نهاية شييخه ....

[S 7LaWa S]

*السلام عليكم *

----------------------------------------------------------
-------------------------------------------------

البارت الاول

شيخه: عفيه شهود عطيني التيشيرت اللي يمج

شهد بضيقة خلق: هذا؟؟

شيخه تقرب تقعد يمها وتلمها: واااي شهود حبيبتي شفييج؟!

شهد تقوم وتوقف على الدريشه: شيخوه ماودي تسافرين .. قلبي مومرتاح حق هل سفره
(تسكت شوي) وترا حتى امي ماييت قعدت معاج ورتبت معاج جنطتج لانها زعلانه على روحتج وماتبي تضيق خلقج

شيخه: شهود حبيبتي ترا انا رايحه ادرس مورايحه احارب وبعدين انا مو اول وحده ترد بشهادتها وتفرح اهلها .. ماتبوني ارفع راسكم! وهذا حلم حياتي و وناستي ماتبون وناستي؟! وانا راح امركم بكل عطله تحصلي و...

تقاطعها شهد: خلاص شيوخ الله يوفقج ويسهل عليج امشي نكمل جنطتج لا ايناا ابوي

شيخه حست بضيقه خلق شوي بس كملت جنطتها وفاعده ترتبها

الباب طق طق

شيخه: منو؟؟

سالم: هاا يبا خلصتو؟؟ حطيتي اغراضج بالجنطه؟؟ و اوراقج لاتنسينهم

شيخه: ايه يبا مانسيت شي ودقايق وبخلص

سالم: يله ترا ناطرينج تحت مابقى شي على طيارتج

شيخه اطالع شهد: انشاءالله يبا

شهد تساعدها بسرعه: يله بعد شنو ماحطيتي! هااج هذا ترا تحتاجينه هناك

"STOP شوي" خل اقولكم عن بيت شيخه
شيخه اهيا بطلة القصه عمرها 19 متخرجه صارلها سنه وشوي وكانت تنطر قبولها حق هل جامعه ... شيخه بيضه طويله وضعيفه وشعرها لي نص ظهرها ولونه بني قامج وحلجها صغير وخشمها ضعيف وعيونها دائريه وشكلها بيبي فيس

اختها لكبيره شهد عمرها 24 موظفه ... طويله حنطاويه شعرها لي جتفها لونه بني فاتح وتشابه شيخه شوي

سالم الابو شخصيته حيل قويه وماعنده غير هل بنتين عمره 54 متقاعد بس يشتغل مرات شغل حر

نوره الام طيبه وتحب بناتها حييل ومالها غيرهم عمرها 47 وهمم ماشتغل

"نرجع حق القصه"

شيخه تقوم توقف: اووف اخيرا خلصتها عفيه سكريها خل اطلعلي لبس .. مادري شلبس

شهد واهيا تسكر الجنطه: لبسي تريننق اريحلج بالطياره واخذي معاج هاند باق فيها الشغلات المهمه اخاف تحتاجين شي

شيخه: ماخذه كل شي "تسكت"
شيخه تلتفت على شهد: وانتي ليش مالبستي ماراح تيين معانا؟؟

شهد: امبلا بس انادي جانيت تنزل لجناط

شهد من فوق الدري: جاانييت جانيييت

سالم بعصبيه: بس بس شهل صريخ .. ماتعرفين تنزلين تنادينها!

شهد بقلبها: اوووف اذانا هل ابو كل شي لا كل شي حرام كل شي يعلق عليه .. وادش غرفتها

الباب طق طق

شهد: منو؟

جانيت: انا شنو في <<جانيت الخدامه

شهد: روحي غرفة شيخه نزلي جنطتها تحت

شيخه خلصت لبس (لبست تريننق رمادي وتيشيرت ابيض وشعرها ارفعته عنقوص وميك اب حييل خفيف "مسكره وقلوس وبلشر" وخذت جنطتها ونزلت تلبس شوزها)
بطلت بابها بتطلع ولا جانييت بويها

شيخه: جانييت نزلي هذي الجنطه وهذي بعد تحت حطيهم بسيارة بابا زين

جانيت: جيين

شيخه اطق الباب على شهد: يله ماخلصتي ابوي ينطرنا

ولا الام توها صاعده

شهد: كاني خلصت

نوره الام: هاا شيوخه رايحه حبيبتي

شيخه تلمها حييل: ايه يما .. ومابيج تضايقين انشاءالله برد رافعه راسج "وتبوسها على راسها"

الام تبتسم: انشاءالله حبيبتي توصلين بسلامه دقي علينا اول ماتوصلين طمنينا

شهد تبطل باب غرفتها وتطلع: ايييييه شيوخ نسيت اقولج دقيييييييييييييييييييييييي اول ماتوصلييين سمعتيي؟؟ لان راح نقعد على اعصابنا ننطرج

