هاللـــّه هاللـــّه بـالــولــد.. :)..

[caramil]

صبآآآح الخيـــر بنــــات..

شلونكم عساآإكم بخير....؟ :friends:


شدني كثير موضوع البنت اللي قالت ودي ااهاجر..ْ~
وكلامكم عن القمته اللي عايشتها البنت..في مجتمعها كونها بنت

بعض البنات لازالوا يحاربون من اجل حقوقهم...والبعض استسلم من زمان..
والبعض تعّود على الذل !...لأنهم رضعوه بالرضاعه....:eh_s(22):

خلوني اوريكم صور .. من ألبوم مجتمع المرأه الخليجي..( المتخلف )..: وأعتذر على هاللفظ..


صور لـ دورة حياة الرجل في المتجمع الخليجي مع مقارنة مع دورة حياة المرأه :

1- انولد الولد: اي هذاا السنع يابت الولد يابته :eh_s(9):

2- تأخر على ما حبى : ولدنا ريااال باجر يشتد عوده :weight_lift:

3- تأخر في المشي: باجر يمشي على زنده التيس

4- تأخر في الكلام: باجر يسكت الريااااييل..:rerrerek:

5- دخل المدرسه و تقديره مقبول: ألف مبروك على نجاحه :eh_s(9):

6- تخرج من الثنويه ونسبته ماتدخله مكان : نفرح فيك معرررس

7- لعب بذيله..وبدا يلعب بالحرام: باجر يكبر ويعقل ..نزوجه والمره تعقله ..والصبي شايل عيبه

8- تزوج ..ومرته ماحملت: اكيييد العيب منها..ولدنا ريااااال :bbbiu:

9- طلقها ... : باجر نزوجه اربع.... العيب فيها ....


اكيد فيها...



تعالوا الحين نشووووف دورة حياة المرأه الخليجيــــه...




المرأه :

1- امج لما احملت فيج ... قالوا .. انشالله ولد

2- لما يابتج يمكن البعض منهم قالوا... وي اطلعت بنت :eh_s(10):

3- لما كنتي بالاشهر قالوا...: بنتج شفيها ما اقلبت ..ليش ما حبت

4- بديتي تحبين : وي كل اليهال مشوا الا بنتج متى بتمشي شوفيها اخاف مريضه :eh_s(14):

5- لما مشيتي..: متى بتتكلم ..شوفوا عيال فلانه مشالله يتكلمون

6- لما تكلمتي ودخلتي المدرسه: بنتج جم يابت ؟؟ وووي مايابت امتياااز..خلف الله عليج :denya:

8- لما تأخرت عليج الدوره شوي: عالجيييها اخاف تكبر وماتييب عيال وتطيح بجبدج

9: لما بلغتي وتخرجتي من الثنويه: هذي نسبه بالله عليج؟؟ شوفي بنات فلانه وبنات علاااانه وانتي طاح حظج

10: لما تأخر نصيبج : طحتي بجبدي عنستي..شووووفي البنات كلهم تزوجوا

11- لما تزوجتي: شفيج ماحملتي؟؟؟ روحي راجعي..شوووفي..

12-: تأخر الحمل: اكييييد العيب فيهااا مستحيل العيب بالولد

13: لماا حملتي: عاااد هاااا ...هالله هالله بالولد ...


:RoadRunner:


همسه .... :eh_s(17)::eh_s(17):


هاللّه هاللّه بالولــد .. :eh_s(17):




تحياتي: :balo:

كرآميل..​

 

[فيونكه..~!]

هههههههههــآأي .,

عجججبنــي عنــوان مووضضضوعك ..,

ومععـآأك حقق بككل الكلآأم اللي قلتيـــه ..

من قال لك في مجتمعنا "مساواه" ..لايقنعك .. ولاتصدق كلامه !!"الرجل" اذا اخطى (نسينا خطاياه)والبنت اذا اخطت "تقوم القيامه"

 

[tejaria]

صح بكل الي قلتيه
علي قولتهم الريال مايعيبه الا جيبه

هذي الدنيا
يعطيج الف عافيه ع الموضوع

 

[PINKEIA]

انتي صح
بس نسيتي جمله وحده ماقلتيها عن مدح الولد الا وهي >> رييال مايعيبه شي
أدري اي غلط من الولد يقطونها براسنا
بس هالجمله لما احنا البنات نسأل اشمعنا الشباب يردون علينا بهالجمله مايعيبهم شيي

كل الإنتقادات والإفتراءات تطيح براسنا
عناد ع المجتمع
الله الله بالبنات

تسلمين ع الموضوع

 

[شعطآنيه]

يسلم منطوقج يا caramil

 

[๓ίşś зśŏłả..!]

