هاااابي بيييييرثتي تووووو زووووجييييي..تعالو نستفيييد..

[قلوووب]

:ggdw: سلاااااااام عليكم حبيباتي جميعاااا
اشلووونكم انشااالله بخير كلكم..
حبيت اضيف موضوع ..مادري اذا امكرر لو لا.. بس علشان استفيد واكييييييد الكل يستفيد
_03BA:الزبدة
ابي كل وحده تقول شنو قدمت حق زوجها بعيد ميلاااده وشنو سوت اذا في حركات من عزومه او تزيينه او اي فكره ..:tek:..يعني تقول شنو هديتها له وشنو الأحداث اللي سوتها..انا بصراحة عيد ميلاد زوجي الشهر الجاي وحابه استفيد
جتلي فكره اني اقدمله هديته مو اي مكان يا احجز بفندق صحراي الشاليهات او اني احجز بيخوت مو كبير عادي عند سوق شرق يدور فينه بالبحر وطبعا ازين المكان..وطبعا حسب ال:krkrkr: الحاله الماديه ..المني..اقرر
المهم انتوووو ياااا حلويييين قولووو اشسويتو واشقدمتو..؟؟؟:klhfl:
بإنتظار تفاعلكم

 

[Cacawa]

انا شريت له سوني3 ادري بخاطره فيها بس ماشراها ولا سمعت ياب طاري ان بيشتريها عاد انا قمت شريتها قبل شهر من تاريخ ميلاده كان نهاية شهر 4 قبل يوم عيد ميلاده رحت غلفتها بجمعية الروضة فوق بمركز العطور تغليفهم وايد حلو وارخص من بوابة الهدايا بالنسبة لي احلى من بوابة الهدايا

وانا كنت انطر الهدايا تتغلف لان اهما علبتين وحده فيها السوني والثانية فيها جنطة السوني المهم وانا قاعده افتر بمركز العطور ولا القى عطر جاكوار مع ساعة جاكوار وايد حلوة العلبة طرت على بالي فكرة اهيا دقة مو فكرة ههههههههي _03BA:

كان عيد ميلاده السبت يوم اليمعه بليل صارت الساعه 12 ودشينا بيوم السبت جان اقوله كل عام وانت بخير وبست راسه وقلت له اسفه على الهدية ما شريت لك اللي تبي وانشالله المرة الياية اشتري لك احسن منها ومسكين قال لا اشدعوه يبا اي شي منج حلو وماتقصرين (حالتنا المادية حزتها كانت تعبانة) قال ادري حالتنا شوي تعبانة والحمدالله على كل حال

وانا من داخل ميتة من الضحك :krkrkr: المسكين مايدري شنو اللي ناطرة باجر

صار يوم السبت العصر قال انا بروح النادي قلت الله معاك وانا بروح بيت امي يوم طلع وتاكدت ان حرك من جدام باب الشقة رحت يبت الهدية الاصلية اللي اهيا السوني والعلبة الثانية وحطيتهم بنص الصالة وسكرت الباب وكتبت بالبطاقة كل عام وانت بالف خير........... وحجي وايد واخر شي كتبت افتح اكبر هدية اللي علبة السوني لان علبة الجنطة صغيرة

عقب مارد من النادي دق علي وانا عند امي جان يصرخ شنو هذا وانا اقوله بسم الله اشفيك يقول شنو هذا <---- المسكين مو صدق - قلت له هذي هديتك يقول لي واللي امس قلت له تمويه :dddds:

فعلا انصدم ماتوقع اشتري له سوني لان يدري ما احبها بس شريتها عشانه

ادري قرقت وايد

تحياتي :tek:

 

[قلوووب]

عجييييييب ..وفكرتج واااايد حلوه ياكاكاوه..تمام افكر اسوي جذي..
بس بهديه ثانيه انا ريلي مو هالكثر مع السوني..بس ضحتينييي يوووم ص
دمتيييه..خوووش دقه
بعد خنسمع ونستفيييد...ويمكن نضحك
يله يله يله بنااات لاااا تدلعووون...بنتظاااركم