شيخه مستغربه: يماا ماراح تيين معنا؟؟

شهد: ايه يما شفيج مولابسه؟

الام مضايقه: لا مالي خلق بروح اتمدد يمكن انام لي شوي جسمي متكسر وانا احوس من الصبح مع الخدامه

شهد: واااي ياهل خدامه الغبيه مااتفهم ولا راح تفهم لازم احد معاها صارلها جم سنه عندنا ولاتفهم شي

شيخه اطالع امها: يما فيج شي؟؟ متضايقه من سفرتي؟؟

الام تبتسم: لا يمه حبيبتي روحي يله ابوج تحت ينطرج لايعصب عليكم بسرعه <<ماكانت تبي اضيق خلق شيخه

شيخه تبوسها: يله يما مع السلامه

الام: الله معاج حبيبتي

تنزل من الدري شيخه وشهد وقاعدين يسولفون .. ولا الابو توه داش من برا وجانيت بعد كانو يحطون لجناط بالسياره

سالم الابو: يله سنه! كل هذا تلبسون! رايحين عرس؟؟ خلصوني الطياره بطيير وانتو للحين يله بسرعه خفوو

شهد بتلطف الجو: واااى الله يعيني راح اقعد معاه بروحي لوول وانتي بترتاحين

شيخه تبتسم: راح يحط عليج عاد بتكونين وحده جدام عينه او كنا ثنتين ضايعين شوي معاه

اطلعو وركبت شهد جدام وشيخه ورا والابو يسوق ولجناط بالدبه

الابو يطالع ورا عشان بيرجع: موناسيه شي؟؟ خذيتي كل اغراضج؟

شيخه ماسكه البي بي وتكتب حق رفيجاتها: لايبا موناسيه شي

وصلو المطار ونزل ابوها ينزل لجناط مع الهندي ويحطونهم بالعربانه

شهد تضايقت شوي: شيووخ قربت روووحتج .. عاد كلميني هناك مسجات خليني معاج على طول

شيخه تبتسم: انشااااءالله

الابو: يله نزلو بسرعه

شهد: كله يزف

وصلو شيخه ولمت شهد وباستها ولمت ابوها وودعتهم ودشت طيارتها
شيخه بالطياره نامت شوي من التعب و وصلت بريطانيا وراحت على عنوان جامعتها
وكملت باجي لستمارات والاوراق وعلى مادشت السكن الا كااانت تعبااانه حدها
ونسدحت على السرير بلبسها وجناطها يمها عالارض

الباب .. يتبطل شيخه تقوم تنط من مكانها وطل شوي

ولا ادش وحده ومعاها بنتين وبتسمت حق شيخه وشيخه تبتسم لها
البنت واهيا يم الباب: ok bye

دشت وسكرت الباب راحت لي السرير الاثاني وثاعده تحط جناطها يمها ولا تلتفت على شيخه وتأشر لها بصبعها: عربيه؟؟

شيخه متنحه: ايه

البنت مع ضحكه: انا بعد

شيخه تبتسم

البنت: اسمي ساره

شيخه: انا شيخه

ساره تبتسم: nice to meet you
وتكمل تعدل اغراضها وتطلع هدومها من جناطها

شيخه ترد تنسدح واطرش مسج حق شهد ""انا وصلت طمني امي وابوي""
شيخه غفت وفزت من نومها ولا اطالع الساعه نامت لها ساعتين وكانت ساعه 7بليل
تتلفت ولا اطالع ساره قاعده على سريرها وشابكه قامت شيخه ودشت الحمام تغسل وتبدل

اطلعت شيخه: شلون شابكه؟

ساره تلتفت عليها: لوول انتي شكلج يديده صح؟

شيخه: ايه

ساره تبتسم: في بالسكن وايرلس يايبه معاج لابتوب؟

شيخه: ايه

ساره ترد تكمل شاتها بالابتوب: ناايس قزريها اذا مافيج نوم

شيخه تروح تقعد على سريرها: انتي كويتيه؟

ساره: yes

شيخه مستانسه: وانا بعد

ساره: وااى الحمدالله انا الكورس اللي فات كانت معاي وحده اجنبيه واااى لوعت جبدي زين حطونا بروم وحده ارحمونا لوول

شيخه تبتسم لها وتقوم تعدل جناطها واطلع اهدومها وترتب

--------------------------------------------------------------
وبس :ggdw: اذا شفت تشجييع بكمل البارت ال2
​

 

[حبيت بسكات]

خطيرة مبينه وايد حلوة واصلي
حبببببي
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب

لعيونج ناطرتج

 

[حبيت بسكات]

