هام جدا

[(كويتيه)]

السلام عليكم ورحمة الله وبركاته

بسم الله الرحمن الرحيم

خواتي العضوات ممكن تعطوني نصائح

انا عرسي شهر 8 ولين الحين ماجهزت شي مااعرف شنوو اشتري

والمعرس مو من عايلتنا ومااعرف عنا اي شي ولا عن اهله وطريقتهم

خايفه اشتري شي وبعدين اتوهق يعني مثل اللبس يكون مايلبسون هاللبس
والعطورات مايعجبهم والخ

وفيدوني اكثر انا بنت بين 6 صبيان و ماعندي خوات وامي مره عوده وماتقدر تفتر معاي بالاسواق
وخوالي وعماني مسافرين والمهر 7500 قبل امس معطينياه تكفووون حدي متوهقه ماعندي احد يساعدني

واكون شاكره لكم

 

[لمى الهاجري]

اول شي اشتري قمصان النوم بس بيجوفهم ريلج نوعي القصير الطويل الستان وبجايم قطن ميكي وبطوط نوعي ن كل شي نوع والملابس الداخلية والاوراب الي فةق القميص نوم وطقم روب للحمام مع فوطة وفراش خاص للعروس اما قصدج ملابس الي جدام اهل المعرس اشتري لج جابيات فخمة او خيطي لج نفس الي تلبسهم الهام الفضالة بالمسلسلات الي موضة الجلابيات المغربية خيطي لج كم جلابية مغربي او حراير اما العطور عندج الماركت شانيل برير فريساجي وعندج القرشي عنده مسك وعود

 

[قآنون كيفكـ!!]

مبروك حبيببتي الله يوفقج
اشتريلج قمصان نوم نوعي بين القصير والطويل »الطوال لاتكثرين حدج اربعه قمصان
بجايم حراير ذربة وبجايم قطن صور ورسومات تطلع شكلج كيوووت
لبس للشقة نفانيف وبنطرونات
لبسج جدام حمولتج خذيلج بدل استقبال حلوة وجلابيات قصار وطوال او اذا تحاجين ريلج سئلية عن لبسهم
العطور حبيبتي حمولتج مالهم دخل بعطورج علها ماعجبتهم اهم شيء عاجبتج انتي خلج واثقة من ذوقج
عندج شكثر ماركات للعطور جييفنشي شانيل دولوقشي قابانا باكورابان .....
اممممم بعد لاتنسين اكسسوارات للشقة تراجي خواتم خلاخيل
ودشي الجزء الرابع من مشتريات العىايس ان شاااء الله يفيدججج
الله يوووووفقج

 

[حناينq8]

الف مبروك حبيبتي عسى الله يتمم عليج

مو شرط تلتزمين بذوقهم وطريقتهم


انتي لج شخصيتج وذوقج اللي يمكن يطلع احلا وارقى

حطي لج جدول دوني فيه من كل شي جم قطعه تاخذين

بدل الطلعه كثري منهم - الجواتي ( كعب او فلات ) - الجناط - الملافع اذا متحجبه
الاكسسوارات والذهب والساعات
الملابس الداخليه + قمصان النوم الطويله والقصيره
العطور والبخور والرشوشات
اجهزه مثل سشوار مكينه براون وغيره

اغراض الجمعيه دشي على مواضيعي انا حاطه موضوع عن اغراض الجمعيه راح تستفيدين منه

واهم نصيحه

ترا السوق موجود اشتري اللي تقتنعين فيه لا تكثرين من اي نوع
متى ما نقصج شي روحي اشتريه حتى بعد العرس ترا طلعاتكم بتكون كلها مولات
يعني ماراح تتوهقين


غير جذي شيلي مبلغ للعنايه الشخصيه مثلا اذا تبين تسوين ليزر + تبييض الاسنان + حمامات مغربيه وغيرها

واي سؤال لا يردج الا الكي بورد

 

[(كويتيه)]

اول شي اشتري قمصان النوم بس بيجوفهم ريلج نوعي القصير الطويل الستان وبجايم قطن ميكي وبطوط نوعي ن كل شي نوع والملابس الداخلية والاوراب الي فةق القميص نوم وطقم روب للحمام مع فوطة وفراش خاص للعروس اما قصدج ملابس الي جدام اهل المعرس اشتري لج جابيات فخمة او خيطي لج نفس الي تلبسهم الهام الفضالة بالمسلسلات الي موضة الجلابيات المغربية خيطي لج كم جلابية مغربي او حراير اما العطور عندج الماركت شانيل برير فريساجي وعندج القرشي عنده مسك وعود

