هالعيادة حرقتني

[سينامون]

يعطيكم العافية حبيباتي

قبل فترة شفت موضوع بهالركن عن الليزر

وحدة من البنات كانت حاطة رقم عيادة يعطونج جهاز الليزر عشان تسوين حق نفسج


رحت على اساس بسوي المنطقة الحساسة

طبعا اول شي انا غلطت اني دفعت مقدم لانهم كانو مسوين عرض

طبعا الي ماحبيته فيهم اللطعه و النطرة بس كنت. اصبر لاني دافعه جدمة

سويت عندهم اول جلسة و ما ظبطت معاي نص المنطقة ما جني مسويتها ليزر و النص الثاني احترقت عالخفيف

مع الكريم راح الحرق عقب 3 ايام

الجلسه الثانية بلغتهم ان ما استفدت من اول مره نص المنطقه احترقت و النص الثاني مافي نتيجه نهائيا

طبعا الي ماسكه الجهاز ممرضة

و الله وكيلكم طول الجلسة اصرخ من قمة راسي غالطت نفسي قلت يمكن ليش مو حاطة بيتادين و المخدر مامداه يبدي تاثيره

عقب ماخلصت ولا تقولي انا زدت قوة الجهاز لان المره الي طافت ما استفدتي من 9 لي 10،5

طلعت من عندهم جنج كاته علي ماي حار عوار مو راضي يروح انا مسويه جسمي بالليزر العوار جنه طقة سير تحرج وقتها و تختفي مو جذي

سالت الريسبشن و لا يقولونلي طبيعي

عقب ساعه دشيت الحمام و لا المنطقه كلها سوووووووده جنج حارقتها بزقارة دوائر سود على كل المنطقة
المهم ماطول عليكم السالفة

طلعت المشكلة ان العيادة ماعندهم الا جهاز واحد يستخدمونه حق البيض و السمر


السمر لازم يستخدمونلهم جهاز اسمه اندياج فاذا انتي سمره او فيج عرج سمار تاكدي من الجهاز قبل لا تسوين

مع اني قبل لا افتح الملف سالت الدكتوره اذا عندهم هالجهاز بس ظيعت الصقله و عطني النصائح العشر

انا مو كاتبه الموضوع عشان اشهر باحد بس ابيكم تحطون بالكم قبل لا تروحون تسوون ليزر لان في حروق من الليزر اثارها ماتروح و تسالون عن العيادة عدل
لان هالسوالف الواحد ما يستهين فيها
و البنات اللي بالمنتدى قبل لا تسوون دعايات خافو ربكم

 

[مولاي الفرج]

ماعليه حبيبتي روحي الجلديه وقوليلها المشكله وان شاءالله يرد اللون طبيعي

وبس غيري العياده لاتروحين لهم مرة ثانيه

اهو صج في عوار الليزر بس خفيف مو قوي

 

[سينامون]

اي الحمدلله قاعدة اعالج عند دكتورة ثانية بعد لو شنو ما اطب هالعيادة

الحمدلله قاعدة اتحسن بس ادعولي ما يظل اثر

مشكوووره ياقلبي عالمرور كلج ذوق

 

[((غلاي))]

واي الله يعينج ردي لهم و خليعطونج علاج
انزين اي عياده

 

[حنانو 89]

حبيبتي تقدرين تقولين اسم العيادة ولا لا لان انا حاطه ببالي اسوي ليزر بكيني فاخاف تطلع اهيا العيادة؟؟؟؟؟

 

[Nmnoum]

حياااتي والله تضايقت من موضوعج =(

ماعليج أمر ممكن تحطين اسم العيادة مو تشهير ولا شي بس علشآن لا يتضررون بنات ثانيين

الله يكون بعونج

 

[Dr.6obayzah]

يا بعد عمري ما تشوفين شر
حبيبتي حطيلنا اسم العياده عشان نعرف انا كان ودي اسوي بس بعد ما قريت كلامج خفت !

 

[سينامون]

حبايبي مشكورين عالمرور

انا رجعت تهاوشت معاهم و ودشيت عا لدكتورة اكتبتلي ادوية بس نفسيا ما اقدر اعالج عندهم مافي ثقة خلاص

و بعد التفكير قررت اعطيكم اسم العيادة عساني ما اظلم احد

و الله العالم بنيتي لاني مابي اللي صار فيني يصير باحد العيادة اهي الفنار كلينك بالسالمية

انا سمعت انهم فنشو الممرضة الي شغلتلي الجهاز بس مايندى

و ترى هالعيادة مو زينة حق السمر اتوقع البيض مو مشكلة

 

[خلطات المذهله]

الله يعينج حبيبتي

 

[foshia girl]

ماتشوفين شر غلاتي
ومشكوره على التنبيه

 

[بحر الرمال]

الله يشافيج ان شالله
بس على فكره كل العيادات تستخدم اندياج لانها تقنيه مو جهاز, الانواع الثانية مثل الكسندريت و غيرها تستخدم حق السترش مارك و ازاله الوشم و دوالي الساقين
و منطقه البكيني معروف انها تذذذذبح انا كله جذي, بس الجلسات اللي اخر شي يخف العوار بس هم مو عوار خفيف مثل ليزر الجسم

 

[ملاك ^ الحب]

واي الله يعينج

كلش ولا هالمنطقه الواحد بيعدل شي ويخترب شي

 

[قاهره عذالي]

لا حول ولا قوة الا بالله

انا كل ما افكر اسوي ليزر اخاف احترق

خاصه هالمنطقه الواحد وده يفتك

في بنات يقولون الليزر لهالمنطقه يبيض وانتي احترقتي يمكن هو جسمج او جلدج بهالمنطقه ماتقبل الليزر مو شرط انه جهازهم مو شي

 

[بثكوته مالحه]

حبيبتي إذا تقصدين المنار كلينيك اللي يم دوار البدع !!! فأنا بشرتي تشوهت منهم ويهي احترق و رقبتي و ايدي كلها كلف سوده شكلها بشع و ألحين بيصير لي سنه أعالج بعيادات خاصه عشان بشرتي ماكو فايده ما بقى تقشير ما بقى كريمات تبييض ما بقى شي ما عالجت فيه بشرتي ما نفع ولا شي :"(
أنا ألحين ما أبي ولا شي ولا أبي أطالبهم بفلوسي بس أبي بشرتي ترد نفس أول و أهم شي وجهي :"(
ما أدري شنو أسوي :"( أبي حـــــــــــــــــــــــــــــــــــــــــــــل صايره ما استغني عن الميك أب حتى بالبيت ما أقعد بدونه

بنااات والله إنه مو قصدي أقطع برزق أحد بس أهم عيادة فاشله و حتى وحده من الدكاترة اللي أعالج عندها جلدية قالتلي ليلحين ما صكروا هالعيادة من كثر م عليها شكاوي !!! أبي حل عفيه ساعدوني

واللي عندها جلسات بهالعياده تسحب باجي فلوسها لا تقط فوقهم أضعاف للعلاج بعدين ..

حسبي الله و نعم الوكيل إذا كانوا يدرون و يستغلون الأوادم :"(

 

[Ranoon]

لاحول ولاقوة ألا بالله

قولي اسم العيادة عشان الكل يوخر عنها وما تجيه مشاكل