هاذي حالتي كل شهر لما تشرف علي الدورة الشهرية .. ما أدري شسوي ؟؟

[الإسراء]

مـــــــــســـــــــــــــاء الــــــــخـــــــــــــيــــــــــــــر
:tek:



إي والله هاذي حالتي كل شهر :0bee2e8d89:

نايمة .. متلحفة بالفراش .. كارهة نفسي واللي وحواليي .. يمي الكلينكس .. قاعد أبجي ..
ميتة من البرد .. ميتة من عوار البطن ( تقلصات الرحم ) .. ميتة من ظهري وعظام حوظي حاسة إنها تبي تتكسر... لا أشيل ولا أحط ولا أتحرك .. لمدة ستة أيام من كل شهر ...

والله يا بنات ما أدري شسوي وليش ؟؟!! انتو تحسون جذي ولا بس آنا ..

ويعزكم الله
آنا من النوع اللي ينزل علي دم وايد ..
وتكرمون .. ألبس كوتكستين وسروالين وشورت وغير البنطرون .. وما أطلع ولا أروح أماكن عامة أخاف إني أطبع ..

شنو تنصحوني بأعشاب .. أدوية .. أبي حل .. شنو أحسن نوع كوتيكس ...الله يخليكم ..؟؟؟

 

[MiṦs ♥ fĩẍ]

الله يعينج حاسه فيج انا كان يصير فيني هالاشياء بس يكون يوم واحد مو كل الايام
انا سمعت عن الابر تهدي الوحده و توخر الالم بس مادري مو جربتها سألي عنها
و الاعشاب الزعتر زين و البابونج بعد بس اذا ينزل دم وايد لازم تروحين الطبيب يمكن لا سمح الله فيج فقر دم و انشاءالله ما فيج الا العافيه

 

[ii DareeN ii]

رد : هاذي حالتي كل شهر لما تشرف علي الدورة الشهرية .. ما أدري شسوي ؟؟

راجعي طبيبه امراض نسا عشان تشوف حالتج والدورة تختلف من بنت لي الثانية بالالم واعراضها

 

[الإسراء]

يعطيكم العافية بنات ما قصرتو ..

 

[كرسي دوار]

اب اب الله يكون بعونج

 

[الإسراء]

وبعونج يا قلبو

 

[**كادي**]

حبيبتي اول شي لازم تتدفين عدل وتلبسين دلاقات وديربالج تمشين حافيه...

وتشربين اعشااب (بابونج ..زعتر ..ميراميه..والدراسين عجيب بعد...

واذا قدرتي اكلي (عصيده او حسو ) اللي فيها ادويه ..والله تعالج الامراض اللي بالرحم وتعالج الافرازات وتقوي..


وثانيا اخذي تمر واعجني معاه رشاد..وحطيها عندج واكلي منها والله بتدعين لي


واذا على المسكن انا والله اخذلي حبه اول يوم بروفين لازم بعد

 

[الإسراء]

كادي حبيبتي والله ما قصرتي .. والله يعطيج ألف ألف عافية

 

[q8y-moon]

ماتشوفين شر يالغاليه
بالنسبه لللبس عادي كلنا نلبس عدل احتياط احسنلج
انتي بس تدفي وشربي شغلات تنفع لوقت الدوره انا دايم اسويلي حليب حار اذوب فيه تمر واحط وياه دارسين حده زييين
والزعتر والزجبيل
وحطي باكلج فلفل اسوود هم ينظف الرجم
وحمسيلج شويه تمره بزبده وحطي شويه رشاد واكلي منها اول الايام
وبالنسبه للكابه والضيقه
ذكري ربج وتعوذي من الشيطان ترا هذي نفسيه مو من الدوره
وعندج البابونج توني سويت سيرج عشانج وطلعلي انه احسن شي للارق والتوتر
وفي معلومه توني اعرفها انه ايضا يضر الجن سبحان الله
( من الخصائص الفريدة للبابونج أن له مفعولاً مقاوماً لحدوث الأحلام المفزعة أو الكوابيس بالإضافة إلى أنه مهدىء عام للجسم و النفس معاً ، و لذلك فهو يفيد فى حالات الأرق و الإكتئاب و الخوف و الأزمات النفسية بوجه عام و التى تزيد خلالها فرصة التعرض لحدوث الكوابيس)
وسلامتج

