هالمشكلة تعاني منها الكويتيات للاسف

[umshog]

والله هذا تخلف ومرض نفسي الله لا يبلانا وايد ناس يكرهون الحيوانات معنه الحيوانات يهبلون وونسون ومره شفت برنامج لاطباء نفسيين يقولون ان اللي يكره الحيوانات ويحب يعذبهم مريض نفسي بالنسبه حق رفيجتج انصحيها قوليلها لا تاخذين الموضوع ضحك ترا الحيوانات لهم حوبه انا جاري انسان حقير كل ما تطب قطوه ابيتها لازم يطقها مره طقها جدامي لما صرخت عليه يالله استحى على ويهه ودش داخل ونفس حالتها يحب يدوسهم بس ربج جازاه انقلب بالسياره ومات قوليلها يوزي احسن او راجعي طبيب نفسي .
حكمتي : عاشـــــــــر حيوان ولا اتعاشر انســــــــــان
واتمنى يسوون جمعيه الرفق بالحيوان عندنا والله اول وحده اشتغل معاهم بس شنقول الله يفكنا من هالتخلف قطيعه ابتلشنا

 

[دلوعه ناعمه]

تفقص القطاوه حبيبتي هاذي فيها حاله نفسيه وبعدين هاذي عقلها اصغير وماعليج منهم مو بعدين تكرهين القطاوه وتسوين مثلها (ارحمومن فالارض يرحمكم من فالسماء))

 

[Cander]

حسبي الله عليها ، شكو تموت القطاوة شسووا لها

انا اختي عندها قطوة مع اني عندي حساسية من القطط و اراجع مستشفى الحساسية

بس احب القطوة والحيوانات لأنهم لاحول لهم ولا قوة ماعندهم عقل مسااكين يكسرون خاطري

وفوق هذا اللي يرعاهم ويوكلهم لة اجر عند الله وقبل وحدة دخلت النار عشان قطوة ، طقتها وماخلتها تاكل

هذي رفيجتج مريضة نفسيا ، انا شفت بالنت صور وحدة داست عالقطوة وموتتها يومين مانمت انكسر خاطري

قطوة حيوان ما عندة عقل ولا يضر بس الله يحاسبهم هالناس ماعليج

 

[girl lesh]

والله انا اموت على الحيوانات وتقريبا ربيت معظم الحيوانات
باقي دب وزرافه وفيل لووووول

 

[ورده حمره]

واااي والله رفيجتج هذي قهرتني حسبي الله عليها مال اهي اللي تنفقص مجرمه !

انا بعد اتنرفز من اللي يقولون واااي شلون تربين قطاوه شلون تمسكينها وصخه@@

شنو وصخه ! يعني انا النعومه الكيوت والله سخافه

لوول ودي اقول انظف منج لوول

لا بس صج الحيوانات كلها امووووت عليها لو بيدي مايبقى حيوان ماربيته لوول

 

[Dare to challenge]

؛
الـــســلآمـ عـلـيـكـمـ و رحـمـة الله و بـركـآتـه

أول شيء حبيت أقولج موضوع حلو علشان انحط حرتنا فيه من الي نشوفه ,,,

و عندي شوية ملاحظات و إن شاء الله تكون خفيفه على قلبج ,,,

أولاً التعمـيـمـ خطـأ و انتي حطيتيها مشكله للكويتيات كلهـمـ ,,,
المـهـمـ خطـأ هذا التعمـيـمـ و مثل مافي كويتيات يسون هالشيء في كويتيات في قلوبهـمـ رحمه لها الحياونات ,,,,

و كل الي ردوا الحمدلله نموذج منهـمـ ,,,

و الرحمه أبد ما اقتصرت على الجنسيه و لا أصلا لها دخل ,,,

المـهـمـ مثلاً أنتي اتقولين إن الهندي له رحمه على الحيوان صح ؟؟

أنا أذكر سايقنا قبل ياخذ القطاوهـ و يلفـهـمـ ابـ كيس و يروح يقطـهـمـ شرايج ؟

مثل ما اهو ما فيه رحمه فيه هنادوهـ فيهـمـ رحمه تضف الدنيا كلها ,,,

و أذكر شفت رد لواحد أجنبي أظن أمريكي يقول كل ما تمشيت بالسيارهـ و شفت قطو ألحقه لحد ما أدوسه ,,,

و إذا انحاش أتحسف عليه لأني ما قتلته ,,, << لا تعليق

و في أجانب يا حلوهـمـ و يا حلو حبهـمـ للحيوانات و طيبتـهـمـ واحترامـهـمـ ,,,

و ترى معلومه للكل ما عمرهـ كان ولا راح يكون الأجنبي الكافر أحسن من المسلمـ المؤمن ,,,

و لا أحد يقارنهـمـ فينا و ترى هـمـ قبل كانوا يعذبون الحيوانات تعذيب و في منـهـمـ ليلحين يعذبون ,,,

و بعدين ترا احنا أحسن ترا قبل في أيامـ الصحابه كانوا المسلمين يتبرعون علشان يعالجون الحيوانات المريضه ,,,

بس ما أدري ليش راحت هالظاهرهـ ,,,

حتى في حلقه للشيخ نبيل العوضي يقول إنه يتمنى إن في محامين يدافعون حقوق الحيوان ,,,