مشكوووره حبيبتي

 

[(كويتيه)]

مبروك حبيببتي الله يوفقج
اشتريلج قمصان نوم نوعي بين القصير والطويل »الطوال لاتكثرين حدج اربعه قمصان
بجايم حراير ذربة وبجايم قطن صور ورسومات تطلع شكلج كيوووت
لبس للشقة نفانيف وبنطرونات
لبسج جدام حمولتج خذيلج بدل استقبال حلوة وجلابيات قصار وطوال او اذا تحاجين ريلج سئلية عن لبسهم
العطور حبيبتي حمولتج مالهم دخل بعطورج علها ماعجبتهم اهم شيء عاجبتج انتي خلج واثقة من ذوقج
عندج شكثر ماركات للعطور جييفنشي شانيل دولوقشي قابانا باكورابان .....
اممممم بعد لاتنسين اكسسوارات للشقة تراجي خواتم خلاخيل
ودشي الجزء الرابع من مشتريات العىايس ان شاااء الله يفيدججج
الله يوووووفقج

الله يبارك فيج
لا مااحاجيه
ومشكووووره حبيبتي وان شاء الله بدخل للموضوع واستفيد من خواتي العضوات

 

[(كويتيه)]

الف مبروك حبيبتي عسى الله يتمم عليج

مو شرط تلتزمين بذوقهم وطريقتهم


انتي لج شخصيتج وذوقج اللي يمكن يطلع احلا وارقى

حطي لج جدول دوني فيه من كل شي جم قطعه تاخذين

بدل الطلعه كثري منهم - الجواتي ( كعب او فلات ) - الجناط - الملافع اذا متحجبه
الاكسسوارات والذهب والساعات
الملابس الداخليه + قمصان النوم الطويله والقصيره
العطور والبخور والرشوشات
اجهزه مثل سشوار مكينه براون وغيره

اغراض الجمعيه دشي على مواضيعي انا حاطه موضوع عن اغراض الجمعيه راح تستفيدين منه

واهم نصيحه

ترا السوق موجود اشتري اللي تقتنعين فيه لا تكثرين من اي نوع
متى ما نقصج شي روحي اشتريه حتى بعد العرس ترا طلعاتكم بتكون كلها مولات
يعني ماراح تتوهقين


غير جذي شيلي مبلغ للعنايه الشخصيه مثلا اذا تبين تسوين ليزر + تبييض الاسنان + حمامات مغربيه وغيرها

واي سؤال لا يردج الا الكي بورد

الله يبارك فيج

مشكوووووره حبيبتي

وان شاء الله اليوم بروح السوق

يعطيج العافيه

 

[[ نور عيني ]]

-


مبرووووووووووووك حبيبتي
اذا عندج مشاكل صحيه بالبشره او الاسنان او الشعر او زياده في الوزن
كل شيء لازم تحاولين تغيرينه تغيير جذري ..
وبعد هالنقطه فكري بالتجهيز والتشري من المولات ..

اول شيء جيبي ورقه وقلم وشوفي شنو تحتاجين ..

اعزلي فلوس حق الذهب والنفنوف الابيض و المصوره والميكب والدي جي اذا عليج ..

والباقي جهزي فيه
يعني قمصان وبجايم وارواب .. الخ
وبدل ( بناطيل جينز سكيني / بناطيل استريت / بناطيل واسعه اللي طايحين فيها مشجره / تنانير قصيره / نفانيف قصيره / تشيرتات )
النعول / كعووب و صنادل وفلاتاات ..
اكسسوارات / جناط / ساعات / عطورااااااات ..



وابداي سوي جلسات سونا وحمام مغربي عشااان ما يجي عرسج الا وانتي بقمه الصفاءء :$
واذا تذكرت شيء برجع اكتب لج ، وبالتوفيييييق يارب =)

 

[(كويتيه)]

الله يبارك فيج
انا جسمي و اسناني الحمدلله حلووين
بس شعري يطيح وايد ممكن تفيديني بااي شي
والبشره والله مادري وين اروح اذا في اماكن انتي مجربتها وحلووه اذكريلي اساميهم
ومشكووووره ي قلبي

 

[أجمل إنسـآنـه ~]

ماتهم العطور يعجبهم ولأ لأ أهم شي يعجبج,,~>!

