نقل من المدرسه نص الكورس !!!

[ReeMaN]

قوووه بنات .... عفيا يالبنات ماعليكم امر من عنده خبره بمدارس التعليم الخاص ابي اعرف يصير النقل من مدرسه خاصه الى مدرسه خاصه ثانيه نص الكورس ؟؟؟ويسون له اختبار القبول والا لا ؟ والا لازم على بداية السنه اليديده ؟؟؟

 

[أم ضارى]

شوفى حبيبتى انا تونى ناقله بنتى من درستها اجيال ثنائية اللغه

اول شى اتسوينه كعب دااااااااير على المدارس ادقدقين عليهم اتشوفين منو ممكن تقبل ولدج او بنتج الحين

يعنى انا مثلا بنتى فى كى جى تو بالعافيه لقيت اربع مدارس تقبلها لان المدارس القويه كلها فلللل الحين ... واخترت احسن الموجودين ووديت بنتى امتحنت

واذا اقبلوها لازم تاخذين ورقة لامانع من مدرستها اللى الحين اهيه فيها ومن المدرسه اليديده ... الاولى تعطيج ورقه ان ماعندهم مشكله ان بنتج تنتقل من عندهم والثانيه تعطيج ورقة لامانع تنتقل لهم وان عندهم مكان لها.... وعقبها ياطويلة العمر اتروحين مبنى التعليم الخاص ممر شؤون الطلبه غرفه خمسه عند وحده ينقالها نوال ام سعود رئيسة قسم تقوليلها السالفه وليش تبين تنقلين عيالج ... وبس يعطونج ورقة لامانع

لان التعليم الخاص ماعندهم مشكله اذا بتنقلين من خاص لى خاص المشكله من خاص لى عام والا العكس


بسسسسسسسسسسسسسسسسسس هاااااا اهم شى لاتروحين انتى التعليم الخاص لانهم راح يردونج لازم ابوها اهوه اللى يوقع الاوراق

وسلامتج

 

[ReeMaN]

ياااااعمري والله عسى الله يسخرج عيالج ويرزقج برهم و مشكووووووووووووره عالرد السريع وهالمساعده حق رفيجتى حددددددها متغربله مع ابلات ولدها قالو لها انه اهو استيعاب بطئ واهى متاكده والف بالمية ان مافيه شي وحتى ودته اكثر من طبيب قال مافيه شييييييييييييييي وحتى غربلوها بطلبات المدرسه كل شوي يبون منها شي حقهم بس اهى تبي من المدارس القويه واهى توقعت ان عادي اى مدرسه ممكن يقبلونه لان نص الكورس وكلللللللللللش مافيها صبر :0bee2e8d89: والله كريم انشالله

 

[أم ضارى]

ياااااعمري والله عسى الله يسخرج عيالج ويرزقج برهم و مشكووووووووووووره عالرد السريع وهالمساعده حق رفيجتى حددددددها متغربله مع ابلات ولدها قالو لها انه اهو استيعاب بطئ واهى متاكده والف بالمية ان مافيه شي وحتى ودته اكثر من طبيب قال مافيه شييييييييييييييي وحتى غربلوها بطلبات المدرسه كل شوي يبون منها شي حقهم بس اهى تبي من المدارس القويه واهى توقعت ان عادي اى مدرسه ممكن يقبلونه لان نص الكورس وكلللللللللللش مافيها صبر :0bee2e8d89: والله كريم انشالله

آآآآآآمين مشكوره على الدعوه

شوفى انا ناويه ان شاء الله السنه اليايه انقلها وحده من المدارس القويه وقلت اقزر بمدرسة بنتى الحين بس صراحه طلعونى من طورى على قولتج يننوا بنتى وخلوها تفقد الثقه بنفسها وتكرهه المدرسه
لالالالا وفوق هذا كل كلمه والثانيه تقولى خل نعرضها على طبيب نفسانى يعنى غصب طيب تبى اطلع العيب من بنتى!!!

