نورني الله ينور عليكم دنا وآخره :(

[الفـارسـة]

نورني الله ينور عليكم دنيا وآخره

السلام عليكم

حبيباتي سواء متزوجه ولا مو متزوجه شوروا علي فيدوني هاوشوني كيفكم

تقدم لي واحد يحبني وأحبه وأحس أنه أحنا تؤام وفااااااهمين بعض وراضي بحالتي

المهم أنه أهلي رفضوه لأسباب واااااااااايد منها أنه مو من قبيلتي ومو من ديرتي بس خليجي ومطلق :eh_s(11):

وهو وااااايد حزين وقال خلاص انسيني والله يوفقج ويرزقج بواحد أحسن مني أنتي تستاهلين أحسن ريال

وافترقنا وكلنا نصيح :eh_s(11):


ألحين

لما أحد يتقدم لي ووافقت عليه عادي؟ ولا تعتبر خيانه للأثنين؟!! :080402ask_prv:

 

[همسة ورد]

هذي حال الدنيا يالغاليه الحياه ماشيه ماتوقف عند شخص معين وخلاص،
يعني بتظلين لي متى؟
هذي سنه الحياه وهذا ربج اللي كاتبه ماتدرين وين الصالح لج؟
نصيحه دام اهلج رافضينه لا تكملين علاقه عقيمه يعني نهايتها بدون نتيجه،
شوفي اللي تقدم لج ومواصفاته وان شاء الله ربج يكتب الي فيه الخير لج وله

 

[whisper]

لو يييييج صج يتعب علشانج مو من اول مرة يرووح بعدين اهلج لهم وجهة مستقبلية وولد ديرتج احسلج

 

[الفـارسـة]

هذي حال الدنيا يالغاليه الحياه ماشيه ماتوقف عند شخص معين وخلاص،
يعني بتظلين لي متى؟
هذي سنه الحياه وهذا ربج اللي كاتبه ماتدرين وين الصالح لج؟
نصيحه دام اهلج رافضينه لا تكملين علاقه عقيمه يعني نهايتها بدون نتيجه،
شوفي اللي تقدم لج ومواصفاته وان شاء الله ربج يكتب الي فيه الخير لج وله

تسلمين أختي ردج واايد يريح

بس نا حالياً محد متقدم لي

لو يييييج صج يتعب علشانج مو من اول مرة يرووح بعدين اهلج لهم وجهة مستقبلية وولد ديرتج احسلج

هو حس بإهانه وما في يده شي يقدر يسويه

أدري أنه أهلي يبون لي الخير بس الريال يحبني وهذا الشي يكفي

 

[أم حسون]

لاتوقفين نصيبج حبيبتي حرام

 

[om_3azoz]

حبيبتي المفروض لو يحبج صج ما يستسلم بسرعه يحاول جم مره وان شاءالله نصيبج معاه
ويمكن اهلج لهم وجهه نظر ثانيه يعني خايفين عليج او شي يعني

 

[L a w y e R]

حبيبتي ليش خيانة ؟

اللي بينكم انتهى بمجرد مارفضوه اهلج

واذا فعلا حابج .. بيتقدم مرة و2 و10

واذا ماصار نصيب خيرة ..

هذي سنة الحياة ، منتوا من نصيب بعض

وشوفي ربج شكاتب لكم

موفقة حبيبتي ولاتوقفين حياتج ومستقبلج على ماضي

 

[بشورة_]

حبيبتي خلاص الحياة ما توقف عليه يعني شنو توقف حياتج وما تتزوجين؟؟؟...تشوفين هالشي يعني احسنن؟
لا طبعا كلش مو احسن شوفي نصيبج والله يوفقج ويوفقه

 

[ضي]

ابداااااااا ما شوف فيها خيانه

ولازم تشوفين نصيبج .. وهذي حال الدنيا

 

[*&* المميزهـ *&*]

الله يرزقج باللي احسن منه

 

[الفـارسـة]

تسلمون حبايبي ربي يسعدكم

أنا مو قصدي أوقف نصيبي لا

انا بصراحه بنت مثل غيري وأتمنى اتزوج ويصير عندي عيال بس بمجرد أني أفكر فيه أحس أني خاينه مادري ليش

 

[ملح بدويه]

حبيبتي هذا حال الدنيا

بس اسمعي كلامج اهلج

 

[حلم الطفولة]

رفع رفع رفع ......

 

[pretty sarona]

لازم تشوفين نصيبج , وما تعتبر خيانه لان العلاقه بينكم منتهيه واهو مو ريلج !

 

[yam_yam]

الله يرزقج بالزوج الصالح يارب عاجلا غير اجل

 

[أم منصور]

بسرعه استسلم

شلون بتكونين خاينه ولاي طرف لانه اهو الي بعد اول محاولة ياس وانهى الموضوع

شوفي حالج طالما الموضوع انتهى بسبب اول محاولة

 

[iTaLiyA]

دام انج تبينه و اهو يبيج و داش البيت من الباب خل يتقدم مره و مرتين و ثلاث عشان اهلج يحسون انه فعلا شاريج و يبيج على سنة الله و رسوله ...
و عن سالفة تحسين انج تخونينه اذا وافقتي هذا شعور طبيعي لأنج للحين تحبينه