و معاهـ حق و إن شاء الله يسير هالشيء قريب ,,,

و بالنسبه للتطنز عادي حبيبتي خلي لج اذن من طين واذن من عجين ,,,

دخلي مني و طلعي الصوب الثاني ,,,

ترى امكن انتوا أهون أنا كل مكان يتطنزون علي في من يتطنز و في من يشجع ,,,

و أنتي وشطارتج تقدرين تخلين الي يتطنز أو يخاف يحب هالهوايه ,,,

و هذا الشيء صار مع ناس كثار من الي أعرفهـمـ ,,,

و علمي صغار العائله حب الحيوانات و عدمـ الخوف منهـمـ و شلون يعتنون فيها عدل وقولي لهـمـ أحاديث الرسول ,,,

و بالنسبه لرفيجتج ما أقول إلا حسبي الله ونعـمـ الوكيل ,,,

و انصحيها على هالشيء و إذا ما سمعت اتركيها لأن وحدهـ ابها القسوهـ ما أظن تستحق ترافجينها ,,, < وجهة نظر


أو حاولي تحببينها بالحيوانات و تورينها البراءهـ الي فيهـمـ وادعي ان ربج يهديها و يفكها من الي اهيا فيه ,,,

و أذكر مرهـ شفت قطوهـ صغييييييييييرهـ مدعومه تقطع قلبي عليها ,,,


و المشكله أمي و أخواتي معـآاااااااي و هي ابنص الشارع و كنا ابأرض المعارض ابـ مشرف كسرت خاااااااطري ,,,


المـهـمـ جني طولت أنا أهلي يضحكون علي لأني أحب الحيوانات ,,,

و أربيهـمـ و أحب أدلعهـمـ و أمي تقول لو عيالج ما اهتمتي فيهـمـ جذي ,,, < ههههه

و إن شاء الله لي رد ثاني لها الموضوع ,,,

و مـــــع السلامــــه

|~|

ما شاء الله كلامج وااايد حلو واسلوب مقنع وتقريبا تقارب الافكار والرد بيني وبينج (ما ادري اذا قريتي ردي ؟)

وما شاءالله كملتي الاشياء إلي غفلت عنها بعد ما طبعت الإيجابه

تدرين يا الغاليه انا اخوي من كان صغير نعلمه يمسح على الحيوانات ونعلمه يحبهم ويعطف عليهم ما اعلمه على الخوف منهم او اذيتهم و اذا ما يحبهم ما يأذيهم وشي حلو علمته

علمته إنا الحيوان مهما فهم ما يدرك نفس الإنسان يعني بعض المرات قطوته تشمخه واهو يبي يطقها اعلمه إنها حيوان ما تفهم
اي تحبك قطوتك بس ما تفكر تفكيرك قاعدتها بحياتها إلي يأذيني ادافع عن نفسي


وانا ما احب اعطي الياهل تجارب اهو ما جربها مثلا انا ما احب المس القطوه ما اقول ويييع وصخه خلها تولي
ليييش عندي ويييع بس عنده اهو مو شي لا حلو ولا مو زين الان اهو إلى الحين ما عنده خبره (هذا الكلام بالنسبه حق ياهل صغير) خلي يمسكها يلعب معاها اهو يبني علاقته من خلال التعامل معاها لازم نخلي الطفل يسكشف العالم من دار مداره

والله شوفي اليهال الحين من زود حرص امهاتهم المبالغ فيه ماكو شخصيه لاحظي اغلب اليهال وااي يمه يخرع يخوف لا يطق يعض وصخ

انا ما احب جذي احب كل واحد له تجربته بروحه مو معناته إني اخليه يم النار واقول لا خليه يجرب ويكسب خبره

لا طبعا هذي شي غير

وسامحوني على الطواله​

 

[a7la-86wa]

تدرين يا الغاليه انا اخوي من كان صغير نعلمه يمسح على الحيوانات ونعلمه يحبهم ويعطف عليهم


​

لوووووووووووووووووووول
انا دايما اخلي اختي تلعب مع حيواناتي طبعا تحت اشرافي وعادي تمسح عليهم وتسولف معاهم
وتستاااانس لما اقول لها يلا نروح عندهم تروح تسبقني

اما اخوي:0bee2e8d89: اصغر منها
اقوله امسك القطوه يلمسها ويضحك
اخوي صغير بالعمر مايعرف يسولف للحين بس يفهم عدل
لما القطوه تروح او لما تعطيه ظهرها
على طول يشوتها :eh_s(14):
انا اركض وامسكه من هدومه واشخله
بس ماكو فايده ما يتعلم
ومرا بالمركز العلمي نحطه عند السمج يقولها هييييه والسمج يلف ويروح وهنييييي الصدمه@_@
نفل وشات الجام@_@ @_@ @_@ @_@ @_@ @_@ @_@
عاد احنا مانعلمه اشياء جذي
اخوي هذا مجرم بالفطره:0bee2e8d89:

 

[S H A Y O 5 K A]

تخيلي انا وحدة احب الحيواانااااات
صحيح اني اخاااف من الجلاب لانه صار لي موقف معاهم
و لكن ما ارضي انهم يتاذون
حرااااام
كائناااات حيه
الله خالقها مو عشان تتعذب
و انا اقول لج ياه
قله الثقاااافه
و في نااس تعودت تقول تخاف من الحيوانات او تشمئز منهم لأنه اللي حوالينها كلهم جذي

يمكن يكون الموضوع قديم بس شدني

و اشكرج علي طرحج للموضوع

 

[mrs.inona]

وييع ناااس مادري شلوون صايره

انا امووووت ع الحيوانااات


وصجج ما ارضى علييهم

يعطييج ربي الف عاااافيه ع الموضوووع