هجرتني صديقتي النجدة !

[ناناشي]

((السلام عليكم ورحمة الله وبركاته ))

أخواتي الجدد عذرا لأن مشاركتي الأولى هي أستشارة !!

أنا منذ فترة وأنا أزور هذا المنتدى كنت أضحك معكم وأستفيد من خلف الكواليس !!

ولكن الآن قررت الأشتراك فأتمنى أنكم قبلتم بي كأخت جديدة في هذا المنتدى ..

هي لي مثل الدماء في عروقي عندما أحب أنا أحب بكل أحاسيسي بكل ذرة قبلتها بكل عيوبها قبل مميزاتها لم أهتم أني في 19 وهي بعمر 33 من جيل سابق لجيلي بكثير..عشقت

قلبها وفكرها وكان أسمها عندي في الجوال الطاهرة ((اسمها)) لم أعتقد أني سأجد صديقة أفضل منها لأنها في خلال أيام قليلة جعلتني أثق بها وأنا التي كنت أنفر من الصدقات

الجديدة من بعد حادثة وقعت لي .. لكن الموجع في هجرها أنه الآن سيقارب الشهر أنا

لا أستطيع مقابلتها شخصياً لأن منطقتها بعيدة وأنا لا أعرف أين يقع مكان منزلها .. سينفجر قلبي في إي ثانية أرسلت لها أوضح وجهت نظري وأعتذرت بليار مره لم ترد علي

ولاترد على أتصالتي ..أمي المسكينة تقولي ماذا بكِ أنتِ لست أبنتي التي أعرفها .. الكل في البيت ملاحظ أني أصبحت مزاجية لكن ماذا أفعل أنا إلى الآن في حالة صدمة أنا أكتب

لكم وأحس بحريق في قلبي مرضت سهرت لم تدري عني أنا لا أريد منها شيء غير الصلح وسأتركها في حالها بعد ذلك .. أرشدوني أو أدعو لي أكاد أموت من الضيق !​

دمتم سعداء
ناناشي
​

 

[الريشة]

لا تضيقين خلقك و لا شيء
انتي سويتي اللي عليك و اتصلتي عليها بس اهي ما ردت
خلاص خليها على راحتها و شوفيها تتصل أو لا.
لا تطيحين نفسك أكثر
خليك واثقة من نفسك و لا تتعلقين فيها وايد
و الله انا رايي إنك تصادقين امك و خواتك أحسن
في هالزمن مو كل الصداقات دايمة و كل واحد لاهي بنفسه و يمكن اهي مشغولة أو عندها مشكلة بس ماتبي تقول.
البيوت أسرار

 

[بدلية]

الي مايبيج شلج فيه!!!

خليها على راحتها وعيشي حياتج وانسيها دام انها نستج

واذا حاولت ترجعلج اهلا وسهلا ماتبي الله معاها

بس لا تكدرين عمرج ولا شي شوفي الدنيا فيها مليون رفيجة ورفيجة يقدرون ياخذون مكانها

 

[عتيبيه رزه]

طنش تعش تنتعش

الي مايبيج لا تبينه

لا اطيحين نفسج اكثر من جذيه

ويمكن البنت عندها ظروف لازم تعذرينها تحطين لها اعذار

 

[أأأحبه]

اذا الزعل الى بينكم مو كبير فا اسمحيلي الى يتركك لسبب بسيط
المفروض ماتعتبرينه صديق ~~~
وماتدرين يمكن بعد فتره تدق وتحن لك وانتي سويتي الى عليك باتصالاتك
يعني كافي تتغلى !!!

 

[ناناشي]

((السلام عليكم ورحمه الله وبركاته ))

ياحلو كلام بنات الكويت .. شكرا لكم كلكم .. وشكرا لهتمامك بي .. أنا خلاص تسنعت !!

وكتبت لها مسج فيه كلمه مناسبة لها وهي ((الوداع ))

كفاية ثلاث أسابيع وكم يوم كلها هم وغم ..

ماأدري تسرعت ولا لا لكن خلاص ..

والاخت إلي فوق تقولين لا طيحين نفسك لها ؟! أنا عزيزة لكن لوجه الله نزلت نفسي عشان أنا مابي أموت وفيه أحد زعلان علي.

يعني الدنيا ماتسوى وهي ماعندها ظروف هي عنيدة والحين أنا عطيتها درس يعلمها أن العناد ماينفع دائما مافيه أكبر من أني

أتركها للأبد صح ولا لا؟

 

[عبير العنزي]

لا تتخيل كل الناس ملائكة فتنهار احلامك ولا تجعل ثقتك بهم عمياء, لانك ستبكي على سذاجتك

تعود أن تعيش الحياة بأي ظرف كان ومع أي شخص
انشغل بأمور دينك ودنياك ولا تخصص جزء كبير من وقتك لحبيب أو صديق
لان الفراغ الذي يتركه أذا رحل سيجعلك تعيسا مهوما باكيا نادبا على حظك.


انتي ماقلتي لنا سبب المشكله عشان تخلينا نحكم منو فيكم الغلطان

ع العموم
حبيبتي اذا كنتي انتي الغلطانه في حقها

حاولي تكلمينها حتى لو بمسج وتببرين لها موقفج وتعتذرين لها ,,

والصديق الحقيقي يسامح اذا كانت فعلا تحبج رراح تسامحج

وتعاتبج لان العتاب بين الاحباب

واذا كانت مااتبي تسمعج فهذي بايعه صداقتج ولا تتسمى صديقه

واللي يبيعني ابيعه

 

[classicyah]

عيشي لنفسجْ و لأهلجْ ،

انتي سويتي الي عليجْ ،

لآ تركضين ورى حد . . .

و بعدينْ هي أكبر منج بوآآآآآآآآيد ،

يعني تفكيرجْ غير عن تفكيرهآ ،

صآدقي خوآتج ، محد بيحبج و بيعزج و بيخآف عليج كثرهمْ ،

و اذآ مآ عندج خوآت ، صآدقي بنآت جيلجْ . .

 

[غاالي أبوي]

عيشــــــــــــــــــي لنفـــــــــــــــــسج<<

 

[" ام حمود "]

يامعووده لاتقهرين روحج ولاا تعصبين ، طنشي ماعليج منهاا انتي سويتيء اللي عليج
وماقصررتيء معاهاا ..