 

[نورالدنيا***]

الله يعينا احنا الحريم اجر ان شالله

لازم تراجعين دكتوره وشوفي دمج احسن

 

[موت وميلاد]

راجعي امراض النسا يمكن يمون عندج التهاب بالرحم !!

وحبوب بونستان فورت ممتازه

 

[الإسراء]

يعطيكم العافية يا بنات .. وما قصرتوا عالفزعة ..

 

[جرعاتي]

رد : هاذي حالتي كل شهر لما تشرف علي الدورة الشهرية .. ما أدري شسوي ؟؟

بسم الله الرحمن الرحيم ..

السلام عليكم والرحمة ...

جؤؤفي حبؤؤؤؤؤؤؤبه انا اعاني مثلج واكثر والحمدالله ع كل حال بس صدقيني انا ماخليت دوله مارستلهاا وعشان اتعالج عشان الدوره الشهريه
وايد كنت اعااني منهااا حتى واايد كنت ما اروح السكول كنت اتعب بشكل فظيع
وسويت فحوصات وخذيت ادويه باشكال واألوان بس ماشي فايده واخر شي قالولي لازم نسويلج فحص دم وكتشفت انه عندي ألتهاب فالدم ^ بس الحمدالله ع كل حال

جؤؤفي الغالية ماعليج غير بالمشى واايد زين انا امشى قبل الدوره وايام الدوره احينه اقدر اتحرك وامشى قبل لا امشى ولا اتحرك

جرب المشى حاولي تمشى قبل الدوره وايد صدقيني بيخف الوؤيع واايد

وبعيد الشر عنج

 

[حلاا الدنيا]

انا هم من النوع اللي اتعب بالدوره ومااطلع بسبتها

بس انتي تقولين ينزل معاج وايد لازم تروحين طبيب احس

وشربي اشياء حاره وترى الدوره مرات تكون نفسيه انا جذي تعودت حتى لمن ماتعورني احس اني تعبانه

وانصحج بالمشي قبل الدوره بصراحه بيخف الالم انا مجربه هالشي

 

[الإسراء]

جزاكم الله خير حبايبي ..

 

[حنون المزيون]

رد : هاذي حالتي كل شهر لما تشرف علي الدورة الشهرية .. ما أدري شسوي ؟؟

أختى دام ينزل عليج دم وايد لا تاكلين رشاد ودارسين لأنهم ينشطون الرحم علشان ينزل الدوره حق اللي دورتهم ما تنزل عدل فديري بالج

ونصيحتي لج روحي للطبيب أحسن لج ..أعرف وحه نفس حالتج بكمية الدم وطلع معاها غده والطبيب يقول الغده تسوي نزيف وقت الدوره

والله يشافيكم ويعافيج

 

[الإسراء]

مشكورة حبيبتي وما قصرتي ..
يبيلي رووحة للدكتورة ..

 

[الطخمه]

أنا حبيبتى نفس حالتج مدرى شسووى؟!

حبيبتى إذا سوويتى شى ونفعج لوسمحتى دزى لى ع الخاص والله يجزاج ألف خير إن شاءالله

ويشافيج إن شاءالله

 

[الإسراء]

إن شاء الله حبيبتي ..
بس بسوي مثل ما انصحوني البنات .. وبمر أول شي عالمستوصف النساء والولادة ..

 

[ام عمر ومريم]

والله يا حبيبتى انا احس انى بموووووووووووووووت وبحيا كل شهر

عوار شديد فى البطن الم فظيع فى الظهر عدم القدرة على الحركة ده غير عدم الرغبة فى الاكل

الله يعينا