 

[سفرجل]

امبيييييييه افكاركم حلووه
بس انا ماادري شنو اييب له لانه مليت من العطورات والبواكه
ماادري شنو اخذ له هالمره وعلى فكرة عيد ملجتنامو زواجنا قرب وعيد ميلاده شهر الي ياي وماادري شنو اخذله بهالمناسبتين

 

[جوري الكويت]

كاكاوه خوش حركه

ب سوي مثلج انشالله

 

[Cacawa]

حياكم

مو شرط تعطونه هدية يستعملها او بس تنحط بالبيت تقدرين تشترين له شي حق الدوام اممم او مثلا اللي توه الله رزقهم بياهل تقدر تحط صورة البيبي في برواز حلو وتسوينها هدية او تسوين له ميدالية كريستال تتعلق بالسيارة وتكتبين فيها اللي تبين مثلا حافظك الله، الله معاك شي جذي
في اشياء وايد بس لاينحصر تفكيركم بشي يستعمله وبس عموما الهدية حلوة ولها معنى كبير حتى لو كانت صغيرة

والله يدوم المحبة بينا وبين رياييلنا ويخليهم لنا ذخر انشالله قولو امين

 

[رؤى القلوب]

أنا عيد ميلاد ريلي 17/5 يصادف الأحد وبما احنه متهاوشين بسببه لذلك عندي فكرتين :
1- اذا صالحني قبل السبت اسويله عيد ميلاده السبت علشان العطلة بصراحة انا شريتله موبايل اي فون بس غالي وايد واخر قطعة هو عنده اي فون بلي ستشين وعنده لابتوب ماك ابل الي هو هم شركة اي فون وكان نفسه بموبايل اي فون بس انا كنت دائما اقوله غالي لكن البارحة رحت للغانم وقالوا هذي اخر قطعة لذلك اشتريته ومفكرة السبت اودي بنتي لخالتي واخذ ريلي اعزمه على غده واعطيه الهدية
2- اذا تم مهاوشني ادزله الموبايل مع باقة ورد على مكان شغله الأحد واكتبله على البطاقة (صحيح انته مزعلني ولا فكرت تصالحني لكني عمري منسيت عيد ميلادك يا روح روحي)

 

[قلوووب]

ايواااا..ايوااااا ياااابناااات...
كاكاوه اشلووون مااايه ابااالييي جذييي ايييي واللله
مره شفت الكرستال اللي يطبعون عليه بس ويييين وييين ما اذكر جنه المهلب ..مادري ما تدروون وين؟
وبالنسبه للتليفوون..صج تليفونه مادري مو هالغد شوقتيني عالتليفون
اووووو والله احترت هذا وله ذاك..

 

[Cacawa]

قلوووب في بعد بالكوت

 

[OmYousif]

كيكة حلوة صغيرة يتم توصيلها وعشا فاخر من احد الفنادق و باقة ورد يتراوالي هم شي طيب

 

[قوطي نيدو]

ما قدمت له شي

 

[قلوووب]

انشالله راح اشوف بالكوت
بس شفت تليفون عجبببببببببببببببببني..اشتهيييييت اخذله
بس..بس..بس..اهو صج الغاليييي للغاااالييييي..بس...وااااايد..يكسر الميزانيه
اكيييد مار عليكم تليفون..أي فون ماركت ابل..انا شفتها ابيوريكا.ب 248دينار
ابي مكااااان ارخااااااص..واااايد عجبنييييي

 

[رؤى القلوب]

انشالله راح اشوف بالكوت
بس شفت تليفون عجبببببببببببببببببني..اشتهيييييت اخذله
بس..بس..بس..اهو صج الغاليييي للغاااالييييي..بس...وااااايد..يكسر الميزانيه
اكيييد مار عليكم تليفون..أي فون ماركت ابل..انا شفتها ابيوريكا.ب 248دينار
ابي مكااااان ارخااااااص..واااايد عجبنييييي

