هام الكل يدش

[الجسوره]

سلام عليكم ..​

شلونج حبيباتي ..

انا بدخل بالموضوع ع طول ...

متى نعزل الجهال لغرفه بروحهم .. انا بصراحه قاعده اقول حق زوجي من يجي ولدي حبيبي عمره سنه ونص او سنتين بعزله بغرفه بروحه الحبيب ابو الشباب رافض الفكره هذي لانه معتقد بان الجاهل توه صغير و ما يعرف للاسف الفكره هذي غلط لان الجاهل من وجه نظري من يتم عمره سنه يدرك باللي حوله و يفهم ...

ابدعوني بارائكم​

 

[مذهلة2013]

حبيبتي انا حامل وبجريه وماعرف بهالسوالف

بس اظن سنتين صغيير

ان شاءالله البنات يفيدونج

 

[miss-jmjm]

والله يقولوون من سنه ونص لانه يبلش يفهم وكل ماتاخرتي بالعمر كل ماكان العزل صعب مثلي بالضبط خاصه اذا بعد كنتي ترضعينه ....زحاولي من سنه ونص وفي الكاميؤرات الي بصوت وصورة تحطينها عند فراشه وتسمعين وفي بعضهم انتي تقدرين تكلمينه واهو شوي ممكن يهدا وينام وتلاقينهم في مذركيرو سنتربوينت .....وحطيله اباجورات وليتات عشان لايستاحش المكان

 

[مارلين_مونرو]

كل ماكان أبكر كل ماكان أفضل ..

 

[اذوب بكلامه]

حتى انا نفسي اعزلها عمرها سنه وثلاث شهور بس اخاف يصير لها شي لاسمح الله واحنا نايمين ومانحس فيها
اعتقد من بعد السنتين ونص مناسب

 

[قطرية كشخة]

اممممم بس انا عندي فكرة ممكن تعزلونهم بسرير خاص وفوقه ستارة بدال غرفة

 

[glby7sas]

والله انا بجريه وهالموضوع محيرني من الحين معني اشوف الاجانب يعزلونهم من المهاد مااشوف اعيالهم صار لهم شي ياريت المجربات يقولولنا

 

[كرز.]

انا بعد بجريه بس اهلنا يعزلونهم من سن ثلاث سنوات لما يقدر الياهل يتكلم عدل ويعبر عن شعوره ويشكي ويدل دار امه وابوه ويعرف ان مادخل مطبخ ولا امسك سجين ولا العب بالماي وغيره
لكن ياهل ابو سنه ونص لو يطلع من داره بيحوس البيت حوس وتخافين عليه يجرح نفسه ولا يسوي شي

 

[نـعـومـه]

على حسب الياهل نفسه في يهال من سنه ونص

ويهال يمكن 4

 

[Mwaz]

انا الصراحه عن نفسي احس قلبي مايطاوعني اخليه بغرفه بروحه هالعمر
احسه نتفه صغير​

 

[om 7amoodi]

سنة
واذا قبل السنة احسن بعد بس حسب نومته اذا تعدلت والا لأ لانه كل ما كبر يتعلق فيج اكثر و يصير صعب تفصلينه
انا لما كمل سنة خليته بغرفه بروحة كنت انومه بفراشه واروح غرفتي و اشغل المونيتر اشوفه و اسمعه متى ما ابي بهالعمر اسم الله عليه كان ينام ما يقعد بالليل واذا قعد مرة بس و يبجي واهو مغمض بس يبي حليب و يرد ينام

 

[glby7sas]

اب اب

 

[NFoOLEe]

انا من رايي سنه يكون احسن لانه الياهل يبدا يفهم وموحلوه يكون مع الام والابو