هالمشكلة تعاني منها الكويتيات للاسف

[كويتية سفور]

بنات انا من هواة تربية الحيوانات الاليفة و هم عندي حب لباقي الكائنات واحب اتابع برامج انيمال بلانيت و احس بعطف وحب كبير للحيوانات ولله الحمد ، بس لاحظت عندنا بمجتمعنا الكويتي للاسف انه البنات وبعض الشباب يكرهون الحيوانات و بعضهم يخافون منها وايد و يشمئزون منها لااا و مرة رفيجتي قالتلي شي صج صج كرهتها وطاحت من عيني تتوقعون شنو؟؟؟؟

تخيلوا اهي من هواياتها تفقص القطاوة وتدعمهم بسيارتها:0bee2e8d89: ، و الكل يتطنز علي من اهلي ورفيجاتي على عطفي على الحيوان يعتبروني انسانة وصخه و عقلي صغير :eh_s(14)::eh_s(14):


على عكس اللي شاهدته عند الاجانب وخاصة الهنود والغربيين والامريكان يحبون الحيوان ويعطفون عليه ويرحمونه من قلب و يهتمون فيه وبصحته ، تتوقعون شنو السبب ليش احنا جذي ؟ مو تخلف هذا ؟ وقلة ثقافة ووعي ولا شنو؟

 

[yassoo]

والله انج نفسي انا اموت على شي اسمه حيوانات

لدرجة اني بس اشوف اي قطوة بالشارع لازم احطلها اكل
ووايد اهلي ينتقدوني حتى ريلي

لدرجة اني من تزوجت وسافرت اضطريت احطلهم خدامة عشان تهتم فيهم

شوفي اهو مثل ماقلتي قلة وعي وثقافة وتخلف

 

[حنونة المزيوونه]

ابيييه اي شي !! شكو يتطنزوون!!@@

انا وحده اموووووووت على شي اسمه حيوانات واحس همن بالعطف والرحمه عليهم؟! يعني مو شي غريب ومايستدعي للطنازة

وهذي رفيجج ودي اتهاوش معاها وانا اللي افعصها <<اسمحي لي يعني بس صج عصبت !!

وهذا يسمووونه تخلف وغبااااء بصراحه@@

 

[بــدويه]

صاجه حببتي .. انا احسهم يجذبون وربي بس جذي مظاهرر يعني احناا كيوت او يعني دلوعات ماماتهم وباباتهم .. واهم التمسااااح يخاف منهم مو اهم اللي يخافون منه..

صراحه لاحظت انهم يجذبون وماخذذاتها موضه .. ولا هذي رحمه من الله حطها لنا بالارض الله اللي خلقه والله اللي خلقنا نتكبر على خلق الله ؟؟؟؟

ما اقول الا الله يهديهم وياليت يعرفون ان اللي تربي حيوانات او يربي حيوانات .. شخص حنون وطيب وعنده عطف وبقلبه رحمه ..

وع فكرره انا جربت صداقات ومالقيت احسن وافضل و اصدق من صداقت الحيوان ... للأسف ؟؟؟؟

 

[Aboosah]

كلااااااااااااامج 100 بالميه

مع ان الحيواااااااانات اشكالهم حلوه ويونسون ويوسعون الصدررر


وسميلي رفيجتج ياويلهااااااااااااا من عذاااب ربهاااااااااااا ماتحبهم ماتعذبهم


والرسول عليه الف الصلاه والسلاااام وصى بالرفق بالحيوانات


ويااااااااااااليت احنا بتربية الحيوانات نصير مثل الغرب حنونين ويرفقون بالحيوانات

 

[عسوله تحب بطسايه]

امبييييييه هذي مجرمه

فيها مرض نفسي الي تفقص الحيوانات..يا ويلها من عذاب الله

^_*

والحيوانات احلا شي بالدنيا

يعطيج العافيه

 

[سحيله_الحلوه]

