هبوط الرحم .. اللي صار معاها تدخل ضروري

[نثر الدموع]

السلاااااااااااام عليكم
بنات بدخل علطول
انا ولدت مرتين ولله الحمد طبيعي
بنات انا بتكلم بكل شفافيه واللي ماعندها استعداد تقرا لا تكمل الموضوع لان مابي اسمع ردود تبط الجبد

انا بولادتي الاولى كنت اشوف رحمي تكرمون لي دشيت الحمام وشفت شي غريب مثل اللحمه بس مو بارزة بس طبعا شكلها غريب بالنسبة لي وسألت ناس قالولي عادي عقب الولادة
بس عقب ولادتي الثانيه هم شفت ألحمه ثانيه وشكلها بااارز من اشوفها جبدي تقلب ... وامس بحثت بالانترنت وطلع معاي ان هالشي اسمه هبوط الارحام طبعا معاه اعراض عوار بالظهر وامساك وتقلصات بالبطن وافرازات ورطوبه وانا والله امس ماااااانمت من التفكير وطبعا هالشي مأثر على العلاقه الزوجيه

مادري شسوي يقولون الحل الوحيد جراحه .... مادري منو مار عليها هالشي او تعرف احد مسوي هالعمليه

فيدوني الله يخليكم ويحقق اللي ابالكم :eh_s(16)::eh_s(16)::eh_s(16):

 

[معلمة الاجيال]

اي انا خالتي ام ريلي صار معاها .. سوت عمليه تثبيت رحم .. لا تسكتين على نفسج .. سويها روحي الطبيب وترى سهالات حيييييييييييييل ماتخرع العملية


والله يقومج بالسلامه

 

[مواصله]

لا ماعتقد الي شفتيه رحمج يمكن هذا من الخياط بعد الولاده صار الجلد مومربت

لان هبوط الرحم ماتكتشفينه بهالطريقه،،له اعراض مؤلمه وتضايق ولازم الدكتوره هي اللي تشخص الحاله

 

[نثر الدموع]

مادري والله حدي متضايقه يمكن لحميه ؟؟؟؟

 

[Om_Ksha]

فاهمه قصدج انا اشوف لحم مثل كره بين الفتحه ..
ونفسج هم ولادتين طبيعي .. ومن اول ولاده لاحظت هالشي .. وقلت للدكتوره تقولي بقايا غشاء البكاره
ولمن اقول لاحد يقولولي طبيعي يعني قبل الزواج غير واكيد شكله يتغير بس محد يفهم علي


المهم قلت للدكتوره رحمي نازل تقول لا !!

وهم فيني افرازات ولويه بس من القرحه بكويها وافتك .. والله يعين

 

[توكلت على الله 22]

اب

اب

 

[موجة ~ بحر]

اتوقع لحميه لحمة زايده مو رحم نازل

 

[Ghaima]

الله يعينج حبيبتي ما عندي اي فكرة عن الموضوع اول مرة اسمع بالشيء هذا

إسألي الخبراء احنا هني ما نقدر نفيدج ويمكن يقولون لج البنات شي ويطلع شي بسيط فأنصحج تروحين الطبيب واكشفي على نفسج وقولي لهم ان هالشيء يضايقني ومأثر على العلاقة احسن من التوقعات وتعورين قلبج يالغلا : )

الله يسهل عليج يا رب وتطمنينا عليج وشنو قالوا لج

.

 

[do0o0o0de]

الله يشفيك حبيبتي ومايكون رحم ناااااااااازل
بس احيانا يقولوا كثرة الامسااااااااك تسبب ارتخاء الرحم ونزوله والله يستر
اغلبنا مع الحمل لازم الامساااااااااك منه
بس احسن شيء روحي افحصي عند الدكتور وتطمني على نفسك

 

[عطر الدوحه]

الله يشفييييج

يااااااااااااااااااااااااارب

 

[*ماي الورد*]

الرحم مثل حجم قبضة اليد و بينه و بين فتحة المهبل انبوبة اسمها المهبل اللي يصير فيها الجماع
يعني لو صج فيج هبوط جان اول واحد حس زوجج و ما تمت العملية بسهولة اتوقع اللي تحسين فيه عيب بالخياط
عالعموم علشان ترتاحين تحتاجين استشارة من طبيبة*

 

[عاشقة الاسلام]

روحي عند الدكتوره وفهميها بضبط ستحسين فيه
وطمنين عليج