أنا شريته من الغانم ب 260 دينار يبه اخذي اذا 248 قصوا عليه الغانم حراميه بس ميخالف لخاطر عيون ريلي حبيبي البارحة احتفلت بعيد ميلاده واعطيته التلفون والعطر واو والله مو صدق نفسه ضل يصارخ مثل اليهال من شاف التلفون

 

[BADDORAH"81]

صباح الخير باليل بنات
منو تعرف وين و اشلون تاجير اليخوت اللي في البحر
ابي اسوي مفاجاه حق ريلي بعيد ميلاده

 

[قلوووب]

صباح الخير باليل بنات
منو تعرف وين و اشلون تاجير اليخوت اللي في البحر
ابي اسوي مفاجاه حق ريلي بعيد ميلاده

أدورى الله يسلمج هذا بسوق شرق من وره صوب المراسي آآآآآآآآآآآآخر شي اقريب جسر السيارات اكو كوشك من خشب اصغير في طراريد بو ربع ساعة تأجير..وفي يخت بس عادي..زووووين..تأجيره ساعه ب50 دينار

 

[قلوووب]

أنا شريته من الغانم ب 260 دينار يبه اخذي اذا 248 قصوا عليه الغانم حراميه بس ميخالف لخاطر عيون ريلي حبيبي البارحة احتفلت بعيد ميلاده واعطيته التلفون والعطر واو والله مو صدق نفسه ضل يصارخ مثل اليهال من شاف التلفون

_03BA: حدددددددددددددددددج شوقتيني صج يقولون الحريم حق التشييييش..عند الويه:dddds:..
بس اكسر حساباتي..واشووف ياللللله يااارب يسهل حتن لو اقساط..بعديييين..انا لازم اقرر بعد ما بقه شي

 

[قلوووب]

رؤى القلوب بالنسبه للتليفوون حبيت اسأل كله انجليزي لو عربي..؟؟؟؟؟

 

[قلوووب]