واااااي امبيييه هاذي من صجها!! مجرمه!! جم مره كنت بدعم والسبه الزم برييييك عشان مادوس على قطوه والا حمامه !!
انا صج احب الحيوانات بس من بعيييد لاني اخاف

 

[sweet cake]

غرامي شي اسمه حيوانات بكل انواعها باستثناء الحيه والعقرب ..
احب اعرف سلوكهم وادرسه واتعلم عنهم.. ولو بيدي اسوي حديقة حيوانات بالبيت..
في ناس مثل ما قالت بدويه يجذبون يعني ترى انا نعومه عشان جذي اخاف.. حتى اللي يخافون من الحيوانات ما يكرهونها جذي ولا يتمنون لها الموت..
عياره ونفاق بصراحه !!

 

[Kawaii GiяL]

!! مع ان احنا المفروض نكون احسن من الغرب ,, لانه دينا دين رحمه ,, و في احاديث وقصص عن العطف على الحيوان
و ما اعتقد احد ما يعرف حديث الرسول صلى الله عليه و سلم
دخلت امرأة النار في هِرَّة ربطتها، فلم تطعمها، ولم تدْعها تأكل من خشاش (حشرات) الأرض)

يعني رفيجتج مو بس تخلف مو قله عقل الا قلت دين ,, و لو بنخلي الدين على جنب ,, انسانيا شلون قلبها يطاوعها تدعم قطوة !!
او تذبح كائن اضعف منها هذي رووح يا ناس والله رووووح من لحم و دم شفيهم هذولي شهالمرض االحمدلله و الشكر

و الله لو رفيجتي و رب الكعبه ما اماشيها مافيها خير
اذا هذي نفسيتها جذي مرض و قلبها اسود
شتبين فيها !!!!!!!!!!
ما اماشي هالاشكال الصراحه و لا اعور قلبي
اخخخخ يا بنات راح احط موضوع لكم والله يعور القلب

 

[Kawaii GiяL]

و لا اقول ماني حاطه الموضوع انا ضاق خلقي مابي اضيق خلقكم ^_^ الله يسخط فيها قولو آمين بس راح اقولكم شلي شفته
شفت صور حق وحده تسدح قطوة عنونه ,, والله تهبل ,, و تدخ كعبها بعينها لين عينها الثانيه طلعت @@

يا قلبي عليها آآآخييييييي حراااام ماله داعي تشوفون بس يارب تنعمي اي تنعمي هذي انشالله تطيح و يدش مسمار بعينها قولو آمين

 

[sweet cake]

اي كاواي شفتها حسبي الله عليها
قعدت ابجي لما شفتها

 

[ياعشيري جعلك السلال]

هالفئه ماصخه بصراحه

انا يغثوووني الي تقولج القطوة وصخه @@

والله يهبلون

والحين قونا الكبير نايم معاي بالفراش ههههههه

 

[ســكــّر]

ماشاء الله عجبني كل رد وحده في الموضوع ^^ كفت ووفت


بس انا بتكلم في نقاط واايد نسوووها وبصراحه للاسف هذي صايره ( بالخليج ) وللاسف الشديد


صار هذا تفكيرنا


الي تربي ( قطوه ) = فيها مرض نفسي او نقص وتحاول تبين انها ناعمه ودلوعه = الحين القطوه تبي تخلينا نواعم وتبين شخصيتنا ؟


واذا كان شاب يربي ( قطوه ) = مو ريال كلش @@ انزين ليش القطوه صارت تحدد هذا ريال وهذا مو ريال



.
.


