هام لطالبات الثاانوية وخصوصا الصف العاشر اتمنى تفاعلكم

[بنوتة رياضية]

السلام عليكم ورحمة الله وبركاته

حبيت أتكلم اليوم بموضوع مهم وفيه ظلم للطالب الثانوي يمكن يكون مو وقته لانها فترة امتحانات بس لازم اعرف

رايكم اذا متفقين معاي ولا لَا ؟

الموضوع اهوا النظام الموحد في المرحلة الثانوية ونظام التراكمي بالدرجات أظن قرينا

كلنا المناشدة اللي من بعض اولياء امور طلبة الثانوية لي تغير النظام التراكمي لان فيه ظلم للطالب وظلم كبير

عشان جذي أنا حبيت اكمل مسيرة اولياء الامور وراح اجمع أنا بالتعاون مع مجموعة كبيرة من البنات و الشباب

اللي أعرفهم تواقيع اكبر عدد ممكن من طلاب الصف العاشر والحادي عشر اللي متفقين معانا وراح تروح لوزير التربية

الحين السؤال لكم أنتو متفقين معاي ولا لَا وأبي اعرف رايكم بالنظام التراكمي بالثانوية ؟؟؟؟

اتمنى تعطوني كلام منطقي وعقلاني واتمنى تفاعلكم معاي

مع خالص حبي وتقديري

 

[~ Asrar]

وعليكم السلام والرحمه ..

عاااد توني اليوم كنت أتحلطم مع أمي على المعدل التراكمي
كنت قام أحسب جم لازم أيب هالسنه بـ 11 من 30 عشان السنه اليايه راح يكون ضغط كبيير !
يعني بـ 12 اللي أخر السنه تكون نسبته 90 أيب 54 من 60 !
حرام الصراحه : ( النسبه جذي وايد تنزل

وغير هذا 3 سنين ضغط ضغط ضغط وتعب والنص درجه تفرق بالنسبه
بس لمى أقارن هالنظام بالنظام القديم أقول أحنا أحسن
ماأتخيل روحي أمتحن بـ 12 كتابين الفصل الأول والثاني مع بعض :×

أنا الصراحه ماأدري إذا انا مع هالنظام ولا لاء
يعني أنا أشوف أهو نظام ظالم بس بالمقابل أفضل من اللي قبله
يبيله شوية تعديل , أو عالأقل تسهيل الإمتحانات
كلنا شفنا إمتحانات الفتره الثانيه شلون خسفت بالمعدل , وشلون كان إمتحان الرياضيات تعجيزي ^^

عموماً ماراح يغيرون شي
لو كانوا بغيرون جان غيروا من أول سنه أقروا النظام الموحد
لأن أهيا أكثر سنه أعترضوا فيها الطلبه عليه ; )

يعطيج العافيه (F)

,

​

 

[ϻʟǎƙ ཞǿ7ყ*]

بصراحه انا مع هالنظااام و حيييل بعد لانو يساعد اني اجمع درجات من ١٠ احسسن من اني اضغط على عمري ب١٢ وأتعب و حالتي حاله على الاقل يكون عندي درجات من قبل و احسسن بعد من اني ادرس كتابين حزتها اموووت احنه كتاب و نتحلطم هالمره كتابين و بعدين في ناس يتضايقون من هالنظام يقولون احنه ب١٠ و ١١ ما جبنا علامات زينه اوكي خووووو عاشر عليها ١٠٪ و ١١ عليها ٣٠٪ و ١٢ عليها ٦٠٪ يعني اذا شديتي حيلج فيها بتجيبين نسبه سنعه وانا هذا رايي

 

[بنوتة رياضية]

شاكرا مروركم اختي اسرار وغروري عذبهم

إحنا متفائلين خير بالوزير اليديد وانا ما قصدت ان يردون مقررات لَا أنا اقصد تكون كل سنه برووحه لها مجموعها الخاص وعلى فكرة ترا

أنا طالبة متفوقه بدراستي يعني مو من البنات اللي ما يحبون الدراسة لا بالعكس بس اللي قاعد اشوفه لما كنت احسب كم راح آخذ من ٦٠ لقيت ان القسمة

