نيوكاسل فى لندن

[سندرلا]

بنات منو سافر منطقة نيوكاسل فى لندن يعطينى معلومات عنها
اول مرة اسافر لها
مشكورين حبايبى

 

[مشاعر صامته]

هلا اختي

اللي اعرفه ان نيوكاسل مدينه في بريطانيا

الا اذا فيه حي في لندن بنفس الاسم مااعرف
والله

 

[nanosa78]

شنو فيها مميز؟؟؟

 

[اميرة الغيد]

عزيزتي سندريللا
نيوكاسل منطقة ريفية طبيعتها حلوة وفيها اكبر سوق بأوروبا تبعد تقريبا على ما اذكر 3 ساعات عن لندن بالقطار

 

[caramella]

حبوبة الصيف اللي فات قعدت فيها اسبوع اهيا اتكون شمال بريطنيا فيكون الجو ابرد من لندن اشوي اذا معاج يهال دفيهم :ada: امر فيها نهر وفيها منطقه ساحليه اسمها south shields اتونس فيها العاب عالبحر وبحيره كلها بط
وبعد منطقة هاديه يعني كل شي اسكر المغرب اذا اتحبين اللويه لا تطولين فيها وبعدين اتقدرين اتروحين منها لي سكوتلندا لأنها قريبه عليها انا رحت لها بالسياره يوم واحد ورجعت يعني ما بت في اسكوتلندا وانتي بالطريج تلقين لوحات عليها صورة فراولة هذي اتصير مزرعة كلها توت وفراوله يعطونج سله انتي اتقطعين اللي تبينه تالي احاسبونج وايد وناسه
واي استفسار انا حاضر ريلي ادلها عدل دارس فيها

 

[sara-84]

نيوكاسل اتينن
احنا كل سنتين ثلاث نروح نقعد فيها شهر كامل
هادية وباردة وحلوة

 

[اخت فروحه]

ماعندي فكرة

 

[ملح مكتت]

حبوبة الصيف اللي فات قعدت فيها اسبوع اهيا اتكون شمال بريطنيا فيكون الجو ابرد من لندن اشوي اذا معاج يهال دفيهم :ada: امر فيها نهر وفيها منطقه ساحليه اسمها south shields اتونس فيها العاب عالبحر وبحيره كلها بط
وبعد منطقة هاديه يعني كل شي اسكر المغرب اذا اتحبين اللويه لا تطولين فيها وبعدين اتقدرين اتروحين منها لي سكوتلندا لأنها قريبه عليها انا رحت لها بالسياره يوم واحد ورجعت يعني ما بت في اسكوتلندا وانتي بالطريج تلقين لوحات عليها صورة فراولة هذي اتصير مزرعة كلها توت وفراوله يعطونج سله انتي اتقطعين اللي تبينه تالي احاسبونج وايد وناسه
واي استفسار انا حاضر ريلي ادلها عدل دارس فيها

السلام عليكم حبيبتي العلومات للي كتبتيها نصها غلط يمكن انتي مخربطة في المناطق اولا نيوكاسل حاااارة حييييل حييل مو باردة والمنكقة ماهي منطقة ريفية بالعكس يعني مافيها انهر طريقتها نفس بلاك بول يعني بس فيها بحر والصح ان وايد طلاب كويتيين فيها والمنطقة دايما لووية حتى بالليل صج ان السوق يسكر بس الناس دايما برة عالبحر لانة فية تراااب وسكوتلندا حييييييييييييييييييييييل بعيييدة ياااعمريييي واللة ومزارع الفراولة والتوت في كركبي لونسدايل نيوكسل حلوة السوووق حلو وبتستانسووون فيها..

 

[SPIDER-WOMEN]

اي والله بنات نبي معلومات زياده لاني بروح لها بالصيف بس دراسه مع زوجي فمحتاجه للمعلومات

 

[caramella]

إختي الكريمة ملح مكتت:68_asmilies-com:
على كلامج ا اعتقد انتي مو رايحه نيوكاسل شكلج مظيعه،_03BA:
أولا: المنطقه بارده بديهيا لأنها في شمال بريطانيا تابعي الطقس بالنت داييما درجة حرارتها أقل من لندن.
ثانيا: ما أدري اميين يايبه سالفة منطقة ريفيه آنا ما يبت طاري إنها ريفيه.
ثالثا: وإذا على قولتج ما فيها نهر فهناك في نهر يمر فيها يفصل بين newcastle & gateshead إسمه نهرtyne وجيكي على خريطة بريطانيا وهناك عدة جسور تربط بين هالمنطقتين آخرها جسر الميلينيوم لعبور المشاة.
رابعا: في بحر بس على حوافها وغير صالح للسباحه يعني ماكو رمل، وتشتهر نيوكاسل سابقا بأحواض ضخمه ساحليه لصناعة السفن وبحرها غير صالح للسباحة يعني مو ساحل.
سادسا: وإذا كنتي تقصدين إنها لويه لي بالليل فهي فعلا مشهورة بكثرة النوادي الليلية وكثرة الديسكوات و هذي الأماكن غير صالحه للعوايل.
سابعا: آنا شخصيا رحت بالسياره الصيف اللي فات من نيوكاسل الى أدنبرة (سكوتلندا) واستغرق الوقت حوالي ساعتين الى ساعتين وربع وبالقطار أقل من ساعتين واعتقد كلمة بعيدةحيييييييييييييييييييييييييييل مبالغه فيها.
سابعا: وبالنسبه لمزارع الفراوله مو بس بالمناطق اللي قلتيها اهيا منتشرة في جميع المناطق الريفيه في بريطانيا وآنا ما ذكرتها في مشاركتي الا لأني صادفتها بطرجي لي أدنبره.

وأرجوا إنج تتحرين الدقه من معلوماتك قبل الرد على المشاركات

 

[caramella]

spider women اي معلومه تحتاجينها آنا حاضره و اسم الشقه اللي قعنا فيها primier apartments وايد حلوه ونظيفه وهاديه

 

[ra-ha]

اللي اعرفا انها منطقه هاديه وحلوا وجوهاا بالصيف وااااااايد حلو وسوقها اسعاره معقوله