هام عن ترجيع الرضع

[أحب الصدق وأعمل به]

شلونكم خواتي أنا بنتي عمرها شهر ووايد ترجع من تتارع بعد الرضعه عقب ترجع او اذا غيرت لها البامبرز ترجع الحليب أنا أعطيها سيميلاك بعدين عطيتنا إس 26 بس نفس الشي محتاره شسوي أعطيها مال الارتجاع لما تكمل 6 اشهر انشالله منو نفس حاله بنتي مدري شسوي نصحوني او اخليها لان كل اليهال يرجعون

 

[دآنة آلرشآيده]

انا ولدي جذي عطيته نوفالاك مال الارتجاع
والحمدلله احسن عليه بس اهو ترجيع عادي لي
يكمل سنه يال يروح عنه الترجيع​

 

[jawaa]

أنا بعد ولدي يرجع كان وايد بس عطيته نان ضد الارتجاع والحمدالله خف

 

[الرها]

انا بنتي نفس الشئ من الاربعين وهي تررجع
وسويت لها تحاليل واشعه نوعين
وقال الدكتور اغلب الاطفال كذا
كل ما كبرت يخف والحين احسن من اووول
الحين عمرها 10 شهووور مستحيييل البسها لبس وماتطرش عليه بس فرق عن اول الحمدلله

 

[أحب الصدق وأعمل به]

شكرًا علا الردود ربي يحفظ عيالكم من كل شر

 

[مظلومة حيل]

اعرضيها على دكتور

 

[A7bny =)]

وديها دكتور اطفال واستخدمي حليب ضد الارتجاع وفي دوا تعطينها قبل الرضعه يخفف الترجيع خل يوصفه لج الدكتور

 

[A7bny =)]

انصحج بحليب بيبيلاك ar وايد زين عن الترجيع

 

[dnyay_mll]

طبيعي الترجيع عند الاطفال بهالسن
ليما ال8 اشهر واحتمال السنه

 

[ȚσҒғЇҒҼҽ]

اناا اختي نفسج بعد

وتحااتي هالشي حيل ما مداه يرضع الا ويرجعه تكرمون

بس أحسه طبيعي هالشي

وان شاءالله مافيهم الا العافيه.

 

[hم حيدر]

عادي حبيبتي لاتحاتين كل مايكبر راح يقل ترجيعه

وحاولي تريعيه مرتين بنص الرضعه وبنهايتها راح يقل انشالله

وفي يهال يضلون لين السنتين الله لا يبلينه

 

[جوري الكويت]

في انواع من الحليب ضد الارتجاع

سالي الدكتور

 

[هيبة الطاووس]

لازم البيبي عقب الرضعه ينام جهة اليمين
عشات لا يرجع

 

[Bnoota toota]

ثنكيووو علي المعلومات الحلوه عيل خلني اطمن الوالده

 

[ام الحلوااات]

عـــــشــــان تــتــطـــمـــنـــيـــن اكــــثــــر راااجــــعــــــي طـــبــيـــب اطـــفــــــال اقـــضــــل

 

[مواصله]

شوفي اصعب شي اول 3 شهور من بعدها بيخف الترجيع وحتى الغازات

انا جربت اس 26 وسيميلاك ماناسبو ولدي جربت ابتاميل حيييل خفيف ومشى معاه

 

[نـعـومـه]

انا نفس مشكلتج كنت

عطيتها اس 26 ترجعه

عطيتها سيميلاك عفسها عدل رجعته اكثر اعطيها رضعه منه ترجعه 3 مرات


قالولي اعطيها ابتاميل لانه خفيف وفعلا عطيتها مارجعته والحين عمرها شهرين ونص نادرا ماترجعه جربي ابتاميل خليه اخر حل اذا هم رجعته راجعي دكتور

واذا بنتج وزنها تحت 2500 احسلها حليب الخدج

 

[مطرها يسبق رعدها]

انا مافيه شي ماسويته غيرت الحليب وماخليت دكتور وادويه وحاله ولا خف

الحين بدا يخف يوم صار عمره ست شهور

 

[عسل مرت قيمر]

حبوبه عادب وعن تجربه بولدي جذي صلر وماكنت اعرف تخيلي لدرجة اهلي مايبون يشيلونه بس عشان مايطشر عليهم كان جنه نافوره والله كنت اتبهذل تخيلي لابسه وبتطلعين وملابسج تصير جنهج متسبحه بحليب


كنت ابجي والله من كثر ما تأذيت منه


ماراح الا عقب السنه


الله يعينج حاسه فيج


بس تطمني ترا انا لان ولدي بجري كنت بس الف من دكتور لي دكتور



والكل كان يقول عادي


يسمونه ارتجاع


والحمدلله رب العالمين الحين ولدي بيدش السنتين



وكلها ايام