حيييييل تخفس بالواحد والنص درجة تفرق بوايد مو شويه ... بالله هذا مو ظلم اصلن هذا راح يولد عند الطالب الخوف والتوتر في الثلاث سنين هاذي

واسئلوا بنات ١٢ ، يا ان يخلون الامتحانات سهلة او أوكي صعبة بس ما تكون تعجيزية وما تدش العقل شلون اجل بنجمع درجات اذا كان الامتحان

تعجيزي

( اختلاف الرأي لا يفسد للود قضية )

تحياتي لكم

 

[Dode-blwa]

لآ حرآآآآآآآآم

النص درجه تفرررق حييييييييل !
بس مايصير يعني هم يبيله تعديل هالنظآم
يعني الطالب بو 15 سنه نفس الطالب الي ب 18 سنه
بخوفه على مصلحته
اكيد لا بكون توة صغير ومرآهق ومايهتم بدرآسته
حرام يحاسبونه على 3 سنين قبل ؟

اشوف ان يبيله تعديل هالنظام
وشكرآ حبيبتي

 

[بنوتة رياضية]

شاكرا مرورج حبيبتي وانا هذا اللي اقصده عقلية الطالب في ١٥ تختلف عن عقلية الطالب اللي ب١٨

الطالب بو ١٥ يكون بطيش بس يبي يستانس وما يفكر بمستقبله بعكس الطالب اللي ١٨ اللي يكون تفكيره لاهي بالمستقبل باختيار الجامعه والتخصص

يلا ابي تفاعل اكثر وينكم بنات ....

 

[lferj]

صح كلامكم بنات وانا جذى نسبتى 10 كلش مو عاجبتنى وحييل نازلة وهما نسبتى 11 يعنى مو وايد بس اتاثر على لما تنجمع وانا امفكرة انى اشد حيلى 12 واييب النسبة عشان ادخل الجامعة

 

[الليدي ديانا]

انا كلها جم يوم و اتخرج انشالله
لما كنت بعاشر افكر نفس تفكيرج بس بعدين عرفت النظام وايد زين
عاشر وااايد سهله تقدرين تضمنين درجاتج فيها .. 11 شوي يبيلها مجابل .. و 12 متوسطه الصعوبه بس تصليج الوزاري وايد يظلم و هم حرام ادرس 12 سنه و تصيرلي ظروف ما اقدر ادرس و يضيع تعبي كله .. قيسيها بالمنطق تدرسين 12 سنه و يحدد مصيرج جم امتحان؟ .. و اعرف واحد ايام الثانويه العامه (كانو ياخذون نسبه رابعه ثانوي) و كان شاطر كله فوق 90 اخر سنه صارتله حاله وفاه و ياب بالسبعينات
الله يوفقكم

 

[~ miss NERD ~]

لا يبا لا يشلونه
اذا شالوه الطلبه وايد راح يستهترون بالدراسه و ما راح يدرسون!
و بس راح يحطون حيلهم بــ 12!

 

[بنوتة رياضية]

يعطيكم العافيه و شاكرا مروركم اللي اسعدني والله يوفقكم ويوفقنا بالامتحانات وراح ننطر لقاء الوزير على

تو الليل وانشاءلله يخلون الامتحانات سهلة و ادش العقل مو تعجيزية

تـــحـــيــاتـــي لـــكـم

 

[آدمنت قربككِ]

حبيبتي ماافيه اختلاف بالعمممر ابداا
والله الي خايف على مصلحته وعقله برااسسه يعرف حق روحه وحق مستقبله ماشاءالله تشوفينه جنه بو20 :rerrerek:
ساعات يصير بو 15 احسن بمليون مره من بو18
الواحد من يدش الثنوي خلاص قاعد يبني للجامعه وللمستقبل
بس انا معااج الصرااحه النظام زيين بس فيه ظلللللللللللللللللللللم
يعني اذا اخذتي 10 درجات جنج ماخذه 5 ؟؟؟؟؟!!!!
حيل ينزل بالششهاده والله حراام
بس يبيله تعديل وان ششاء الله ربي يوفقنا ونشوفكم دكاتره ومهندسين :ggdw:

 

[الإسراء]

بالعكس النظام ما فيه شي ..
ضغط عالطلبة وخلاهم يدرسون ويخافون وما يستهينون بالدراسة ..
والدليل إن طلبة نظام الموحد معدلاتهم ونسبهم وايد ارتفعت وخصوصا الخريجين من الخمسين الأوائل وصلو ٩٩ وأيام المقررات حتى ٩٥ بالمشمش يبونها ..