هذا اللى خلانى اقول لالا خلاص ماقدر استحمل وادورلها مدرسه مؤقته لى نهاية السنه وبعدها حق اولى ابتدائى انقلها

انا ماكان ودى اسوى فى بنتى جذيه من مدرسه لى مدرسه انا احب الاستقرار بس صراحه هذوله مو ويهه استقرار بالمره

 

[ReeMaN]

وااااي ام ضاري الله يسامحهم على اللي سووه في بنتج بمدرستها .... انا قريت قصة بنيتج مع ابلتها المينونه اللي اهى اساسا يبيلها فحص نفسيا ... ومادري ام ضاري ترا كثره التنقلات تتعب الياهل نفسيا والله يعينها شكل بنتج كارهه مدرستها واساسا نص الكورس صعب النقل ومااقصد بالاوراق والمعاملات اقصد نفسيتها تخيلي تدش الصف ومدرسه غريبه عليها و اتكون صداقات من اول شي وصفها مو متعلمين عليها غير النظرات اللي اتكون عليها خاصه اليهالو الملاقيف اللي اتبط الجبد جنى نازل عليهم شي من الفضاء صج الله يسهل على الكل ويكتب اللي فيه الخير اجمعين

 

[أم ضارى]

وااااي ام ضاري الله يسامحهم على اللي سووه في بنتج بمدرستها .... انا قريت قصة بنيتج مع ابلتها المينونه اللي اهى اساسا يبيلها فحص نفسيا ... ومادري ام ضاري ترا كثره التنقلات تتعب الياهل نفسيا والله يعينها شكل بنتج كارهه مدرستها واساسا نص الكورس صعب النقل ومااقصد بالاوراق والمعاملات اقصد نفسيتها تخيلي تدش الصف ومدرسه غريبه عليها و اتكون صداقات من اول شي وصفها مو متعلمين عليها غير النظرات اللي اتكون عليها خاصه اليهالو الملاقيف اللي اتبط الجبد جنى نازل عليهم شي من الفضاء صج الله يسهل على الكل ويكتب اللي فيه الخير اجمعين

والله صاجه وانا معاج بكل كلمه قلتيها بس شسوى الشكوى لله
ماكان ودى يصير جذيه

بس انا كلمت مدرستها اللى بتنتقل لها قالولى لا تخافين راح نخليها تندمج مع الصف وتاخذ على الطلبه اللى معاها وياخذون عليها ونساعدها بتكوين صداقات وترد الثقه بنفسها

وان شاء الله يصدقون بكلامهم

تخيلى القهر بفلوسج بدل لاترفعين مستوى بنتج تودينها مدرسه ادمرها

 

[ReeMaN]

مساء الورد ... اى هذا اللي اقوله ام ضاري على اللي هاللي قاعده اسمعه هنى من بلاوى المدارس طق وتكفخ وتحطم نفسيا وسالتهم اذا هالشي بس بالمدارس الحكومه والا بس بالخاصه ؟؟ اثاري حتى الخاصه فيها هالسوالف عيل شحقه دافعين فلوس دام النفسيه زفت ؟؟؟

 

[أم ضارى]

شوفى انا مادرى عن باجى البنات بس بقولج شنو صار معاى

كل وحده فينا طبعا تبى عيالها يكونون احسن ناس بس انا ضد انج تضغطين على نفسج وتقعدين طول السنه مفلسه علشان بس تقولين انا عيالى بمدارس خاصه .... يعنى لوما ان الحمدلله حالتى الماديه تساعد جان مادخلهم مانى ملزومه ومالى شغل بكلام الناس


وكنت ماخذه فكره غلط علبالى المدارس الاجنبيه مايدرسون عربى ودين علشان جذيه فضلت مدرسه ثنائية اللغه علشان يدرسونهم دين وعربى بس عقب ماسجلت بنتى وخلصت اكتشفت ان ثنائية اللغه يعنى كلشى يدرسونه بالانجليزى يردون يدرسونه بالعربى

وللاسف هالشغله قامت اتسويلهم خربطه يعنى اووووول مساوئ هالشى ان بنتى كانت تكتب اوكى الحين من دخلتها هالمدرسه قامت تكتب الانجليزى من اليمين لى اليساردخل كللللله على بعضه ... هذا غير منهج الدين راااااكضه فيهم ركضه تخيلى خلصوا الحين منهج اولى ابتدائى كله مادرى لى آخر السنه شنو بيكونون ماخذين !!!

انا مو ضد هالشغله بالعكس بس بالعقل هاذى كلها ياهل بثانيه روضه اللى كبرها قاعدين يلعبون واهيه ياعمرى عربى وانجليزى وعلوم ورياضيات ودين شكلهم بيخلصون جزء عم !!! وكلشى ياخذونه بالانجليزى يردون ياخذونه بالعربى !!! عقب كل هذا اشلون الياهل مايكرهه المدرسه ... انا سألت بالمدارس الاجنبيه مايسوون جذيه ... اهيه السالفه مو علشان اصير احسن من غيرى اقعد احشى بمخ هاليهال !!

