هالمره الى الجحيم يا توجيه الانجليزي!!!! موجه؟ مسؤول بالتربيه؟؟ دش الموضوع بليز

[معلمة_منكوبة]

كل مدرسه تسوي حق (الفتره الأولى) بس بروحها


ثلاااااااااااااااااااااااث امتحانات !!!!!!!!!!


امتحان اساسي ونفسه مع نموذج الاجابه والوحده والدرس ورقم الصفحه!!

امتحان مؤجل ونفسه مع نموذج الاجابه والوحده والدرس ورقم الصفحه!!!!

امتحان (احتياطي) ونفسه مع نموذج الاجابه والوحده والدرس ورقم الصفحه!!


العاده اساسي ومؤجل زاد عليه هالسنه الاحتياطي !!!

وأهم شي رقم الصفحه !!!!!!!!!!!!!!!!!!!!!!

يعني ليمتى ياوزارة البطيخ ساكته عن هال خ .....ه في الوزاره !!


وحاطين ورقة لكلمات الاملاء والاختصارات لا وفي اختصارات مالها

صفحه بالكتاب !! اهما بس وظيفتهم يصيدون اغلاط غيرهم وشغلهم كله غلط

شرط امتحانهم الموحد فيه غلط نفس كل مره !! (واحنا نصلح لهم)

واذا ناظره بعد دشي علشان تلعنين خيرنا بعد بشغل المناوبه


وتخلين المواد غير الاساسيه ماياخذون لانه شغلهم وايد ولازم يجابلون

الضعاف حتى برا الحصه!




السؤال اللي يطرح نفسه من الاخر : مافي مسؤول ضميره حي بالوزاره


معقوله !!!!!!!!!! اذا ضميرك حي حكم ضميرك باللي يسوونه

توجيه الانجليزي (حولي)... بس زهقنا اكثر من جذي ماندري شنقول

ولا شنسوي غير يعلكم تشوفون يوم يمر عليكم اسود مثل سواياكم ..

 

[Australia girl]

:eh_s(2):

الله يعينكم

 

[*ماي الورد*]

غير التحضير عدي جم تحضير عندنا
بعرف ليش ردوا الحصص المساندة مو كافي البري كوشن
ما اقول غير حسبي الله و نعم الوكيل فيكم
قاعدين على مكاتبكم و تطلعون هالقرارات
انا صرت مرهقة من الشغل لاني ارد البيت اقعد عل الكمبيوتر اخلص التحاضير و التدريبات و الوسايل
غير الامتحانات

 

[قاهرتهم 2011]

لا تسوين اللي يبونه
لانهم لاقيين اللي يشتغلهم فيزيدون بالطلبات ومافي مسؤول برد عليج .. لانهم مو حاسين فينا
اللي ايده بالماي مو مثل اللي ايده بالنار

 

[Cool Teacher]

اي والله حرام

نسوي ستين الف شغله مع بعض....

تصدقون من كثر الشغل دخنا خلاص ...واقفه يوم الخميس الطابور على الصف الغلط وطلعت مع البنات للصف وبديت اكتب عالسبورة ولا فجأة ابله الحصه الاولى تدش وتقول هذي حصتي ويطلع صفي الثاني ناطر من غير مدرسه....وهالحادثه صارت حتى الان مع 3 ابلات غيري في القسم...

حرام عليهم ...صرنا مانعرف نركز بالحصص ولا بالمنهج...ادش مادري شنو بعطي ؟؟!!!

 

[Angel_store]

الله يعينكم

 

[Turquoiseya]

والله يامعلمة منكوبة
مادري حاطة هالموضوع عشان تخلص حسناتي :dddds:

هالتوجيه يحطون قرارات ويستهدفون الكويتيات فيها

قلبي متروس بس اخاف اتكلم عنهم واطلع من ملة محمد صلى الله عليه وسلم

الشرهة مو عليهم الشرة عالوزارة اللي جيبتهم ومشيختهم علينا

ياخي هم مايعرفون يذلفون 00 خلاص ماجمعوا فلوس وشروا عماير
مايعرفون يطسون 00 مايفكونا من شرهم الزفر

مادري منو اللي خلاهم يمسكون مناصب فوقنا
ويطلعون عقدهم علينا 00 والخمال فينا يوم مانوريهم العين الحمرا ونقول لهم لا
اي شي نهز روسنا سمعا وطاعة
والله حتى الخدامة تعنفص وتضرب عن الشغل ومانقدر نتكلم
اما احنا الكويتيات بهالقسم صايرين subhuman

 

[معلمة_منكوبة]

اي والله بنات كلامكم كله عدل

ماي ورد وكول تيشر .. انتي نسيتي حصتج انا قمت انسى التحضير نفسه! .. ضحكي لما دشت علي رئيسة القسم قلتلها باخذ الدفتر منج شويه نسيت !!