ونااااااسة انا اول وحدة ارد
ان راح اتابعج بس متى الايام الي تكتبين فيها

 

[S 7LaWa S]

خطيرة مبينه وايد حلوة واصلي
حبببببي
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب

لعيونج ناطرتج

تسلميييييييييييييييييين ياقلبي

ونااااااسة انا اول وحدة ارد
ان راح اتابعج بس متى الايام الي تكتبين فيها

والله حبيبتي ماعندي ايام محدده متى ماكنت فاضيه بكتب يعني عادي باليوم بارتين

 

[حبيت بسكات]

مشككورة اليوم في بارت هههههه تحمست :ggdw::ggdw:

 

[S 7LaWa S]

-------------------------------------------------------------
البارت ال2​

صار الصبح ​

طبعا شيخه وساره نامو بليل .. وقعدت شيخه حق الدوام​

شيخه قاعده تلبس وتعدل اغراضها اللي بتاخذهم معاها بالجنطه ​

تلتفت على ساره (تتكلم بقلبها): اقعدها؟؟ ولا اخاف تفشلني تقولي نعم طيحتي الميانه! واخاف راحت عليها نومه وتقولي ليش ماقعدتيني :eh_s(10):​

شيخه تروح يم ساره وتحط ايدها عليها وبصوت خفيف: ساره .. سااره منتي قايمه؟​

ساره: لااا لااا خليني بنام​

شيخه اطالعها مستغربه وتوخر عنها تاخذ اغراضها وتطلع
راحت داومت وتريقت هناك وتعرفت على وحده من البنات (لانها ياايه بروحها وماتعرف احد) وخلصت دوامها الظهر ... واهيا راده مرت على محل بطريجها وشرت خط وعبته وراحت سكنها​

اول مادشت ولا ساره ورفيجاتها قاعدين سلمت عليهم وقعدت بسريرها طلعت الخط وركبته ودقت
...........(00965)​

الابو: الو​

شيخه: الوو هلااا يباا شلوونك؟؟ شخباارك؟​

الابو: هلا هلا انتي شخبارج؟​

شيخه: الحمدالله بخير ويين امي!​

الابو: لحظه كاهي نوره تعالي بنتج علخط​

الام: هلا حبيبتي شلوونج شمسويه هناك؟​

شيخه: الحمدالله كل شي تمااام و اوك​

الام: الحمدالله حطي بالج على نفسج حبيبتي .. مويقصون عليج هناك​

شيخه: لا يما لاتوصين حريص​

الام: عاد شهد ودها تكلمج بس للحين ماردت من دوامها ​

شيخه: عادي يما انا ادق عليها بعدين​

الام: انشاءالله يما ​

شيخه: يلا يما اخليكم الحين​

الام: الله معاج حبيبتي​

شيخه: مع السلامه​

الام: مع السلامه​

شيخه سكرت الخط ونزلت تلفونها وماسكته بيدها ومنزله راسها اطالع تلفونها وتمسح عليه بصبعها​

ساره تلتفت عليها واطالع رفيجاتها .. تقوم تروح تقعد يمها على سريرها​

ساره: شيوووخ! نحن هناااااا ... شفيييييييييييييييييييييييييييييج؟!! شلي مضيق خلقج؟؟
من صجج!!!!!!!!!!! يضييق خلقج وانتي هني؟؟
انا انطر الكورس يبلش عشان ارد هني وانتي متضايقه؟؟؟؟؟​

شيخه: اطالعها وتبتسم من غير ولا كلمه​

ساره اطالع رفيجاتها: بنااات تعالوو مومصدقتني​

شيخه توهقت: امبلا مصدقتج والله بس...​

رفيجت ساره1 : بس شنووو؟؟ ​

رفيجت ساره2 : ولا بس ولا شي والله صدقت ساره احنا قروبنا مانصدق بداية الكورس عشان نيي هني ونااسه وطلعات ودراسه وربع وضحك ..
بختصار (تأشر بيدينها الثنتين) "عيشي حيااااااااتج"​

ساره: والاهل ترا ماراح يطيرون وبتردين وبشوفينهم .. (تأشر بيدها) لاااحقه​

رفيجت ساره1: اقوول يله قومي خل نطلع نغيير جو خنوري البنت العيشه الصح لوول​

ساره: فووقه​

شيخه اطالع ساره ورفيجتها: هاا .. لااا ماببي اطلع تعباانه توني راده من الجامعه​

سااره: امشي نتغدا برا .. مويوعانه؟؟​

رفيجت ساره2: يله قووومي لاتقولين لااااا ​

رفيجت ساره1: يله عااااد قومييي​

شيخه ترفع حواجبها: اوك وتبتسم​

ساره ورفيجاتها بصوت واحد: هياااا .. ساره تلمها يله قومي​

شيخه تقوم تبدل "البست نفنوف لي ركبها لونه اوفوايت وكعب وفلات اسود والجنطه سوده"
ساره لابسه جينز و توينز .. رفيجاتها لابستين تريننقات​

