نقل من وزاره الى اخرى

[ورده القرين]

حبوبات منو تفيدني اانا اشتغل بوزاره الداخليه وخدمتي بصير 6 سنوات وابي انقل وزاره ثانيه\
ابي اعرف شلون انقل اسوي كتاب وااوجه لي منو؟؟ وشلون الطريقه بالضبط؟؟

 

[ملح و سكر]

شوفى حبيبتى اولا لازم تروحين الوزاره اللى تبين تنتقلين لها وتشوفين يبونج بالوزاره ولا لأ وعقبها سوى انتداب وروحى للوزاره وبعدها انتى سوى كتاب للمديرج تطلبين فيها انه يندبونج للوزاره الفلانيه اذا وقع خلاص تمشين باوراقج عادى وعقبها تروحين للوزاره وتقعدين مده لاتقل عن ثلاث شهور بعدها يخيرونج تبين تردين لوزارتج او تقعدين بالوزاره اليديده .....اذا ارتحت بالوزاره تقدرين تكملين واذا ماجازلج تردين مكانج ..وسلامتج ....

 

[ورده القرين]

مشكووووره حبيبتي ملح وسكر

 

[كويتية عيمية]

عقب جم سنة تقدر الوحدة تنقل من وزارتها ؟

 

[ملح و سكر]

على حد علمى 3سنين وتقدرين تنتقلين .....والله يوفقج ...واى سؤال انا حاضره ...راسلينى على الخاص لان احتمال ماادش قسم الحياة العمليه ....

 

[أم عبود 2011]

رد : نقل من وزاره الى اخرى

قانون النقل والندب يكون بعد سنتين من تاريخ التعيين يقدر الواحد ينتقل بس بضرورة توافر درجة وطيفية بالوزارة اللي بينتقل لها وهالدرجة لازم الديوان يوفرها خاصة إن الموظف مثلا اللي على الدرجة الرابعة على سبيل المثال لو بينتقل وزارة ثانية لازم ياخذ موافقة الديوان بهالشي يعني الديوان يشيك مثلا هل الدرجة الرابعة متوفرة بالوزارة اللي بينتقل لها ولا لأ
لأن الديوان أهو اللي يوزع الدرجات الوظيفية عالوزرات يعني مو شرط يصير النقل لو وافقت الوزارة المنتقل لها الموظف لازم الديوان يقرر

مثال كان عندنا موظف بوزارة الدفاع وحب ينتقل الداخلية ياب الموافقة منهم وخلص كل أوراقه لكنه تعطل 3 شهور بالديوان لين ما تأكدوا من توفر درجته الوظيفية بالداخلية وهالموظف كان عالدرجة الخامسة

 

[ملح و سكر]

بصراحه انا مو معاج اختى انا بالتربيه ورفيجتى حبت تروح المنطقه العاصمه بس يابت موافقه من مدير المنطقه وخلص وراحت على طول انتقلت ...........واذا كان من وزاره لوزاره نفس الشى تخاطب الوزاره الى ناويه تنتقل لها ..والديوان مالها شغل بالنقل على حد علمى ........