اي والله صآآجه
والله يرزقني بالولـد

 

[caramil]

لوووووووووووووووووول
شاكره مشاركلتكم...

هالله هالله بالولد مس عسووله..وكل البنات :d

تحياتي

 

[بحر هادي]

الصح صح والغلط غلط..لكن اذا جينا للولد والبنت..صار المجتمع يكيل بمكيالين..
مجتمع ذكوري بحت ..

 

[caramil]

عددل كلامج يا بـــحــر..
للأسف ..مجتمعنا يناقض نفسه ..

 

[فلنتينو]

اي والله صااجه

 

[نوره 99]

اختلف معك ببعض الأشياء بس مايمنع ان اغلبها صح
خصوصا سالفة العيب
البنت كل شي تسويه عيب وماينسي والولد على قولتك يكبر ويعقل
كنت دايم اقول ان ابوي عادل ولا يفرق بين ولد بنت
بس لما كبروا اخواني عرفت ان المجتمع مايتغير

 

[•Brown•Sugar•]

حسستيني اني عايشه بالوقت اللي كانوا يئدون البنات
(او يدفنونهم وهم حيين للي مافهم)
شدعوه كل هذا
والله انا ما اشوف هالشي صار معاي ولا مع اهلي
يعني مو كل مجتمعنا هذي عقليته

لما حملت قلت يارب بنت << شخباري اللي يبي ولد ع شان يشيل اسمه
الحين البنت اهي اللي تشيل اهلها والولد مرده لبيته ومرته


البنت << بالدراسه اذكي من الصبي
الصبي << فيه نسبه غباء ربانيه

واذا كانت المرا بنص عقل فالريال ماعنده عقل بالمره

ولما البنت ماتييب نسبه يقولولها << مردج لبيت زوجج
لما الولد اييب نسبه موزينه << منو اللي بتاخذ واحد طايح حظه

البنت لما تشتغل << يعتمدون عليها بكل شي وشقرديه وذكيه
الريال << انسان مهمل وكله مزرق من الدوام وطاق الدوام بالطوفه مايرده لا مدير ولا وزير

البنت << لما تتزوج تشيل مسئوليه البيت واليهال+الياهل العود (ريلها) تقريبه بروحها
الريال لما يتزوج << ينتقل من حياه الطيش الى الركاده (المره سنعته)



انا اقوووووول هالله هالله بالبنت

 

[caramil]

برآون شوقر..

حبيبتي المقال.. سآخر..
و دائماً هالنوع من المقالات او المواضيع .. ماتحلى الا مع استخدام اسلوب المبالغه..علشان توصل الفكره بالشكل المطلوب
يعني لو رحتي مسرحية كوميديه وشخصياتها يجسدون واقعنا ومجتمعنا.. يجسدون هالشخصيات
بشكل مبالغ فيه .. علشان توصل الفكره..لأن الفكره ساااخره..

نظرتي ابعد من هالسطور..وهدفي من هالمقال ما اعتقد فهمتيه..
ولما قلت هالله هالله بالولد ... هذه عباره ساخره..من المجتمع ..

وبالنسبه لسالفة اني حسستج اني قاعده اتكلم عن عصر وأد البنات..
على فكره... اتوقع هذاك العصر رغم سواد الجاهليه.. لكني ابصم لج انه ارحم على المرأه من عصرنا هذا رغم نور الاسلام
لأن البنت كانت تدفن بالتراب..وتموت وينتهي الامر..
الحيل البنت صارت تدفن ..وتقيد بقيود غير مرئيه لكن محسوسه..واللي يذبح انها ماتموت

تسوق تروح ترد تشتغل .. لكن تبقى هناك ثغرات .. تخنق المره..ماتتعدل رغم الانفتاح قاعده تضيق اكثر واكثر..


اتمنى المعلومه وصلت ..
وعلى فكره " مايبت طاري ان الصبي يشيل الاسم" ولا تكلمت عن هالنقطه ..كلش ملش
ناقشيني في ما كتبت..