قاهرتهم ... اذا انا ماسويت غيري بيسوي وابشرج القسم كله راح يسوي ويطلع الخمال فيني !!

وكل تعبي اللي اسويه يضيع .. ليش .! مابي اعطيهم فرصه وصدقيني مو حل هذا


تركوازيه ... يووووزي عني انا سويت الامتحانات بعدين دشيت حطيت الموضوع لووووووول

اي شنسوي شهالحاله والله تعبنا يمكن احد في الوزاره يحس على دمه يتحرك شويه !!

انجل ستور واستراليا جيرل ... الله يسلمكم خواتي ماقصرتوا .. ادعوا ويانا احنا ندعي وماكو فايده

ياجماعه نسوي امتحان كامل (كل ابله) غير الامتحانات اللي

سويناها ليش في حال الامتحان تسرب !!!!!!! يبا وين صارت

هذي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بس الله يمهل ولا يهمل وكافي اذا ماصار شي نفضحكم هني جدام الله وخلقه ..

 

[*ماي الورد*]

يبيلنا نوقف بويهم
لازم لي متا ساكتين
لا فوق هذا شغل اداري فوق راسنا
يعني الرياضيات توجيهم السنع مانعهم ياخذون حصص من الخامسة و فوق و احنا بالطقاق حالنا حال الرسم و الالعاب

 

[سينامون]

اظم صوتي لكم
صج اعباء معلم الانجليزي فووووووق طاقتنا
و ازيد على كلامكم التصحييييح اليومي و في فتره الاختبارات
و فوق هذا و هذا مطلووب منا نسوي انشطه لازم درس ولا ورشه ولا تشاركين بمهرجانات و لا نطلع بالشينه
الوضع حدده تعيس

 

[كويتية222]

ربع ززThis طاااف - سووا الشغل اللي ينفع طالباتكم وبسسسسسسسسسسسس

والباجي الى الجحيم الامتياز بتاخذونه غصبن عن اللي ما يرضى بشغلكم مع طالباتكم

 

[حورية بنت حواء]

والله يامعلمة منكوبة
مادري حاطة هالموضوع عشان تخلص حسناتي :dddds:

هالتوجيه يحطون قرارات ويستهدفون الكويتيات فيها

قلبي متروس بس اخاف اتكلم عنهم واطلع من ملة محمد صلى الله عليه وسلم

الشرهة مو عليهم الشرة عالوزارة اللي جيبتهم ومشيختهم علينا

ياخي هم مايعرفون يذلفون 00 خلاص ماجمعوا فلوس وشروا عماير
مايعرفون يطسون 00 مايفكونا من شرهم الزفر

مادري منو اللي خلاهم يمسكون مناصب فوقنا
ويطلعون عقدهم علينا 00 والخمال فينا يوم مانوريهم العين الحمرا ونقول لهم لا
اي شي نهز روسنا سمعا وطاعة
والله حتى الخدامة تعنفص وتضرب عن الشغل ومانقدر نتكلم
اما احنا الكويتيات بهالقسم صايرين subhuman

ههههههههههههههههههه

لقيتج
اول ما شفت العنوان الي الجحيم للغة الانجليزية ماشفت الموضوع على طول رحت ادورج
بس علشان اقرا تعليقج والله حبيتج من قلب
هههههههههههههههههههههه

 

[مهرهـ]

مايسوا علينا الكادر

حصه مسانده
حصه القراءه الحره
متابعه الضعاف مع الملفات وشنو سويتي>مدري انتابعهم
ملف خاصه للقراءه الحره وانجازات الطالب
ملف خاصه بproject
ملف انجازاتج شسويتي هالسنه كل شي صوريه
القيم وفعليها
الاذاعه تمر عليج ٤مرات بالكورس>فراغه
عمل خطه اسبوعيه لولي الامر بالتفصيل والاقسام الثانيه رتوش وكلهم بورقه وحده شمعنى احنا
عمل خطه اسبوعيه لدروسج
عمل خطه علاجيه لمده٨اسابيع بعد كل فتره
حتى oral fluencyتجيبين صور خارجيه يتكلمون عنها الطلاب وكل حصه غير
واخر فنتق ممنوع التحضير بالمدرسه تخيلو يابنات عشان اذا طلبو منج شي الا انتي فاضيه لاختراعاتهم خو ماعندج شي حضري بالبيت
وتخيلو مسوين ثلاث نماذج للفتره الاولى ليش ياناس واخر شي يختارون واحد ليش استنزاف الطلقات ترا هذا امتحان من الكتاب مو اختراع
والادهى من هذا الناظره تطلب مننا درس نموذجي سلامات يختي حنا ملحقين
علا التصحيح الدفاتر ولا الكتب ولا اوراق العمل
اف اف اف من جد خلاااااااص بنسوي اعتصام خلونا نركز ع الماده العلميه والله العظيم ادخل حصتي اتشتت اول شي تقديم القيمه ثاني شي الطلاقه اللغويه للطالبات بعدين الخطه العلاجيه بعدين التمهيد بعدين ابلش بدرسي والله حتا التلخيص اخر الحصه عشان اتشيك ع فهم الطالبات مايمديني
ارحموووووونا ارحمووووونا
غير لاصار فيه مناسبات بالمدرسه حنا لازم اول اناس
انا بس انطر هالسنتين الي جايين واحول دايركت اداريه
والله اني احب مهنتي والله بس احس متشتته من هالضغوط وصايره ماحب المدرسه
غير الاداره الي احيان طلباتهم مالها حل
بنات انا اذكر المناوبه شايلينها عننا لان احنا غير مناطين بالاعمال الاداريه شسالفه
يله جزاج الله خيررر خليتيني افضفض