--------------------------------------------------------------
--------------------------------------------------------------​

همممممممممممممم STOP شوي
خل اقولكم عن ساره ...
ساره عمرها 20 وهذي سنه اولى لها .. لانها عايده السنه كامله .. همها الطلعات والوناسه والربع واخر شي تفكر فيه الدراسه واغلب الايام ما اداوم.. ساره سمره وطولها عدي وعصله ومملوحه شعرها اسود لي نص ظهرها
رفيجاتها بعمرها اول وحده اسمها روان عمرها هم 20 وحنطاويه وشعرها بوي اسود ومملوحه ونفس افكارها وتعرفها من لكويت يعني من ايام المدرسه ومسجلين مع بعض وهم راسبه مثلها
رفيجتها الثانيه دلال جرييئه حييل وعمرها 20 وشويه متروسه وبيضه وشعرها طويل اشقر وهم تعرفها من لكويت ايام المدرسه بس اهيا مارسبت وسنه ثانيه لها بس هم نفس تفكيرهم وتنجح بالقش والدز​

-----------------------------------------------------------
-----------------------------------------------------------​

Back نكمل القصه​

طلعو كلهم وراحو المطعم
ساره: واااى يحلات الجووووووو ..​

روان: ربيييع​

ساره: تبون نقعد برا؟؟​

شيخه: ايه الجو حلو​

دلال انا بقعد هني بطالع الشارع .. بخوزز بالرايح والياي​

روان: واااااااااااااااااااى ماتيوزووون من هل سالفه لازم الخز والحش​

ساره: ايه اكيد ولا ماتحلا القعده لووول​

شيخه تبتسم <-- مستحيه شوي لانها ماتعرفهم من زمان ​

اقعدو بالمطعم وطلبو
شيخه منزله راسها وماسكه البي بي وتكتب مسج حق اختها "شهود حبيبتي هذا رقمي...."​

ولا ماتسمع الا صوت ريال ارفعت راسها ولا واحد يمهم علطاوله ​

ساره قامت وقفت: هاي حموود وين رايح هل حزه.؟​

حمد يرفع ايده: هلااااا سوير رايحين الماركت .. جنه معاكم وحده NEW​

روان: ايه شيوخ مع ساروه بالروم .. شيوخ هذا حمد معانا بالجامعه وبكلاس الانقلش خصوصا "واطالع حمد بطرف عينها"​

حمد: وييييه عيل ياشيخه رحتي فيها من سوير المزعجه هههههه ... يله يله اخليكم صاحبي واقف هناك ينطرني​

دلال: عشتو وشحقه ما ييه معاك واقف اخر الدنيا​

حمد: يعني محترم ههههههههههههه يله برب​

ساره: اهم شي لبرب يله باي روح لحق عليه​

شيخه من غير اي تعليق نهائياً .. قاعده وساكته ​

ساره: شيوخ ترا مجرد فريند معانا بالكلاس مو اكثر وتضحك ..​

دلال: شيوخ...!​

شيخه تلتفت عليها: هلا​

دلال: ماعندج حبيب؟ يعني بوي فريند؟​

شيخه: لا​

ساره تغمزلها: علينااا​

شيخه تبتسم: لول والله ماعندي .. بس تقدرون تقولون معجبه بولد يرانه لوول بس مايدري عني ولا انا مبينه له شي ​

ساره يرن تلفونها وتقوم تفز من مكانها وتناقز الحب الحب ... تروح توقف برا سور المطعم وتسولف بالفون​

دلال: هذا حبيبها اخر سنه له هنيي معانا وتوه اليوم واصل ومشتاقتله عذريها مينونه​

روان: ومااتسمع الحجي مصدقه بينطرها اربع سنين على ماتتخرج اذا مو اكثر شكله ليي رد لكويت تزوج وسحب عليها​

دلال: روون بس ترا يحبها لصبي​

روان تلف ويها وتشرب البيبسي: كيفها​

---------------------------------------------------------​

وبسسس :ggdw: بطلع وكملكم متى ماشفت تشجيييييييييييييييع :eh_s(4):​

 

[G!rla q8ya]

يعطيج الف عافية حبيبتي



انا قريت اول بارت وشكلها عجييييييييييييييييبة






انشاءالله باجر اكملها










موفقة



​

 

[G!rla q8ya]

لووووووووووول



ما قدرت ما اكمل







البارت اينن


يسلمووو



وانا اعتقد رفيج حمد

يحب شيوخ




up up up​

 