وهالله هالله بالولد المراد منها السخريه من واقع هالمجتمع..مو معناته اني فعلا" اعني هالكلمه وأأيدها
" هالله هالله بالولد"

تحياتي لج وشكرا على المناقشه

 

[khawla&tito]

سبحان الله تصدقون اني اعرف وحده من كثر ماتعقدت من هالموضوع صارت تكررررره الحريم ودايم ضدهم وتدافع عن الرياييل والله والله ماتتصورن لدرجه انها تشوف الريال ملاااااااااك قلبه ابيض ولو شافت ريال خبيث تقول اكيد مرته هي اللي خلته بهالخبث وتحط اللوم كله ع الحريم !!! يوم سألتها قلت لها طيب انتي مره قالت لي انا من كثر مااشوفها مظلومه وارحمها كرهتها وصرت مع الرياييل <الله يشفيها يارب

 

[Sn0o0pY_JoJo]

هـ الله هـ الله بالولد

كل اللي ذكرتيـه صح و نسيتي شغله مهمه .. إن الحين لو الريـآل طول شعره و لبس تـآج قالوا عنـه ستـآيـل
و البنت ان قصت شعرهـآ قصيـر قالوا عنها مسترجله

يعني حتى بـ الشكـل بدوا يفرقووون ..
هذا مجتمعنـآ و هذي عقليتـه

و اللي يقول غيـر جي .. بيكون "طفـــره"
مسألة الدرآسة .. ان دش الصبي جيش و ترك دراسته .. قالوا ما عليه ريـآل و باجر يترقى و اصلاً احسن عشان بسرعه يكون نفسه و يتزوج

و اذا البنت اتركت الدرآسـه .. و اتجهت لـ مجال ثاني ما اقول الجيش ولا الداخليه لكن اي مكان ثاني "معهد الموسيقى" على سبيل المثال .. قالوا عنها فاشله و ماكو هدف بـ الحيـآة

تدرون إن بنات معهد الموسيقى ياخذون اللي يتاخذ بـ الكلية ..؟! << معلومه عرض ..! بس هذا وآقع

ان الناس تشووف من زاويـة وحدة بس ...
و تغمض عن باجي الزوايـة

و لي تفتح شوي مجتمعنـآ بـ يعرف أهوا شنو هــدم و شـنو بيده بنـى ..

تقبلي مـروري :*

 

[فدوووو]

مقالك عجييييب وسخريته في محلها

يعطيك العافيه

 

[البنفسج 1990]

احس شويه مبالغ فيه انا ولد خالتي تاخر بالنطق وماذينها الحريم شفيه ولدج ودية خليتعالج واهو الولد تاخره طبيعي ما فيه شي مو كبير حيل اصلا

 

[caramil]

مقالك عجييييب وسخريته في محلها

يعطيك العافيه

الله يعافيـج حبيبتي :eh_s(7):

شكرا" على المرور :*

 

[caramil]

سبحان الله تصدقون اني اعرف وحده من كثر ماتعقدت من هالموضوع صارت تكررررره الحريم ودايم ضدهم وتدافع عن الرياييل والله والله ماتتصورن لدرجه انها تشوف الريال ملاااااااااك قلبه ابيض ولو شافت ريال خبيث تقول اكيد مرته هي اللي خلته بهالخبث وتحط اللوم كله ع الحريم !!! يوم سألتها قلت لها طيب انتي مره قالت لي انا من كثر مااشوفها مظلومه وارحمها كرهتها وصرت مع الرياييل <الله يشفيها يارب

نحن في مجتمع اصبحت فيه المرأه ..عدوة نفسها
لا عتب على هذا النموذج .. فالأخريات لهن لمسات اقسى..

سلمت يمنآك..:eh_s(7):

 

[caramil]

احس شويه مبالغ فيه انا ولد خالتي تاخر بالنطق وماذينها الحريم شفيه ولدج ودية خليتعالج واهو الولد تاخره طبيعي ما فيه شي مو كبير حيل اصلا

صورة من نفس النموذج..
هم المرأه لها دور قاسي..
ولا ليش امناشبين المره بولدها...؟

لأنهم حريم..وهي امرأه..
والمرأه هنا عدوة نفسها..


شكرا" لج ..:eh_s(7):