:eh_s(6):سلااااااااام بنااااات اشدعوه مااااسألتووو فينيييي اشسويت حق ريلي..واشرسيتله عليه
:dddds:ههههههه..مااااراااح اقووول لييييش طنشتوووني
:tomato2:اتغشمر ما اعرف اسكت
الحمد لله رسيت على شي بسيط وحلو وصراااحه واااايد استااانس وانااا بعد سوينه رفريش:ada:
المهم
بعد التردد والسهر والسؤال والتعب قبل اليوم الموعوود..
يت علبالي اني احجزله انا وياه بفندق او منتجع..وتعااااليييي حوسي عالفنادق والمنتجعااات واسعااارهم..اوووووووه..قصه..لاعت جبدي صرت خبره سألوني بسعر الفندق اللي تبونه اقولكم..دخلت المنتجعات الصفه اللي عالبحر يم البدع من النخيل وغيره في منهم الحلو وفي منهم الغالي وفي ..وفي..وفي..
من داخل حلو بس اغلبهم اطلالتهم البحريه مو هالقد وهمن سألت عن هلتون المنقف عجبني..بس اجواؤهم كونه كملتزمين ما عجبتني لأنه في مناظر واايد حلوه دورة حمامات السباحه..خخخخ..اطنز عالمفاصيخ..ريلي ما يحب..المهم وبعضهم ما كنت الاقي الخدمه اللي ابيها عندهم اللهي خدمة الهاني مون من تزين بالورد والشمع وهالسوالف..ليييييييييييييين:eh_s(1):استسلمت
والله يرحم والديها واهي قريبه مني ومادري عنها انقذتني:68_asmilies-com:حماتي..قالتلي على هوليدي ان السالميه اللي عالبحر
:ggdw:هييييييي..رحت معاها اهي كانت رايحه من قبل فقالتلي عن تجربتها الحلوه معاهم..المهم..شفت الغرف في منها اللي اطل عالنادي مالهم وحوض السباحه وفيه اللي يطل عالبحر بدريشه عوووده..بنااااات عجييييييييب..تحسين انج امسافره اوربا عالجو والأتيكيت اللي عندهم انا اخذة غرفه مو ضيجه حللللوه فيها تلفزيون ابلازما وحمامهم وانتو بكرامه اينن..ماااعلي..اهم الشي الإطلاله عجيبه شكل البحر حلو من فوق..وغير الخدمات من مطاعم متنوعه وكافيه وكافي انهم 5 استار هوتيل غني عن التعريف وهمن عندهم نادي اللي ساكن يدش بالمجان والريوق اللي يجيكم اصبح عالعربانه وااااو واااو واااو.وكان عندهم خدمت الهاني مون اي شهر العسل بس كانت حماتي امجربته عندهم تقول ما يحطون واايد اشيه بس ورد وكيكه .يعني خيف..واهي حماتي مااااشااااء الله فنااانه في سوالف الديكوريشن وتزيين الرومانسي للمناسبات فطلبت منها اهي اتسويلييي وبدددددددددعت ما قصرت زينتلي بالتركواز والأسود والفوشي..طلع شيييي...غيير الكيكه التركوازيه العجيبه الحمد لله ماقصرت كلشي ضبطته ..انصحكم فيههه
المهم..اشسويت..طبعا اهو مايدري شالطبخه_03BA:..خخخخ..رايحين علساس مطعم ايام زمان بالفندق تحت اكل لبنانب فضييييع..حجزت امبجر كبينه ..وكلنه..واكله..واكلنه:tomato2::tomato2::tomato2:
وبعدين..طبعا طول هالوقت حماتي فوق علشان انا شقلي كان حده حده فكانت نفس الوقت اهي ترتب فوق وانا معاها مسجات متواصلين بعديييين ..جان يقول هاا وين الهديه قتله بالبيت انشالله لاتستعيل خنقوم طبعا انا قشي وقشه اي الجنطه امطرشته مع حماتي..خااالصه يعني..عاد قمنه واهو امأيس كان متوقع اعطيه هديته بالمطعم..:eh_s(6):ريااايييل مطفوقيييين..خخخ..بعدين قمنه اشوي ونطلع من الباب جان اقوله لحظه بسأل الرسبشن اي الإستقبال علشقله..يت الفلبينيه مالت الرسبشن المتعاونه ويانه جان تبتسم جان تقولي جيك ان..جان اقولها بالإنجليزي ابي مفتاح الغرفه..هههههههههه:dddds:لاااااتشووووفووون ويه ريلي..انصدم..مااااتوقع كللللش ونفس الوقت تشقق..طبعا استانس اكثريودش الغرفه وشاف الشمع والديكوريشن والورد والكيكه..وماا نسيت الهديه لأنه اهو وااايد يحب دهن العود زائد ودنه يدش نادي بس انا ما اعرف اي نادي يبي..فشريتله دهن عود روعه سيد اجنيد وحطيتله افلوس حق النادي وغلفته من بوابة الهدايا بعد نفس الوان الغرفه
والله وناااسه كانت تجربه فرييييده من نوعهااا وااايد غيرنه جو واليوم الثاني قامو يطرشوله مسج لمن عرفو..يقولونله صباااحيه امبااركه ياااعرييييس
كانت عندي خطه بعد قعدتنه يعني نص النهار بالفندق نروح سينما المركز العلمي لأن يمنه
وهذيييي السااالفه من طئ طئ لين سلااامو علييييكو..
اشرااايكم
وللي يبي تراا انصحكم بتزيين حماتي واهي موجوده بالمنتدى مو اسويلها دعايه لقرابتها مني لكن شهادة لله..وانشاالله راح اتنزل الصور..مالتنه وانتو حكمو:tek:

 

[Al Atwan]

تلفون وبوك وميداله

 

[ملكة الهدوؤوؤوء]

هههههههههههه سوالفكم تونس

داشه لقافه