وعجبني رد بدويه واهي صاجه فعلا بكلامها

وع فكرره انا جربت صداقات ومالقيت احسن وافضل و اصدق من صداقت الحيوان ... للأسف ؟؟؟؟

ماجذبت بالكلام





وليش ماقروا الاحاديث والقصص عن رافه بالحيوانات واولهم احاديث القطط تبين لنا انها نظيفه


للاسف للحين في ناس متخلفه حيل حيل بخصوص الي تربي او يربي الحيوانات


هذي هوايه ومنها تسليه ممكن تصير تجاره ويستفيد منها




والله يعينا عليهم وعلى تفكيرهم المحدود


مشكوره يالغلا​

 

[سكارف.فوشي]

عفوا حبيبتي رفيجتج مريضه نفسيا اسمحيلي
مايفكر بهالطريقه البشعه الا الانسان الغير طبيعي
بس بالنسبه لباجي الناس واااااااااايد ناس مايحبون الحيوانات في اسباب ( مسؤليات-اهتمام-يحاتون نظفاتها من الامراض .......الخ) بس يتعاطفون مع الحيوانات ومايضرونها هذول الناس الطبيعين اما تي وحده تقول بدعمها ولا بذبحها ولا بتدوسها فهذا 100% مو صاحيه واكره هالفئه من الناس احس قلوبهم حجر اذا على الحيوان العاجز ماعطفت ! شنو اترجى منها؟ قلب حجر عقل مريض
احترررررررررررريت بس عفيه:eh_s(14):​

 

[3w!Shni]

آآآآآآآآآآآآآآه

شخلي و شقول ..

احنا نعرف واحد يقهرنيييييييييييييييييييييي

يصيد القطاوة من الشارع و يروح يقطهم بالبر لا ماي ولا شرب ولا مكان يستظلون فيه؟؟؟؟؟

استغفرالله عشان ليش؟؟؟

عشان تاكل طيور لوووووووووووووول

ياربي هذي قوانين الطبيعه

القطو ياكل الطير الضعيف لما يصيده .. شي طبيعي شنو ياكل طيور

اففففف

ارتفع ضغطي

 

[Kawaii GiяL]

بنات ازيدكم من الشعر بيت اكتشفو ان تربيه الحيوان ممكن يكون علاج

للناس اللي فيهم امراض نفسيه و الاطفال اللي فيهم مرض التوحد و امراض القلب و للي فيهم تشوهات او معاقين
و نفسيات اللي يربون واايد افضل و احسن من اللي ما يربون
يا سبحان الله ,,

انا امنيتي في هالدنيا اشتري جواوا هههههههه فديته بس حسافه نيس
و يمكن يغنيني الجوواوا عن الزواج ههههههههههههههههههههههه لووووول

 

[سكارف.فوشي]

هههههههههههههههههههههههههه
كاواي صح كلامج بخصوص العلاج النفسي
وحتانه من زماااااااان بخاطري جلب بس محد يخلي <<-- بتبجي
وغير هذا نيس ولا ميته عليهم يشوقون ويفهمون اكثر من القطاوه

 

[Kawaii GiяL]

سكارف فوشي ترى تقدرين يعني اذا الله كتبلي نصيب ,, و صار عندي بيت ابني غرفه بره و حط فيها مكيف و فراش عنونو و اغراض حق الجواوا كلها و خلي الغرفه متصله بالبيت بس تكون بره يعني بحيث تدش الملائكه و ما انحرم منهم

و كل ما تبينه روحيله ^_^

انا يمكن اسوي جذي
نفس هالغرفه

 

[سكارف.فوشي]

الله ونااااااااسه اهم شي التلفزيون لوووووووول
بس شالفايده احبه يكون على طول بحضني ويمي اونس
انا قطاوتي كل مكان لازقتهم فيني انزل تحت شايلتهم على قلبي امي تقول شدعوه شدعوه لو عيالج جان ماحطيتهم على قلبج جذي
ما اطلعهم من داري كلش بس ابيهم جدام عيني وحتى وقت النوم معاي بالفراش لوول واحد يمين والثانيه يسار
بس هم حلوه الفكره وااااااااااايد

 

[Kawaii GiяL]

سكارف فوشي اخلي ريلي يولي و انام عند الجواوا لووووووووووووووووووووووووول

واي فديته شوفي الحلاة شوفي

فديته خنفوووسي ابي مخفوس ويهاا جذي لووووول