 

[يستفزني غلاك]

صج يحز بالخاطر
بس انتي عطي اللي يعطيج وبسسس والمناسبات جايه

 

[يستفزني غلاك]

صج يحز بالخاطر
بس انتي عطي اللي يعطيج وبسسس والمناسبات جايه

 

[M!ss CoLoRz]

انتي سويتي استقبال؟؟ ترا من الاستقبال اتيي الهدايا الوايد اذا ما سويتي فعلا محد راح يعبرج

الشي الثاني ترا كلللللللللللللللللللللش عااااااااااادي وايد ناس جذ ييحقرون او سبحان الله تصير ظروف انه ما يصير ايون مرض ولا وفاة .. انتي بعد عذري الناس

واللي ما وجبج صج مو ضروري بعدين توجبينه او كلش كلش لا تودين لهم شي مكلف ترا ولا راح يحطون بال

انا وحدة سويت استقبال من الدكاترة "مثلا" حصلت أخس الهدايا واشكره شي كجره يايبين ومن الناس اللي على قد حالهم تكلفوا ويابوا السنع والزين .. والله ولا حطيت في خاطري يمكن في ذاك الوقت ما كان عندهم ولا يمكن انشغلوا وفي آخر لحظة تذكروا ولا يمكن أصلا ما يحبوني بكيفهم اهم شي انا استانست وطلعت بأشية مفيدة

لا تتعبين نفسج وتطالعين شنو سووا لفلان وسنو سووا لج ترى محد قلبه بيعوره غيرج

 

[أسم وحدة]

الهدية تكون بدون إنتظار مقابل - و إذا أهدينا الشخص لأن له معزة عندنا - و إذا أنتظرنا مقابل صار بيع وشراء مو هدية - وهذا رايي الشخصي و الله يوفقك بحياتك ياعسل

 

[لهفه لقاء]

خلاص اللي مايهديتس لاتهدينه
اناا اشووف الهديه مو على قيمممته
اهم شيء الواحد يذكرك و يهديلك
ولوو شيء بسسيط ♡

 

[لهفه لقاء]

خلاص اللي مايهديتس لاتهدينه
اناا اشووف الهديه مو على قيمممته
اهم شيء الواحد يذكرك و يهديلك
ولوو شيء بسسيط ♡

 

[ياهم لدي رب]

لازم تعاضدون انتي وخواتج وامج وكلكم اللي ما قدركم ماتقدرونه مو معناته اتعادونه لااااا الناس ماسووا شيء وكيفهم يهدون ام لا .. لكن اذا سحبتوا من غير قطيعة رحم وفقدوكم راح يقدرون

بعدين نظريه المرأه الاجتماعيه تجني تواصل الناس لها يمكن امج من النوع الا نادرا مايحضر العزايم والمناسبات يعني مالها حضور وفي هلحاله امر طبيعي اللي سووه

 

[ملاااك نفسهـ]

اكثر شي يعور هو عدم التقدير .. والله اللي مايقدرج لاتقدرينه
و لمتى بتظلين توجبين ناس ماتوجبج !؟​

 

[أمورته]

عيل شتقولين ع الي جتها هدايا وردتهم تقديرا لظروف المهدي الهديه

وطلعو حجي شايفين نفسنااا ماناخذ هدايا وهو كل تفكيرنا مانبي نكلف ع ناس


الحمدالله ع كل حال


الله يعوضنا جنه النعيم احنا والدينا

 

[M!ss CoLoRz]

أمورته

سمحي لي بنبتعد عن الموضوع بس فعلا هاي تصرف غلط ... الهدية ما تنرد والرسول عليه الصلاة والسلام قال تهادوا تحابوا وما عمره رد هدية أحد ، دام الشخص خلاص تكلف وخذ لج او لغيرج الهدية عيب وفشيلة تنرد حتى ولو كانت نيتج زينة ، إخذيها بشكل أبسط مثلا ي رمضان لما تطرشين حق جارتج نقصة واهمه طبعهم ما ياكلون من بيت احد غير تخيلي انتي مسوية لهم طبق وطرشتيه ومن عند الباب ردوكم وقالوا لكم مشكورين بس احنا ما ناكل من احد ودوه حق احد غير ، بتقولين لي انج ما راح تاخذين موقف سلبي وتذكرين السالفة حق فلان وعلان ؟؟؟!!! الا بتحطين في خاطرج ولا بتطرشين لهم اي شي مرة ثانية