 

[بنوتة رياضية]

شاكرا مروركم ادمنت قربك واسراء

اختي ادمنت قربك انا هذا اللي اقصده الظلم قي القسمة يعني اللي ياخذ بالفيزياء كامل بالفترة وينقص كم درجة بالفاينل

اهني بياكلها احنا نبي هالنظام بس يبيله تعديلات وايد مو شويه وانشاءلله يعدل فيه وزير التربية الاخ احمد المليفي خصوصا

بعد الكتاب اللي دزووووه بعض اولياء الامور له واللي حطوه بالجريدة والتوفيق للجميع انشاءلله

​

 

[روحي تغليك]

لا والله أنا ضد هالنــظام حـــرااام نتعب وندرس ونأخذ درجات وآخر شيي بالشهاده يصير كأن ما خذين نصهاآآ...وصح أن عقليه بـو 15 غير عن عقليه بــو 18 لأن يكون مجرب وعــارف وله تفــكيره وصرااحه ظالميييناا حيل بهـالنظام وأتمنى يغيرونه..ومشكووره ع هالموضووع الحـــلوو​

 

[بارك هايين]

ايه ياليت يشيلونه ويفكونا

 

[بنوتة رياضية]

شاكرا مروركم المميز روحي تغليك و بارك هايين

وانشاءلله يغيرون بالنظام ومثل ما قلتي روحي تغليك ناخذ درجات وبالقسمة تروح هالدرجات وما يطلع الا النص شي يعور القلب

وانا اعتراضي بس على طريقة التقسيمة لانها حيييييل مو شويه تخفس فييييينا بس ما اقول الا الله يوفقنا و تعدي هالايام على خيرررر

وموفقين انشاءلله

 

[مـنـو قـدي]

أولا : شكرا لصاحبة الموضوع و الله يعطيج العاافية
أنا ضد هالنظام لان نتعب فيه ثلاث سنين مو شوية
وصح الطالب ال عمره 15 مو مثل الي عمره 18
و إن شااء الله يعدلون هالنظام او يشيلوه
​

 

[~puma~]

لآآ بنـآآآت لآآ تشوفون المووضوع من الناحيه السلبيه

الحين الوحده لما تدش الثانوي خلاص تبدا تهتم احسن من تقعد تلعب وعادي و بـ 12 تشد حيلها
اصلا جيي بيضيعون الطلبه الشطار عن الطلبه المستواهم اقل ..
مثلا لاسمح الله بـ 12 صار لها ضروف ومادرست وللعلم كتاابييين !! موهينه السالفه
و التراكمي واايد حلوو لان يسهل شوي علينا التجميع والواحد يتعود عليه ويحبب نفسه فيه
لان صج وايد يساعد ..
بس عندكم سالفة القسمه ونظام توزيع الدرجات مو شي في ظلم شوي
وانا افضل هالنظاام ..

فكروو فيها عدل ..
هذآآ رآيي

 

[كويتيه&&]

اي والله ياليت يغيرونه نتعب سنه ولا ثلاث سنين
الي توها داشه عاشر راح تكون مستانسه يعنني كبرت وانا مسؤؤله عن نفسي ومراح تفكر انها تتعب بدراستها وسوالف طياشه
وانا اتوقع اغلب الطلبه راح يكونون معااج ..لان اكييد الواحد يمر بظروف تشغله عن دراسته يكون مرض او وفاة احد من اهله

 

[بنوتة رياضية]

تسلموون حبايبي كويتية ومنو قدي وpuma على هالرد الاكثر من مميز

والهدف من المووضوع ان ابي اشوف راي الاغلبية اذا كان معارض ولا متفق والاغلبية متفقين معاي

واشكر كل من قرا موضوعي و رد عليه واتمنى التفاعل و الردود تكون اكثر حبيبتي puma احنا اعتراضنا
التقسيمة و توزيع الدرجات اللي فيه ظلم ..


تـــحـــيـــاتـــي لــكـمـ