[S 7LaWa S]

قيرلا لوول حبيبتي تسلمييين
ونطري البارت الياااي

وسوري بنات في بدليات شوي لاني مستعيله والله كنت بطلع
بس وعد البارتات اليايه براجعهم قبل لا انزلهم :d

 

[حبيت بسكات]

لا عادي و البببارت عجيب
اب
اب
اب
اب
اب
اب
اب
اب
اب
اب
اب
اب
اب
اب
اب
لعيييونج

 

[حبيت بسكات]

اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
عاشاوا عاشوا عاشوا والله عاشوا
نبي بارت ههههههههه ياللله

 

[G!rla q8ya]

الله يسلمج حبيبتي

اصلا ناطرين ع احر من جمر


و البدليات عادي هع هع



ويتنق



اب
اب اب
اب اب اب
اب اب اب اب
اب اب اب اب اب
اب اب
اب اب
اب اب
اب اب
اب اب
اب اب
اب اب
​

​

 

[ღرحت فيهاღ]

قووة البداية تينن البارتات قصار << لوول نغزة ههه لا بالعكس طوال وتسلم ايدج ونا طرينج البارت الياي وبلييز لا تقولين ولد يرانهم اسمه علي لانه كل كاتبه هابة بهل اسم لوووول

 

[S 7LaWa S]

-------------------------------------------------------------------
الباارت ال3 :ggdw:​

دلال: شيوخ ماودج ليي خلصنا نروح نفتر بلسوقه؟​

شيخه: لا برد ارتاح عشان تالي بقعد ادرس شوي​

روان: لووول من صجج؟؟ من اول يوم بتردين تدرسين؟ عيل باجي الايام شراح تسوين؟​

دلال واهيا تشرب البيبسي: تحبس عمرها​

شيخه: لا شكو عادي بس انا احب اجييك على الكتب اول بأول عشان ما اضيع بعدين​

وصل اكلهم وحطه الريال لهم علطاوله....​

دلال تصرخ: سارووون تعالي خلصينا ماصارت​

شيخه: !!! <-- مستغربه شلون تصارخ جذي​

روان حاطه ايدها على ويها: ههههههههههه .. بس فشلتينا​

ساره تأشر من بعيد: ياايه wait شوي​

دلال تاكل: وييه كيفج ​

ساره ييت وقعت علطاوله: واااى اليوم بروح اشوفه ​

روان: وين بتروحون؟؟​

ساره: بروحله بشقت ابوه​

شيخه مستغربه: شقته؟!​

ساره تلتفت عليها: NO ... شقت ابوه عنده شقه مالتهم شارينها واهوا يقعد فيها ومرات نتيمع كلنا ندرس عنده ... (تسكت شوي تاكل) ومرات نتيمع انطالع movies ومرات نسوي بارتي (وتعطيها ابتسامه عريييضه)​

دلال: طبعا حده وناسه وتاخذين راحتج جنه بيتج مايقولج شي .. سوي اللي تبينه​

شيخه: لا مايصير .. فشله اصلا شلون ادش شقته!​

روان: لوووول ترا احنا مو بلكويت هذا اولاَ .. وثانيا شقته هذا السكن ماله يعني بيته​

دلال: وترا احنا مثل خواته... وتدرين احنا بغربه فنكون على قلب واحد​

شيخه: تبتسم .. وبالها راح بعييد بالتفكير​

ساره اطالعها: شفيييييييج! اكلي .. شفيج تنحتي​

شيخه اخترعت: لا ماكو .. قاعده اكل​

ومرت نص ساعه.......... وصارت ساعه 5ونص​

روان ترجع ظهرها لي ورا: هاا يله نطلب الجيك؟؟ تعبت بروح انام​

ساره تنادي المره: جيك بليز​

دلال: ايه تصدقين يبيله نروح ننام .. امس مانمنا قاعدين علنت​

ادفعوو وقاموو ... شيخه راحت تريح .. ودلال وروان نامو .. وساره راحت تشوف خالد​

شيخه اول ماوصلت بدلت وغسلت ورفعت شعرها وانسدحت .. قاعده تفكر بحجي البنات ولازم احطلي "بوي فريند" مثلهم!
لان احنا بغربه! ولازم ليي واحد سند! ​

