نوفولاك للإمساك أم أبتاميل كومفورت

[رزوونة]

أمهات أنا بنتي تقعد أحيانا 5أيام أو أسبوع ما تخرج الدكتورة قالتلي إذا استمر الحال أعطيها نوفولاك للإمساك.شورأيكم بالحليب أحد جربه ومين وصفه الطبيب لعيالها.أنا بسمع كتير عن أبتاميل كومفورت هل هو أفضل أم نوفولاك للإمساك زللعلم أنا أرضع طبيعي وصناعي

 

[mzajya]

هلا حبيبتي انا ولدي نفس حاله ولدج بس انا ماارضع طبيعي وكان حليبه سميلاك بس حيل تعب من الامساك وغيره لي الدكتور حق نوفلاك مال الامساك بس الحمدلله حيل ارتاح عليه وانشالله اكون فدتج

 

[رزوونة]

مشكووووورة mzagiya

 

[بسكوت فارليز]

اب
اب
اب

 

[ام نوونه]

انا ولدي طاح عليه نوفولاك وحبه
بس ماعجبه ابتاميل
كل ياهل غير عن الثاني
وولدي بعد معاه امساك بس مع نوفولاك
راح منه ماشالله

 

[ملكة حبي]

نصيحه مجربه

اولاا ع حسب عمره اذا اربع شهور واكثر عطيه منقوع التمر وادهني بطنه بزيت زيتون دافي فيه طرق لمساج الاطفال بالنت

واعطيه حليب ابتاميل كومفورت يريحه مرره فضيع

دعوااااتك

 

[ما أروعك!]

بنات انا ولدي عمره شهرين ومرتاح على ابتاميل كمفرت

بس زوجي يحن علي اغيره لحليب ثاني ارخص

شنو اسوي؟

فيه حليب زين بالتموين نفس ابتاميل كمفرت؟

 

[المدينه]

انا بنتي صار معاها امساك واستعملت النوفلاك للامساك والحمدلله واستعملته شهر وبعدين رديت للقديم لم صارت زينه

 

[رزوونة]

الله يجزيك الخير ويريحك ملكة حبي

 

[رزوونة]

مشكوريين كل اللي ردوا الله يجزيكم الخير

 

[هيلو كاتي]

وانا بنتي نفس الشي كان معاها امساك حيل يطول نفس حالتج واستخدمت نوفولاك والحمد لله نفعها انصحج فيه. وجربي بعد منقوع التمر ناس كثيره تمدحه وانا مجربته بعد واختي لعيالها

 

[ام غمازات]

انصحج فيه :stars:
انا وحده من بناتي تعبت معاها وكل شوي يغيرون لها الحليب وجربت معاها ابتاميل للامساك زاد الامساك تصوري !!!!!!!

واتعبت منه حيل حتى ريحته مو حلوه وماحبته كلش المسكينه

واخذتها للمستشفى الدكتور قالي الرضيع كل واحد غير عن الثاني وتظلين تغيرين بحليبها لما ترتاح على حليب معين وقالي للامساك تشوفين الحليب اللي فيه لاكتوز اكثر

وبنتي كان معاها امساك ومغص وغازات وعليه عليها حيل تأذت وطول اليوم بس تبجي ولا ترضا تشرب الحليب

والدكتور مدح نان ونوفالاك وبيبيلاك طبعا كنت مستخدمه نان ثاني حليب جربته معاها مانفع
وترى نان لو لاحظتو مغيرين مكان الاستيراد قبل سنتين كنت استخدمه حق بنتي وكان وايد زين ومكان الاستيرا الاصلي هولندا
ولكن الحين تغير صار الاستيراد من ايران وفرق معاي حيييل انا قبل لا اشوف مكان الاستيراد عرفت من شكل الحليب اصلا

المهم ما اطول عليج قالي الدكتور اخذي لها نوفالاك العادي بالاول والحمدلله ارتاحت عليه :eh_s(17):

وانصحج حبيبتي حطي لها بمطاره الماي ام لتر قفشتين صغار ملوت الشاي ((مرقدوش)) يبعد عنها المغص والغازات ويريح معدتها لان الامساك يسبب غازات بعد

وان شاء الله ترتاح الصغيرونه:eh_s(3):

واسفه عالاطاله