نقص في صفايح الدم

[جواهر23]

السلام عليكم

بنات انا بسالكم منو مرت عليها حالتي انا كله تعبانه بحملي وكل يوم دايخه وراسي يعورني وعندي مشاكل بالقلب اليوم طلعت نتايج تحليلي قالو صفايح الدم نازله وهذا مو زين لازم نتابعج خليتهم رحت الحكومه نفس الكلام قالو افتحي ملف لازم نتابع حاله الصفايح لي الشهر التاسع وانا بالخامس ونسبه الصفايح 100
عفيه بنات اللي مرت عليها حالتي وهي حامل تطمني لانهم ماطمنوني ومالها علاج طيب انا شنو وضعي الحين مافهموني هل هي ترتفع من نفسها او راح تزل كل ماقرب شهري لانني قالو علاجها كرتزون وانا حامل شلووون بنات انا تعبت نفسيته وحالتي الصحيه من اسوء لاسوء تعبت والله يابنات الحمدالله علا كل حال

 

[استغفر الله%]

شوفي ياقلبي انا دشيت عشان اقولج بأمانه شصار معاي بهالموضوع
انا بحمالي الاول والثاني قالوا لي في عندج نقص بصفايح الدم وكانت مراجعاتي كله بمستوصف الصليبخات قبل مايسكرونه
ولمن استفسرت عن معنى هالشي خصوصا وان شفت الدكتور وايد وجهه منخطف لمن شاف حالتي قالي (لا تخافين هالشي عشان نتايع حالتح ونسجل لج بالملف هالشي عشان وقت الولاده ممكن يصير معاج نزيف لان نقص الصفائح يخلي الدم يسيل فلازم نوفرلح دم وقتها والحمدلله ان اكتشفنا هالشي قبل ولادتج عشان مايصير معاج شي وتتضاعف الامور لا سمح الله)
المهم ماعطاني كرتزون ولا شي بس قال نبيج تسوين فحص الشهر الحاي نتايع حالتج وانا والحمدلله طحتلج بماي زمزم بنية الله يشفيني من هالامر خصوصا واني وااايد اخترعت بس عادي ظل معاي موضوع الصفائح اللي يقولون عنه بس ما أثر فيني بوقت الولاده نهااائي الحمدلله
وحتى بحمالي الثاني كان معاي نقص صفائح بس ماأثر معاي علا وقت الولاده
يعني طلع الموضوووع واايد عادي وسهل من فضل الله ومايحتاج ابدا خوف منج او رعب وتابعي مراجعات عاديواشربي ماي زمزم بنية شفاج وعشان تفتكين من هالكرتزون اللي قالو عنه وان شالله ماتحتاجينه ..بس ابطمنج ان هالشي وايد بسيط واذا كان فيج فهم بس حرصا علا سلامتج ومن مصلحتج يتابعون الموضوع لكن لا تخافين ولا شي من الامور الهينه ان شالله بس اهم شي لا تنسين ماي زمزم وسورة البقره يومي لان فيها بركه حيل لصحتج
والاه يطمن قلبج ويعافيج ويرزقج بالولد الصالح المعافي المشافى قولي آمين ياقلبي

 

[q8helwa]

لله يشافيج

 

[enta 3omree]

الله يشافيج و يتمم حملج بخير و صحه و عافيه

 

[جواهر23]

اختي استغفر الله اشكرج علا ردج الوافي والله اني متضايقه وريحني كلامج الحمدالله علا كل حال الله كريم

مشكورات خواتي علا ردودكم

 

[كـل الـغـلا]

عادي حبيبتي انا اعرف كذا وحده صارلها نفسج والصفايح كانت نازله
حييييل توصل ٤ و توصل١
وكان فترة حملهم وعطوهم كرتزون وماغيهم الا العافيه هم وبيبياتهم ولازم متابعه شهريه
عند مستشفى الحكومه
واذا نزلت مره ثانيه الصفايح تولدين بالحكومه لانه الخاص ماتوفر الصفايح
والصفايح حيل منتشره
والموضوووع عااادي جدا مايخوف انتي اذا رحتي اسالي الدكتوره عشان تتطمنين اكثر

الله يقومج بالسلامه ان شاءالله انتي وبيبيج*


تقبلي مروري

 

[جواهر23]

ماقصرتو بنات يعطيكم العافيه بلشتاراجع عن الحكومه واحد يقطني علا الثانيوالله يستر ياربي