ولا يرن تلفونها...........
شيخه تشوف الرقم .. وتشيله بسرعه​

شيخه مستااانسه: الوووووووووووووووووووو​

شهد: وين يلخايسه هذا يعني اللي قتلها كل شوي كلميني​

شيخه: هلا شهوود حبيبتي والله لهيت​

شهد: بسج بسج من اول يوم تضغطين على عمرج ريحي​

شيخه: شسوي بعد تعرفيني ماحب اكوود شي على شي​

شهد: شخبارج؟؟ شمسويه هنااك؟؟ انشالله في بنات كويتيات؟​

شيخه: الحمدالله ايه والله ومعاي بالروم بعد​

شهد مستانسه: زيين الحمدالله​

شيخه: انتي شخبارج واشلون امي وبوي والوضع؟​

شهد: زينين كلنا ​

وسولفت معاها شوي وسكرته .. وقامت طلعت كتبها وقعدت تقرا وتراجع شوي​

الباب تبطل....​

شيخه منسدحه على بطنها وتحاول اطل: منووو​

ساره: انااا ​

شيخه تسمع ساره بصوت خفيف .. تعال عادي ماكو احد غريب​

شيخه قامت قعدت .. ولا تدش ساره وخالد​

ساره مستانسه: هذا خلوود .. بيبي هذي شيوخ رفيجتي ​

خالد: هلا والله .. ساره ذبحتني تسولفلي عنج​

شيخه تبتسم: اهلين​

ساره تدخل الغرفه وتسحبه من ايده وراها: تعال اقعد مافي غريب هذي حبيبتي​

شيخه ابتسمت .. وردت تدرس​

ساره قعدت ويمها خالد: جذي وصلت ليي الغرفه بعد لاتقول مادل .. تعالي بأي وقت​

خالد يقوم يوقف: اووك .. بس انا امشي الحين عشان تاخذون راحتكم .. تبين شي؟​

ساره تبتسم مستانسه: No thnks​

طلع خالد وسكر الباب وراه...​

ساره قامت ونطت يم شيخه .. شيخه ترفع راسها اطالعها​

ساره تسكر ايدها على بعض: وااي شيوخ امانه شرايج فيه؟؟ مويهبل؟؟​

شيخه مستحيه: ايه..​

ساره: وااى متى اتخرج ويكون من نصيبييييييييييييييييييي​

شيخه: انشالله يكون من نصيبج​

ساره تحط ايدها على جتف شيخه: يله كملي دراستج ​

تقوم ساره تبدل وتنسدح بسريرها وتمسك فونها وادق على دلال وروان وتشبكهم واطيحله قرقه​

شيخه خلصت دراستها وكانت عل ساعه10 ونص قامت كلتلها كلوب ساندويج وفرشت ونامت ... وساره قامت شبكت وتسولف مايك وكام مع خالد لي صبح​

صار الصبح شيخه قامت كلعاده بدلت وطلعت .. ماحبت تقعد ساره لانها كانت سهرانه ونزعجت منها شيخه​

شيخه اول ماوصلت ودشت كلاسها الاول واهيا يم الباب .. كانت معاها دلال​

دلال ترفع ايدها: شيوووخ تعالي هني​

شيخه بقلبها واهيا رايحتلهم: وااى مابي اقعد ورا​

كانت قاعده دلال ويمها واحد ​

دلال تأشر بيدها علكرسي اللي جدامها: تعالي قعدي هني يمنا​

شيخه قعدت... وحطت اغراضها...​

دلال: شيوخ ​

شيخه تلتفت عليها: هلا​

دلال: اعرفج عدول حبيبي (اتطالعه بطرف عينها وترفع حاجب) وريلي بعد​

شيخه تبتسم وتهز راسها فوق تحت: هلا والله​

طبعا كان حمد معاهم بلكلاس واهوا حييل قريب منهم ومن عادل وعبدالعزيز يعني من ضمن ربعهم​

بلبريك راحت شيخه مع دلال وعادل يتريقون بالكافتيريا...​

ااطلبو وخذو اكلهم وقعدو علطاوله ودش خالد وقعد معاهم .. ودشت روان مع "عزيز" وقعدت معاهم
وقعدو ياكلون....​

خالد: عيل وين ساروه؟؟ هذي بذبحها انا​

دلال: يعني ماتعرفها كله ساحبه على الدوام .. وتبي تتخرج بسرعه بعد​

شيخه: على طول اهيا جذي؟​

روان: لا بس اول سبوع جذي​

عادل عينه على شيخه ... وشيخه موقادره تاخذ راحتها كل شوي عينها اطيح بعينه​

عادل: الا شيخه ماقلتي لنا هذي اول سنه لج؟؟ وشنو تخصصج؟​

شيخه: ايه اول سنه و....​

رن تلفونها
شيخه: sorry بس دقايق .. قامت من الطاوله​

سالم ابوها: الو​

شيخه مخترعه: هلا يبا​

الابو: هاا شيخه شلونج؟ انشالله مرتاحه؟​

شيخه: ايه يبا كل شي تمام​

الابو: زين عيل بس كنت بتطمن قاعد احاتيج انا وامج .. وحطي بالج على نفسج​

شيخه: لايبا لاتوصي ماكو الا العافيه...​

الابو: انزين يله عيل مع السلامه​

شيخه: مع السلامه​

سكرت الخط واهيا راده ولا بويها حمد مع رفيجه "عبدالله"
وقف جدام شيخه​

حمد متوهق: آآآ آممم مو انتي شيخه؟!!​

شيخه تبتسم: ايه انا​

حمد يأشر عليها بصبعه: اييه عدل انا اقول جنها شيخه اللي كانت قاعده مع ساروه ودلول ... شلوونج؟​