حرام عليهم صراحه مصخره ... انا بنقلها نظام بريطانى احسنلها والحمدلله يدرسونهم عربى ودين نفس منهج الحكومه وحتى لو حسيت انها ضعيفه من هالناحيه انا راح اكون وراها ... اشدعوه احنا عاد اللى تخرجنا من مدارس حكومه مووووت بالعربى

 

[ReeMaN]

حبيبتى ام ضاري انا مادخلت ولدي مدرسه خاصه عشان اتكشخ فيه لا والله بالعكس انا كان يهمنى المعامله اولا قبل كل شي اللى اعرفه ان التعليم الخاص دام بفلوس اتوقع في تعامل احسن من الحكومه ودام ان هذا ولدي وحيدي مالي غيره والحمدلله ميزانيتنا تسمح ان ادخله الخاص ليش لا وثانيا انا نفس فكرتج عن مدارس ثنائية اللغه كنت احسب ان يشدون عليهم بالعربي والدين اثاريه خواره وصج نفس ماقلتى فرت راس ولدي صار مايستوعب وايد .... وزين سويتى انج تدخلينها البريطاني وايد مشددين من الامريكي والله يوفق الجميع

 

[أم ضارى]

شوفى ريمان انا لما سويت كعب داير على المدارس رحت النظامين البريطانى والامريكى ودخلت داخل المدارس والطلبه موجودين

صراحه مادرى حسيت بالامريكيه فيه تحرر اكثر يعنى فرى بس بالمدارس البريطانيه صج مختلطه بس ماحسيت نفس الاوليه تحسين فيه نظام

اكثر

 

[ReeMaN]

ام ضاري المدارس الانجليزيه اقوى من الامريكيه عندهم صرامه اكثر مع الطلبه ... الامريكيه يهتمون براي الطالب عندهم حرية الراي
الانجليزيه فيهم تشدد على الغلط وبالعكس هذا شي زين والله بس انا اهتم حق نظام التعليم بالfun اكثر وعندي دام ان ولدي تحت نظري واغرس فيه مبادئ الدين انشالله ماينخاف عليه

 

[أم ضارى]

ههههههههههههههههههههه مو هاذى المشكله لو على انا جان مشيه عيالى على الصراط المستقيم

المشكله انى قاعده فى بيت حموله وعيالهم شاقين القاع وكلهم صبيان ا كل طبع شين عيالى قاعدين يتعلمونه

علشان جذيه ابى ادخلهم نظام بريطانى يمكن يمكن اقدر انقذ مايمكن انقاذه ولاتقوليلى سيطرى على الوضع بالبيت وايد صعب مو بيدى للاسف

 

[كويتية أصيله]

قوة بنات أشلونكم ؟؟ آنا حولت أعيالي بعد أبتداء المدارس بشهر بس ما رحت التعليم الخاص كلش بس براءة ذمة من مدرستهم ولامانع من المدرسة الجديدة ونقلت ملفاتهم بإيدي بدون ما أروح التعليم الخاص بس أحتجت إني أودي الأوراق حق أبوهم بدوامه علشان يوقعهم ...

 

[ReeMaN]

ام ضاري الله يعينج على عيال الحموله صج صعبه وماتقدرين اتقولين او اتسوين شي حق الحموووله :0bee2e8d89:

 

[ReeMaN]

اختى كويتيه اصيله... اللي اعرفه ان يصير اتغيرين المدرسه من اولها وانتى اتنقلين الاوراق من البدايه مافي اى مشكله بس لهم وقت معين يمكن شهرين او ثلاث اداره المدرسه اهم ينقلون السجل واوراق الطلبه حق المنطقه التعليميه من جذي صعبه بنص الكورس النص ومثل ماقالت الاخت ام ضاري ماتحصلين مكان في المدارس القويه وانا مابي اتنقل بولدي من مدرسه الى مدرسه ابي مدرسه قويه اثبت فيها من جذي راح اصبر الى بداية السنه اليايه انشالله والله يعين الجميع

 

[أم ضارى]

قوة بنات أشلونكم ؟؟ آنا حولت أعيالي بعد أبتداء المدارس بشهر بس ما رحت التعليم الخاص كلش بس براءة ذمة من مدرستهم ولامانع من المدرسة الجديدة ونقلت ملفاتهم بإيدي بدون ما أروح التعليم الخاص بس أحتجت إني أودي الأوراق حق أبوهم بدوامه علشان يوقعهم ...

ايه صح كلامج بس عادى تنقلين عيالج من غير لامانع لى 31\10

عقبها ميصير تنقلين عيالج الا باذن التعليم الخاص

 

[أم ضارى]

ReeMaN

الله المستعان بعد شنسوى هاذى ضريبة الشهره