هالسؤااال دايما اراودني وأننتو الله يحفظكم يطري عليكم؟؟؟

[laura mercier]

السلام عليكم ورحمة الله وبركاااته...





بنات مابي أفاول على نفسي ...بس السؤال الموت حق صح؟؟؟ أذا أنا ربي خذا أمانته راح تفقدوني؟؟؟؟ وأشلوون تدرون أني توفيت...؟؟؟؟ أنتو تهموني ودعاءكم لي أهمني ويفيدني.... صج بنااات شالحل؟؟؟؟


رجااااااء لحد أزف....

 

[موت وميلاد]

حتى انا ايي على بالي حتى كاتبه موضوع عن عضوه اسمها ديار الاسلام بعالم حواء
http://q8yat.net/showthread.php?t=536881

توفت بحادث سياره وماشاءالله ليلحين مواضيعها عايشها والبنات يقرونها ومنتشره بكل المنتديات​

سبحان الله هذا كان اخر موضوع لخا كتبته قبل لا تتوفى
يالله حسن الخاتمه


اقتباس:
المشاركة الأصلية كتبت بواسطة ديار الاسلام
السلام عليكم و رحمة الله و بركاته​

اخواتي الحبيبات ​

يؤسفني أن أبلغكم بأن هذه المشاركة سوف تكون الأخيرة لي ​

في هذا المنتدى؛ حيث لن أستطيع أن ​

أدخل هذا المنتدى - العزيز على قلبي جداً - مرة أخرى؛​

لقد عشت في هذا المنتدى لحظات أكثر من جميلة.. رائعة ​

بمعنى الكلمة.. كسبت منه معلومات أفادتني ​

جداً.. علمني هذا المنتدى أشياء كثيرة أفادتني في حياتي ​

وكنتم خير الأخوات لي لكن لا بد من الرحيل فتعجز اناملي ​

على كتابة احرف الوداع لاني لا احب هذه الكلمة لكن...​

لا مفر منها و تاتي الرياح بما لا تشتهي السفن.​

اسال الله لي و لكم حسن الخاتمة و الثبات على الدين.​

و لي رجاء تسامحوني ان اخطأت في حق احدكم بقصد مني او بدون قصد.​

 

[laura mercier]

لا الاه الا الله...

 

[دلوعة أبوهآ]

الموت حق علينـا ..
بس الله يحسن خاتمتنا أجمعين

والله يضيق خاطري من أسمع سالفة مووت
بسم الله علينا يـارب
والله يطول بأعمارنا
ويخلي لي أبوي وأمي ولايحرمني منهم يـارب
ويرحم ويغفر لجميع الأموات

 

[*ع’ــسـل آلمطـيـري*]

سبحان الله الله يرحمها>>ديار الاسلام>>
بس ياعمري ليه تفاولين ع نفسج ترى موزين
بعد عمر طويل انشاالله

 

[laura mercier]

الموت حق...انا معاكم اليوم بس يمكن بكرا لأ...

 

[الحــــياة]

الموت حق بس يالله حسن الخاتمه ياربي

 

[Tutti-Frutti]

الـمـوت حـق

بـس الله يـطـول بـاعـمـارنـا وبـاعـمـار احـبـابـنـا
ويـحـسـن فـي خـاتـمـتـنـا

هـالـسـؤال انـا بـعـد دايـمـا اسـالـه

بـس مـالـقـيـتـلـه اجـابـه

وبـلا نـكـد تـرى مـو نـاقـصـيـن :eh_s(6):

 

[m2q8e]

كلامج صحيح ودايم يراودني هالاحساس
لو مت احد بيذكرني؟
لو مت احد بيبجي علي؟
صج محد بيفقدج الا فراشج؟؟؟
ادري قلبتها مناحه وادري عندنا اهل مايهون عليهم فراقنا بس هذي الدنيا سبحان الله ناس طالعه وناس داشه
ناس تنولد اليوم وناس تموت بنفس اليوم
بس جد تمنيت اموت وانا محققه شي
تمنيت عشت حياتي حالي حال البنات
تمنيت اكون اسره
تميت ان يكوووووووووووون عندي حظظظظظظظظظظظظ
احلامي مو مستحيله بس الناس تكاثرتها علي
ودي اكتب واكتب بس شالفايده
يااااااااااااااااااااااااااارب انصرني على من ظلمني
يارب انت شايف وعارف حسبتك وكلتك عليهم ياارحم الراحمين ااااااااااااااااسفه طلعت برا الموضوع بس كلامج بكااااني
عموما الله يعطيج طولت العمر ياااااااااااااارب:tek:

 

[*بسبوسه*]

الله يطول بعمرج بالصحه والعافيه والعمل الصالح
حتى لو ماعرفنا يكفي ان عندج اهل ورفيجات يدعون لج

 

[happy&single]

قال رسول الله صلى الله عليه وسلم : (إذا مات ابن آدم انقطع عمله إلا من ثلاث صدقة جارية أو علم ينتفع به أو ولدٍ صالح يدعو له)

اذا ضمنتي وحده من هالثلاث لن ينقطع عملك أي الاجر سيستمر ..
بالصدقة راح يدعي لج الفقير المسكين لانج سديتي حاجته
وبالعلم كل حرف يدرس وكل عقل ينير بسببك لك فيه أجر
وان كان ولد صالح احسنتي تربيته راح يدعي لج

فاشرايج تبدين من الحين ،، كثري اعمل الخير مو شرط فلوس عيادة مريض بر والدين صلة ارحام وتواصل مع اصدقاء وهكذا
والعلم مو شرط تكونين عالمة او مخترعه يكفي انج تساهمين بنشر كتاب او منشور من المنشورات المفيدة
او حتى ملصق في الدوام فيه ذكر الله كل ما قراه شخص كتب لج الاجر وذكرتي بالخير بسببه او كلش كلش معلومه مفيدة نقلتيها لاحد فادته ..
وان كنت ام احسني تربية ابنائج وان ما كنتي يكفي عطفج على الصغير من ابناء خواتج او اخوانج او اهلج اويتيم تكفلينه

شفتي اشلون تشتغلين على نفسج من الحين وعسى الله يعطيج طولة العمر
شفتوا اشلون تحصيل الاجر سهل؟؟ :aha:

 

[عاشقه مودي]

مو المهم أذا أحد بيذكرج ..
المهم أنتي خليتي بدنيتج شي ينذكر ..؟
( صلاة \ ذكر \ عباده \ سمعه طيبه \ موقف طيب .................. الخ )


يعني لو نصصصر مثل ( ديار الاسلام ) الله يغفر لها وللمسلمين يارب .. خلت ششي بيدنيتها بأذن الله يكون بميزان حسسسناتها يارب ..
صصصدقيني الكل بينسسسي ( والنسسيان نعمه من رب العالمين )
ومهما حزنا مصصصيرنا بنسسسي وبمشششي بهالدنيا .. الحزن يبدأ كبير ومع الايام يصصصغر
ونعيششش ويولد مولود وموت ميت وهذي حال الدنيا .. والحمد لله علي كل حال


قال تعالي ** كل من عليها فان **

 

[الـــدفـــشـــة]

انا شلي دخلني هالموضوووع الله يسامحج عورتي قلبي

 

[PO PO22]

امبيه الله يسااامحكم على هالموضيع
قبل اسبوع وحده تتكلم عن الجسم لمااا يتحلل بعد الموت
واللحين عن الموت ياربي رحمتك ​

 

[laura mercier]

 

[supermarket]

نفس تفكيري

اللهم احسن خاتمتنا

 

[!! شوق !!]

نفسس الفكره طرتلي ..
بالنسبه شلون راح تدرون .. نكي مخزن بجهازي واختي تعرف باسوردي لانها وحده لكل المنتديات .. انا وصيتها تدز مسجات لكل تلفوني ووووو تقوووووول للمنتىدى ..
امممممم الواحد يسعى انه يحط مواضيع مفيده .. وينشر امور تفيده حتا بعد موته .. بحيث تكون صدقه جاريه له..
الله يحسن خاتمتنا وخاتمتكم .. والموت كلنا راح نموت .. لكن عمل عن عمل وموته عن موته تفرق ..

 

[(كويتيه عسل)]

الموضوع يضيق الخلق والله يعطيج طولت العمر ويرحم جميع المسلمين الاحياء والاموات اللهم آمين

 

[Heaven Light]

الله يطول بأعماركم

آمين ..

​

 

[مرام سيتي]

اختي انا بسالك نفس السؤال انا لا قدر الله لو مت راح تفقدني راح تبكين علي جاوب قبل لا تكملي القراءه

الموت هين اختي بس المشكله وش وراى الموت
لاتخلي تفكريك بالناس اللي تبي تبكي او تصيح عليك والله لو العالم كلها بكا عليك ماراح ينفعك
اهم شي عملك الصالح اللي بينك وبين ربك والله يعينا ويتقبل بنا