ابدي من اوول ششي

اول شـي الملابس الداخليه وقمصان النوم,,~>اشتري قميص النوم الابيض,~> من الحمراء مول محل فوق روؤعه ,~> واشتري قميص ثاني يوم خليه يكون فخم مثل اول يوم بس لون غير الابيض,~> واشتري 5 طوال للاول الايام لأنج راح تكونين مسستحيه .~ بعديين اشتري قصار هيك 10 ,~> واشتري بيجايم حريرر 5 ,~>!!,,القمصان القصار والبجايم الحرير من ماكس ورد تاغ نعومات حيلـ,~>~




بعدين اشتري بيجامات البـيت همن من ماكس ومن لاسنزا بالافنيؤز,~/>


وبعدين اشتري لبس الشقه مثل تنانير قصصار ,~> وبناطيل وبلوزاات ونفانيف .~><< عاد من اي محل انتي تفضلينه,~>!!


بعدددين فصلي دراريييع فخممه حوالي 6,~> ودراريع ناعمه للنزله تحت همن 6 او 7,,~> العربييد صاير حلوو~,> او من كتالوجات ,~<<


وأشتري مكيااج ,,~> اي محل انتي تبينه,> والعطورات من دبنهامز بالافنيؤ,~> واشتري بخورات من قزاز بالمباركيه


عااد اخخخير شششي اششتري الاكسسوارات على لون دراريعج ~>


وصح نسيت الجناط والجواتي عزج الله بالافنيوز كل المحلات الي تبينهمم,ْ>

وموفقه ياقلبي,ْ>
ان شاءالله افدتج لو بشي بسيط

ونفنوف العرس روحي اي مصمم انتي تبينه ولأتنسين ثاني يوم ولرده اسبوعج

وأفضضل تكتبيين كل شي تبينه بورقه,~ وحددي ااذا بتطلعين اليوم قولي بروح اخلص الشغله الفلانيه ,>~ احسن لج عشان تشوفين انتي رايحه لششنووو,ْ><


ولأ تنسين الذهب اذا بتشترينه
مووووووووووفقه ياقلبي,ْ>

 

[(كويتيه)]

مشكووووره ياقلبي

وايد استفدت وان شاء الله راح اسوي اللي قلتي عليه

 

[(كويتيه)]

انا امس رحت لسوق وفي اشياء وايد عجبتني بس ماشريتهم قلت بس افتر بسوق والقي نظره على الموجود والاسعار وارد البيت وافكر بكل شي ويووم رديت للبيت جان تتصل علي بنت خالتي قالتلي ان اهيا بترد للكويت وبتقعد في بيتنا لان اهلهاا مسافرين وزوجهاا بيسافر لواحد من ربعه تعبان وراح يساعده
فقلت حياج الله واسئلتني عن المهر اذا وصل ولا لا قلت لهاا اي قلتلهاا شرايج تساعديني بتجهيزات قالت ابشرري راح اساعدج
قلت لهاا مشكووره وايد وقلت ان انا دخلت منتدى كويتيات وعطوني افكار حلوووه وعطووني نصائح وايد قالت خلاص نكتب كل اللي نحتاجه وندخل للمنتدى ونستفيد منه بعد قالتلي ان اهيا بعد كانت تدخل للمنتدى ايام التجهيزات وان العضوات ماشاء الله ماقصروا معاهاا*
الحين ارتحت اشوووي*
ومبدعات ياعضوات منتدى كويتيات*
شكرررراا لكم من القلب*

 

[أإأم روويم]

رررفع

 

[اميره^_^بحلآها]

مثل ما قولو البنات


و الله يوفقج و ان شاء الله سهالات

 

[t.o.o.ot]

مبروووووووووك وبالتوفيق ان شاء الله

 

[BURAIH]

الف مبروك حبيبتي البنات انشاء الله كفوا ووفوا
واذا تبين اي تصميم للمجوهرات (فضة -احجار كريمه_ذهب _شبكات_ الماس) اتصلي على هالرقم : 90984351
اصمملج على حسب لون النفنوف او تكرمين الجوتي وانشاء الله يعجبج ذوقي
موفقه يااااااااااارب