 

[*ماي الورد*]

حتا انا احب التدريس
بس احس حياتي مو طبيعية ابي اعيش حالي حال باجي الموظفين
يخلصون من دوامهم يجابلون حياتهم
احنا نخلص من دوامنا نكمل شغلنا بالبيت
ابي ارد البيت انس اني مدرسة

 

[Daisy flower]

فعلااااااا الى الجحيم ياا توجيه الانجليزي في كل المناااااطق وبالاخص الفروانية ..

قمنا نكره الدوام ونفكر بالاستقاله يوميا .. الله يعينا ويصبر قلووبنا ..

طلعوا التخصص النادر اللي عطونا اياه بالجامعه من عيوونا .. عوووووع بعطيكم ٣٦٠٠ دينار وفكووونا ..

 

[ام حنااين]

توجيه الانجليزي ياخذ امتحاناتهم ويسويها نماذج امتحانات يبيعها مع دروسه الخصوصية الله يعينكم

 

[قلب راشد]

يبه خلي رئيسة قسمج اهي اللي تسوي احتياطي ودور ثاني ؟؟

من امتحاناتكم ووبس

 

[معلمة_منكوبة]

ويييييييي بنات طلعتوا المستخبي على قولتهم بس استغربت من كلامج مهره مدرستكم بزياده جنه!!

الله يعيييييينج !! قلب راشد هالبلوى قطوها على المعلمه مو شغل رئيسة القسم على رئيسة القسم

بلاوي ثانيه منها مراجعتهم .. ليش محد يتجرأ فيهم ويدش ؟؟؟! ليش مايردون على سواد ويهم!

والللا ماعندهم وقت يمكن من كثر مايشقوون الاوراق اللي اتييلهم من المدارس؟!

 

[قاهرتهم 2011]

ويييييييي بنات طلعتوا المستخبي على قولتهم بس استغربت من كلامج مهره مدرستكم بزياده جنه!!

الله يعيييييينج !! قلب راشد هالبلوى قطوها على المعلمه مو شغل رئيسة القسم على رئيسة القسم

بلاوي ثانيه منها مراجعتهم .. ليش محد يتجرأ فيهم ويدش ؟؟؟! ليش مايردون على سواد ويهم!

والللا ماعندهم وقت يمكن من كثر مايشقوون الاوراق اللي اتييلهم من المدارس؟!

منو اللي يشقوون الاوراق !! هذيلا ما تعرفينهم يحبون يكدسون بالاوراق يموتون على شي اسمه تجميع مادري شسوون فيها

المشاركة الأصلية كتبت بواسطة ام حنااين
توجيه الانجليزي ياخذ امتحاناتهم ويسويها نماذج امتحانات يبيعها مع دروسه الخصوصية الله يعينكم

هذي سوالفهم بو طبيع ما يخلي طبعه

 

[ليالي نجد]

يااااااا الله..... انا حولت اداريه من سنتين بعد 12 سنه تدريس !! واقرى تعليقاتكم والله علشان ادعي لكم او اشوف الوضع تعدل والا لا؟؟؟
وللاسف القاه من سئ لاسوأ (

لما بنتي تتحلطم عن ابلاتها وغيابهم او انها مالها خلق مرات وربي اني اتعاطف معاها وادور لها العذر لاني مقروصه

النار ماتحرق الا رجل واطيها

والتواجيه تبي تاخذ النماذج علشان ترزهم لموقعها وتنقي الزين منهم

حبيبتي مالج الا بنموذج واحد علشان تبادل الافكار والباقي طزززززززززززز فيهم وديري بالج على طلابج تراهم امانه في اعناقكم