شيخه: تمام..​

حمد: اعرفج علي صاحبي حبيب قلبي العبد​

شيخه تبتسمله: اهلين​

حمد: هذي شيووخ رفيجت البناات .. راح تعرفها انشالله مع اليمعات​

عبدالله: هلا والله​

ولا وحده تأشر من بعيد حق حمد "رفيجتهم مجرد صداقات"​

حمد: يله شيوخ نخليج بنروح ناكل سلمي علربع​

شيخه: يووصل​

ومشا حمد مع عبدالله حق طاولتهم .. وقعدو يتريقون​

شيخه واقفه اطالعهم: يحليله عبدالله حييل مؤدب .. وكيوت بعد "تضحك بروحها وتروح تقعد مع قروبها"​

--------------------------------------------------------------------
وبس:ggdw: شجعونييييييييييييييييييي​

 

[S 7LaWa S]

وهذاا بارت ثاني عشان تأخرت عليكم اليوم :eh_s(22):

-----------------------------------------------------

مرت ايام................​

​

وشيخه صارت حييل مع لقروب .. وكل وحده من البنات كان لها "حبيب"​

​

(ساره-خالد) (دلال-عادل) (روان-عزيز)​

حمد وعبدالله كانو يمشون مع بنتين بس لقروب مايعرفهم مجرد فرينداتهم​

​

"شيخه"​

​

ارتاحت حق عبدالله وقامت تفكر فيه .. بس......​

​

بس اهوا ماكلمها ولا اهيا تقربت منه اكثر كانو عادي مع بعض​

شيخه لهت معاهم وقامت ما تتصل ولاتسال عن اهلها الا اذا اهما سالو عنها​

قامت تروح معاهم سينما ومطاعم وكافيهات وسوقه وطلعات​

علاقته معاهم صارت قويه​

​

ولاتنسون اول يوم دوام شيخه تعرفت على وحده عربيه بس موكويتيه وهم كانت تطلع معاها مرات​

والبنت تيي تقعد معاها ويدرسون مع بعض اسمها " فاطمه" .. لان بنات قروبها كله براشيم وغش​

​

قربت اول فترة امتحانات...........​

--------------------------------------------------------

نكمل البارت ال4​

​

ساره تسكر اللابتوب: اووف قطيعه صار ملل النت​

​

ساره: شيووخ!​

​

شيخه تنزل الكتاب: هلا​

​

ساره: ترا اليوم بنتيمع عند خالد.. موتقولين لا بقعد ادرس هني​

انتي مادري شفيج مومتقبله فكرت "بييت خالد"​

​

شيخه تحرك عيونها لي فوق وتفكر: امم مادري .. منو بيروح؟​

​

ساره: كلنا​

​

شيخه تبتسم: اوك​

​

ساره مستانسه: هياا اخيرا​

​

ساره تقوم تلبس .. وتفصخ .. تلبس .. وتفصخ​

​

ساره حاطه ايدها على خصرها: امبييه مادري شلبس​

تمد برطمها التحت: مابي خلود يشوفني موحلوه​

​

شيخه تقوم وتروح صوب كبتها: وخري انا اطلعلج شي حلو .. امممم "تمسك نفنوف ضيج اسود بس بسيط" تبين هذا؟؟ ترا حلو​

​

ساره تلعب بشعرها: صج؟؟​

​

شيخه: ايه والله وحطي ميك اب خفيف ورفعي شعرج وبس​

​

ساره: اوك .. وانتي شراح تلبسين؟​

​

شيخه: هل تريننق! "تريننق لونه زيتي مخمل وتيشيرت ابيض" لان الجو بداا يقلب​

​

اطلعو وتيمعو عند خالد .. وكانو حمد وعبدالله هناك مع رفيجات ساره وربعهم​

​

اقعدو يدرسون كل وحده وفريندها علي قنفه​

​

اما شيخه قعدت علطاوله مع حمد وعبدالله​

​

وطبعا كانو يتشاركون بلتلاخيص والاسأله والمساعدات​

​

ساعه ولا ساعتين وبس ملوو وقعدو يطالعون التلفزيون وياكلون ناتشوز وبيبسي وسوالف وضحك​

