نكهة الكراميل ... من وين ؟

[دلعلــــع]

السلام عليكم

قوه بنات شلونكم؟

بنات بغيت اسال ويين يبيعون النكهات مثل : نكهة الكراميل / نكهة الفانيلا / الفراوله

اللي يستخدمونه فستار بكس ؟

اي وبعد صوص الكراميل ؟

لان بسوي الفرابتشينو كراميل ومن مقاديره نكهة الكراميل
اللي تعرف بليز تعلمني :friends:

 

[جارة القمر]

وعليكم السلام حبيبتي


بنات بغيت اسال ويين يبيعون النكهات مثل : نكهة الكراميل / نكهة الفانيلا / الفراوله

ما سألتي بمركز سلطان وكارفور


عنهم

بالنسبة لصلصة الكراميل

أحصلينه بمركز سلطان


بس مودائما متوفره

http://www.q8yat.net/showthread.php?t=565990&highlight=%C7%E1%DF%D1%C7%E3%ED%E1

 

[Snow angel]

حبيبتي أتوقع تلاقينه بمركز سلطان بقسم القهوه

وبمحلات تجهيز الكفي شوب ما ادلها بالكويت

أسألي المهند يمكن عندهم واذا ما لقيتي عندهم أسأليهم وين تلاقين تجهيزات القهوه

 

[دلعلــــع]

يعطيج العافيه

ان شاء الله اليوم طيران على مركز سلطان خخ

 

[أمواج البحر]

صوص الكاراميل انا شاريته من الجمعيه

تلقينه بقسم الحلويات والصوص وهالسوالف

بالنسبة للنكهه ما عندي فكره والله

 

[نارنجه]

ستاربكس يبيعونه اذا قلتيلهم ابيهم عادي تقدرين تشترينه منهم .. انا شايفه منه بجمعية الخالدية .. و صوص الكراميل تلاقينه صوب الهيرشي و الفراولة ... و اذا ماحصلتيه عادي انتي سوي الكراميل ..

 

[دلعلــــع]

يعطيكم العافيه بنات رحت ستاربكس واخذته بـ 3 دنانير

 

[سلايل*عبس]

انا اشتريهم من شركة mf

خوش نكهات ودايم تنزل بارض المعارض بالاستهلاكي والغذائي وغيرهم وهمن تلقينهم بالجمعيات بعض المرات -جربي جمعية اليرموك شغل الكيك والكفيهات عندهم انواع

عندهم الفراوله والتوت الازرق والككاو طبعا


وترا انا اسوي الكراميل بلبيت لذيذ وسهل

احط قيمر كي دي دي على النار اول ماتطلع الفقاعات احط كوب شكر واخلط وبسرعه اسكر النار وهذي مو التوفي لانه القيمر تحطينه قبل لاحظي انج ماتحرقين السكر واذا تحبين طعم الكراميل اقوى ضيفي عقب السكر نص كيس كريم كراميل بودر وعقب حطيه بكيس الحلواني واختاري الراس اللي يناسبج حجمها وركبيها ترا موت سهل واطعم


وبس

 

[دلعلــــع]

سلايل عبس يعطيج العافيه ياقلبي شكلها لذيذه خلطتج السريه بجربها

 

[الأميرة جوري]

دلعلع ........نبي الطريقه منج ؟ بسوي لعيالي يحبونه