هالاااتي .. بليز بنات انقذووووني :(

[Dalol-7]

هلوووو بناااااااات ... بنات طلعلي تحت عيووني هالااااات توها في بدايت سوادها شنو تنصحووني احطله بتلاحق عليه قبل لا يزيد ابي شي حسب تجاربكم ويكون بيرفكت ميه ميه .. اي وبعد احس تحت عيوني طلعلي تجاعييد بنات بلييز محتااجه نصاايحكم

 

[الكادي 1981]

أضــم صوتي لج وأنا بعد مثلج بعد ماولدت .... سمعت عن أبر منو تفيدنا ؟؟؟؟

 

[انثى الكويت]

رد : هالاااتي .. بليز بنات انقذووووني

والله مت من هالاتي السوده والصراحه كذا مره احط موضوع بنفس المشكله ومالقى ردود تحلها ما يقصرون البنات يمرون ويقولون كلمه والي تقول حطي بطاط والي تقولي خيار والي بابونج جربتهم بس مافادني شي يمكن انتي يفيدج دام باوله


انا صراحه ابي الابره الي يغزونها عند الهالات حتي تصيرحولين العين ازرق جنه احد طاقني بكس مثل يغزون ابره فيتامينات مو بالعين اقصد عند الحلات يعبون هالمنطقه وتورم بعد اسبع تطخ بس صراحه تختفي



والي تعرف يجزيها خير يارب تقولي وين قالو لي في دكتور بالفنطاس عند هالشي والله مادري

تهقون قنال الصايغ ولا عادل قطينه عنده

ابي مابي كريمات جربت ومافادني

 

[Dalol-7]

رد : هالاااتي .. بليز بنات انقذووووني

لالا انا مابي ابر ما اجازف اطق ابره صوب عيوني و بعدين انا بروحي اخاف من الابر بس ابي كريم او شغلات طبيعييه بناات بلييز ساعدوونااا

 

[DooLy88]

انا بعد فيني
مثلج بالبداية
ومثلج اخاف من الابرة وهالاشيا

سمعت ان الخيار وايد زين

شكلي بجرب

 

[Dalol-7]

رد : هالاااتي .. بليز بنات انقذووووني

يعني احط خيار على عيوني ساعه و اغسل ؟ ههههه اخاف اسحبها نومه اذا بخليها ساعه و اتقلب و يطيح الخيار هههههههههههه

 

[حبيبي سهلي]

خواتي الحبيبات انا اختكم صاروا ينادوني الباندا تدرون ليش من السواد اللي تحت عيني والسبب الابر اللي قصت على الدكتورة نورة الصليلي وقالت لي بيوخرها واقسم بالله دفعت 500 دينار ولا اكو فايدة وبعد غزتني فليز وراح بسرعة بصراحة الطقة جت على راسي وخاصة الكل انتبه على ويقول اوكي كان فيج سواد بس مو بهالشكل الفاضح بصراحة خواتي حييييل استحيت وتعبت نفسيتي لدرجة البكاء كل يوم ، واحط فونديشن بشكل طبقات ، وماكو فايدة تعبت وأتجهت لخواتي بالمنتدي وقعدت اسوي سرج على السواد طبياً وخلطات شعبية وبصراحة جبت اهم شي( زيت جنين القمح ) بس يبي لة استمرارية يوميا وبس باليل وروب وعسل وحليب بودرة وماي ورد وكركم بشرة وكريمات طبيه اختها من الصيدلية اي نوع يخص السواد اللي تحت العين وتبدين لمدة ساعة بشكل يومي تحطين هالاشياء كل عشر دقايق شي بصراحة بتتعبين اول ايام لان الشي متعب بس اهم شي لاظهار النتيجة الاستمرارية خفت بصراحة حييييييل السواد ولله الحمد وماقصروا خواتي اللي في المنتدى وربي يشيل عنكم ما الم بي ولله الحمد والمنة والفضل ارتحت حييييييييييييل . يلا خواتي شدو الهمة بس امنتكم الله ادعوا لي بظهر الغيب بالستر والعافية

 

[Dalol-7]

رد : هالاااتي .. بليز بنات انقذووووني

واي يا بعد قلبي صج الله يعيينج عشان جذي انا اخاف من الابر اخاف ازيد الطين بله خلاص انا بسوي مثل ما قلتي بس بليز وضحيلي يعني كل عشر دقايق احط شي و اغسله ؟؟ و شنو احسن كريم ياب نتيجه الي خذيتيهم من الصيدليه بليز وصحيلي اكثر

 

[*Glasy Gloss*]

و الله ان زيت جنين القمح انه سحر مو طبيعي .... و الله اني لاحظت فرق من رابع يوم يمكن ....

انا اصلا ما انام نومي حق 5 ساعات اذا مصختها ...طبيعي تطلعلي هالات ..

و حطيت الزيت تحت عيوني كل يوم قبل ما انام و احيانا اذا طفشت ... و الله انه ينور البشرة ...

صح ريحتة مو احلى شي بالدنيا بس مو مرررررة شين لا تكثرين تروح تغثك ريحتة مسحتين بس ..

ترا اذا زودتي مو مشكلة ما ازعل ..حتى اذا حطيتة على وجهك كلة كمان حلو ..