​

تمت شيخه بروحها علطاوله تكمل ..................​

​

وعادل...... يطالعها و وده يروح يسولف معاها بس "دلال" حبيبته​

​

عادل خلص بيبسيه وقام: انا بروح المطبخ ايبلي بيبسي ثاني .. احد يبي شي؟؟​

​

اللي ردو عليه: لا سلامتك .. مشكور​

​

عادل و اهوا رايح لازم يمر صوب شيخه​

​

عادل: ايه عفيه علشاطره درسي​

​

شيخه ترفع راسها: ابتسمت وردت تكمل​

​

عادل يبتسملها مع حركات بسيطه بعيونه "يتحرش"​

​

قام عبدالله وقعد يمها علطاوله: هاا شيوخ ماتبين مساعده! شي!​

​

شيخه اطالعه: لا بس تعبت .. و ودي اريح شوي​

​

عبدالله: امشي قعدي معانا طالعي TV تالي كملي​

​

شيخه تحط ايدها على يبهتها: واااي مابقى الا جم يوم علمتحانات ويين اريح .. انا يايه ابي نسبه! ابيي افرح اهلي .. وعدتهم بهل شي​

​

عبدالله يبتسم لها: الله يوفقج​

​

شيخه تعوي راسها مع ابتسامه: اجمعين​

​

طلع عادل من المطبخ وشافهم ... تنرفز وراح قعد يم دلال​

​

دلال تمسح على راس عادل: شفيك حبيبي عاقد النونه​

​

عادل يعفس ويهه ويدزها ايدها: وخري عني راسي مصدع ومالي خلق​

​

دلال تبقق عيونها وتبطل حلجها: اوخر عنك؟؟! شفيييييييك؟ ينييييييت؟ (وتعلي بصوتها)​

​

صار هدوووء الكل سكت​

​

عادل: ايييييه ينييت ينيييت ويقوم يطلع ويسكر باب الشقه وراه​

​

دلال قامت تبجي ونهارت​

​

دلال تبجي وتصارخ: وخروو عنيييي خلاااص خلاااص .. انتهت علاقتي فييه مابيييه​

​

روان تلمها: خلاص دلول قومي امشي نروح غرفتنا​

​

دلال تمسح دموعها بلكلنكس: خلاص اصلا انا ما ابيه​

​

روان تقومها: خلااص انتي امشي معاي​

​

روان خذتها وردو السكن​

وعزيز طلع معاهم يوصلهم ​

​

روان تكلم عزيز بصوت خفيف: عزوزي انت كلم عادل قوله مايصير جذي يفشلها جدامنا حتى لو متضايق اهيا تحبه وكل شي يعجبه بالبنت راحت وسوته​

ياصابغه شعرها اشقر عشان اهوا يحب الشقر ياا قاضه اذنها يامادري شمسويه بمعرها كله عشان تعجبه​

​

عزيز: انشالله بكلمه​

​

شيخه وساره طلعو مع حمد وعبدالله يوصلونهم​

شيخه كانت تسولف مع عبدالله بالطريج وخذو ارقام بعض​

​

واول ماوصلو سكنهم راحت ساره عند روان ودلال .. وشيخه راحت تنام ​

​

ومرت الايام وردت علاقة دلال وعادل​

وشيخه قامت تسولف مع عبدالله وتطلع معاه​

​

وقدمو (لمتحانات) ​

​

وشيخه "ارسبت" بماده​

​

شيخه اطالع ساره: امبييه طاعي​

​

ساره مستانسه: انا ناجحه​

​

شيخه ضايق خلها: شسوي الحين؟؟ كل هل تعب علفاضي؟ واهلي شقولهم شوريهم؟؟ شنو بيردون علي؟ قاعده هناك شسوي انا!​

​

ساره: كلمي الدكتور يمكن يساعدج​

​

شيخه: بشوف بكلمه حتى لو يعطيني كووز على الاقل يساعدني بأي شي انا مستعده​

​

وفي منهم اللي نجح وفي اللي رسب​

 

[A7laa kuwaitia]

هااي انا متابعه يديده واقولج الى الامام حبيبتي

 

[ღرحت فيهاღ]

البااارت تحطيم على قولة om 7soon وناطرينج على احر من الجمر

 

[A7laa kuwaitia]

يلااا ناطرينج عسووله

 

[G!rla q8ya]

اي و الله تحطيييييييييييييييم





يعطيج الف عااااااااااااااااافية



:eh_s(9):
:eh_s(9):
:eh_s(9):




ويتنق البارت الياي :eh_s(15):








:eh_s(7):

 

[G!rla q8ya]

اب

اب

اب

اب​