هامستر ولا ارنب ؟ دخلو اللي عندهم خبره

[Brora ~]

السلام عليكم،؛
ناويه اشتري هامستر ولا ارنب انتو شرايكم شنو اشتري
وشنو احسن حق الاهتمام
؟؟
بس يمكن ارنب لانه كان عندي ارانب من قبل يعني عندي خبره شويه
بس ابي تقولولي بتفصيل شلون يهتمون بالارنب ووين ينام وشنو ياكل
وشلون اسبحه وشلون اعلمه على اسم
اتمنى تفيدوني بكل الي تعرفونه ومشكورين
الله يوفق اللي ترد عليي

 

[Brora ~]

وابي اسال وين في محلات حق اغراض الارنب اكل وهالسوالف
قلت. عن محل بت زون. بس وين صاير بالضببط

 

[دلوعه كندا]

الارنب اكييد
ويع شتبين بفاااار
بس الارنب ما يصير تسبحينه يموت
وياكل خس جزر خضروات

 

[لولوه المزيونه]

اممممم اهـوه الآرنب زين بـس القطـوه احسن وتـونس و pet zone تقـريبـآً يـم الافنيـوز بس شفتي محل تروفـآليوا تلفين بـآللفه اللـي عنـده وتكملين سيـده وعلـي ايدج اليـسـآر تلقينـه وان شــآء الله يكــون وصفـي للطـريج فهمتيـه ...


,

 

[zouz]

اممممم شوفي انا بخيرج وانتي اختاري

الارنب
-لمن يكو صغير عادي تحطينه بقفص صغير نوعا ما بس لمن يكبر لاازم تحطينه بمكان عود مثل الحوش او سرداب او جي
-من الحيوانات الي مناعتها قويه نوعا ما ويمكن يلقط امراض
-اهتمامه سهل وحبوب و تتقدرين تعلمينه عالليتر بوكس وانتي بكرامه

الهامستر
-هذا حبيبي واختياري الشخصي لول لان عندي واحد فديته
-الاهتمام فيهم حييل سهل كل يوم ماي نضيف و تنويع بالاكل وتنظيف القفص مره بالاسبوع
-تقدرين تسبحينه بحمام رمل .تحطين صحن فيه رمل عادي واهو يحوس فيه
-مناعته ضعيفه يعني اذا صار فيه مرض بسرعه يمكن يموت وماينقل امراض مثل الفار الي ينقل الطاعون مثلا !
-يقدر يعيش بقفص متوسط مع العاب ودوارف داخله
-تقدرين تحطينه بغرفتج ..انا حاطته بغرفتي ومايطلع ريحه لاني انظف القفص كل اسبوع .يعني ابدل نشاره الخشب الي بالقفص


ووو بس شرايج انتي منو احسن الهامستر ولا الارنب
اذا اخترتي الهامستر بنظري وايد احسن واقدر اساعدج اب وااايد شغلات مثل وين تشترينه وجي شغلات
انتي اختاري وعطينا خبر :*
موفقه:*

 

[angel94bloushya]

اكيييييد هامستر
انا خيره ٦ سنين هامستر
الارنب مشكله يبيله عنايه يعني لازم يعيش بمكان فيه زرع و طبيعيه مستحيل يعيش داخل بيت يصير فيه اسهال ويموتون :"(

اما الهامستر السووووري ثبتي السوووري مو روسي
السوري اليف يلعب اينن
روسي شيطان يعض مايحب يلعب مع الانسان

كل اللي عليج تشترين ذكر و انثى وقفص اللي بو طابقين داخله عجله و مشربه ماي و لا تنسين تشترين اكلهم الخاص و نشاره الخشب اللي تنحط عشان تمتص الريحه
كل تلقينه بسوق الحمام عادي
بس في هامستر سوري شعره وايد واكو شعر شوي انتي اللي يعجبج اخذيه انا اخذ الااثنين عشان اليهال يطلع ملونين وشعور وايد و شعور شوي
بس يبيلهم مجابل خصزوصا لما تكون الام حامل ان صارت حامل كلميني واقولج شنو تسوين بالضبط
وترى هامستر مايتسبح لا تسبحينه يموت حتى الارنب
الهامستر من نفسه ينظف نفسه

وان شاءلله اكون افدتج
انا مينونه فيهم ترى لووووول

 

[mrs.inona]

الهامستر اكييييد لانه عندي واحد فدييته