 

[Killer^Girl]

جربي كريم So Skin
راح يخفف لج المشكله وايد

 

[albarooona]

شربي ماي وايد وأكلي عالريج فواكه يعني لما تقعدين من النوم صبح أول شي تاكلينه تفاحه أو موزه قبل الريوق
لأن ظهور الهالات السودة دليل على نقص فيتامين a لاحظي الفانين ما يطلع لهم هالات سودة مع أن نومهم قليل ويسهرون وايد وكله إضاءة على وجوهم بس يشربون ماي وايد ويكثرون من فيتامين a

 

[حبيبي سهلي]

صح كلامكم خواتي فواكة على الريج حق كل شي وزالماي الماي الماي كثروا وبعد طريقتي انا سوادي وراثي +ضعف نظر + قلة نوم وارهاق وفادتني هالطريقة وسويت حركة بعد علبة وحطيت فيها القطن المدور مال ازالة المكياج وصبيت فوقة ماي ورد وحطيتة بالثلاجة وكل يوم وانا منسدحة بنام احط قطعتين على عيوني واااااايد ارتحت الحمدللة والكريم اللي من الصيدلية اي نوع انا جربت كل شي كل ما يخلص اجيب نوع ثاني وايد احسن هالطريقة موشرط تعرفين اي نوع نفعج لكن المواد اللي في كل نوع فوائدها تطلع +كل عشر دقايق حطي شي ولمن تتشربة البشرة حطي شي ثاني ولا تمسحين وجهج حيل بالفوطة لا طبطبي بس علية ورشي ماي ورد في بخاخ الصبح وسيروم واولاي وروك والله هذا الشي الوحيد اللي نفع معاي وانشالله ينفع معاج وقللي حييييييييييييل المكياج في انواع تزيد السواد وشغلة ثانية تأكدي من تاريخ الصلاحية وسمي على نفسج واذكري الله واستعيني في وشوفي انشالله التغيير ولا تنسوني بالدعاء في ظهر الغيب امنتكم الله الستر والعافية ويخلي لي احبابي

 

[Dancing^Queen]

رد : هالاااتي .. بليز بنات انقذووووني

في جيل من جونسون اند جونسون ينباع بالصيدليات قيمته ماتزيد عن 11 او 12 دينار
خفيف حيل ووايد حلو مو اي نوع اخذي انتي بوتجس جيل مالهم مو الماسك ولا الكريم اينن بصراحه والاستمرار عليه يخففلج الجياس اللي تحت العين وبسرعه
واذا لقيتيه قوليلي لان بسرعه يخلص ودايما احط اسمي بالروضه عشان يدقون علي ولما ايي يقولون يبنا وخلص

ثاني شي استخدمه وفادني
كريم العين مال هالماركه
Kinerase

ومتوفر بالصدليات وتلقينه بسهوله

والثالث سيريوس سكين دارك سيركل كريم سعره 27 او 28 يعني المهم تحت ال 30
علبته كرتون حجمه متوسط ابيض بازرق الصراحه ظليت نص ساعه اسويلج سيرج بالنت عليه مالقيت لاني ماذكر سبيلنغ الاسم اميه بالاميه

اذكر ان سيرس سكين دارك سيركل وعليه حرفين وسعره محاري الثلاثين انا ادل مكانه اروح ااشر عليه يعطوني اياه اليوم ان شاءالله اشوفلج اياه بالبيت وان قدرت اصوره

هذي صوره تشبه بالنت بس ماذكر ان كان تروبيكال !

كرتونته كبيره بس من داخل اهو صغير مو عود

الصراحه لما استخدمت هالكريمين مع بعض خلال شهر شفت نتيجه وايد حلوه
والحين رديت لهم وبستمر ان شاءالله
ولو ان ودي حدييييييييييييييييييي حدييييييييي استخدم كريم دي دي اف لان حييييييييييل مادحينه لي

 

[Dalol-7]

رد : هالاااتي .. بليز بنات انقذووووني

ثاااااااااااانكس حبااايبي على النصااايح و ان شاء الله راح استخدم جنين القمح و بشوفلي كريم من الصيدليه و بطييحله فرووتس و ماي و ان شاء الله اشووف نتييجه مرضيه

 

[حبيبي سهلي]

زيت جنين القمح .............. وبس

 

[الـــغـــلآ]

رد : هالاااتي .. بليز بنات انقذووووني

مشكوورهـ صآحبة الموضوع و مشكورهـ الاخت حبيبي سهلي بس ابي اسألج زيت جنين القمح منين اجيبه ؟؟؟؟ القآآهـ بالحوآآج ...؟!!

 

[Dalol-7]

رد : هالاااتي .. بليز بنات انقذووووني

Dancing^Queen توني اشوف ردج ان شاء الله بشوف الكريمات الي قلتي عنهم و مشكوووره واااااااايد حبيبتي والله ما قصرتي ..

حبيبي سهلي .. حبيبتي مشكووره ان شاء الله راح اجربه

الغلا .. اي تلقينه بالحواااي .. الحواي كل الزيوت عنده

 

[blue rain]

انا قريت نصيحة خبيرة بشره تقول نستعمل سيروم فيتامين سي 5% وبعدها نحط كريم فيتامين كي
انا توني باديه بالطريقة وفي تحسن الصراحه
وترى فيتامين سي يحفز انتاج الكولاجين يعني يخففف التجاعيد حوالين العين
ان شاء الله اكون فدتج اختي

 

[(المباركيه)]

زيت جنين القمح نفع معاي

 

[الفيصليه]

جزاكم الله خير بنات انا كنت داخله ابي اقول الله الله بالخيار والنوم الي مايقل عن 8 ساعات والاكل الصحي بس صدمتوني بتاجاربكم
وانا من البنات الي اعاني من الهلات السودا فدتوني اكثر من ما كنت بفيدكم
شكرا عفوا