نقص فيتامين دال حاد

[tmtmt]

السلام عليكم

ياليت الي عند معلومه تفيدني فيها

بنتي عمرها 3 سنين دايما تشتكي ريولها تعورها
تقوم من النوم من العوار
وصارلها فتره اظافرها تنشلع من النص ويطلع دم من غير شي
يا ايدها يا ريولها

سويتلها تحاليل
وطلع عندها نقص فيتامين دال حاد :eh_s(2):

ان شاءالله باجر بروح اشوف شنو علاجها
ياحياتي الكبار اسمعهم يقولون الابره تعور
شلون اهيا فديتها :eh_s(2)::eh_s(2):

بس منو يدري هل شي خطر وشنو اضراره ؟
وان شاءالله راح ترتفع ولا شنو ؟

ولي ماعندها معلومه لا تقصر بالدعاء


الحمدالله على كل حال

 

[ورود خذلتها العاصفه]

ياقلبي هي ماتشوف شر يارب
سوي سيرج بقوقل

وشووفي علاجه
والله ماعندي فكرة عن الموضوع بس حبيت ادخل ادعيلها

تكفيين طمنينا عنهاا باجر

 

[ام الحوراء زينب]

ماتشوف شر يارب الله يحفظها لج ويشافيها ان شاءالله
علاوي عطوه دوا 4 قطرات باليوم حق فيتامين دال
ودي نور شوفي شنو يعطونها وماتشوف شر يارب
واكثر شي خلي جسمها يتعرض حق الشمس احسن

 

[tmtmt]

ورود .. حبيبتي الششر ماييج ماقصرتي


زينب ... الله يشافيها ويشافي علاوي يارب
اي التحاليل وصلت متاخر خلص دوام الدكتوره ولا جان رحت الحين مافيني صبر
ان شاءالله خير

 

[فاقده ابوهاااا]

ترى نقص فيتامين دال بلوه على الكبار الله يعين الصغار عليه
انا كنت اعاني دوخه وسرعه بضربات القلب وضيق تنفس ولوعه وصداع وكل شي تتخيلينه والكل فسر علي كيفه لما اكتشفت انه من نقص فيتامين دال لان كان واصل عندي ١٢ تخيلي من ٣٠ والحين معطيني كورس ابر علي ثلاث اشهر كل شهر ابره حاولي تعرضين بنتج للشمس لفتره قصيره مع اكل السمج او زيت السمج وشوفي الدكتور اذا يعطيها ابر ولا تخافين من العوار علي حسب ايد الي تعطيها يعني انا اول ابره شقتني شق يومين ما اقدر امشي او انام بس هالابره عاديه والله يعيني علي الاخيره الشهر الياي

 

[زين ودلال]

خليها تتعرض للشمس بس خلتلبس جم قصير وشورت احسن

وفي ساعات معينه مو بكل وقت جنه الساعه 8 الصبح والساعه 4 العصر تأكدي

ماتشوف شر يااااارب سلامتهاا

 

[ام الدرر]

ياحياتي ماتشوف شر
لا تحاتين ان شاءالله مع العلاج تتحسن النسبة
حتى لو تعور الابرة مرة بالشهر وتكبر وتنسى​

 

[tmtmt]

ترى نقص فيتامين دال بلوه على الكبار الله يعين الصغار عليه
انا كنت اعاني دوخه وسرعه بضربات القلب وضيق تنفس ولوعه وصداع وكل شي تتخيلينه والكل فسر علي كيفه لما اكتشفت انه من نقص فيتامين دال لان كان واصل عندي ١٢ تخيلي من ٣٠ والحين معطيني كورس ابر علي ثلاث اشهر كل شهر ابره حاولي تعرضين بنتج للشمس لفتره قصيره مع اكل السمج او زيت السمج وشوفي الدكتور اذا يعطيها ابر ولا تخافين من العوار علي حسب ايد الي تعطيها يعني انا اول ابره شقتني شق يومين ما اقدر امشي او انام بس هالابره عاديه والله يعيني علي الاخيره الشهر الياي

اي هذا الي قاعده احاتيه الكبار قاعدين يعانون منه شلون اهيا حبيبتي
الله يسخرلها احسنهم يارب

وان شاءالله تعدي ابرتج على خير وتتحسن نسبتج وتفتكين

خليها تتعرض للشمس بس خلتلبس جم قصير وشورت احسن

وفي ساعات معينه مو بكل وقت جنه الساعه 8 الصبح والساعه 4 العصر تأكدي

ماتشوف شر يااااارب سلامتهاا

المشكله ان الحين برد
ما اقدر افصخها :eh_s(1):

بس ان شاءالله الظهاري اذا شفت الجو زين بقعد معاها بالحديقه بعد شسوي

الشر ما ييج حبيبتي

ياحياتي ماتشوف شر

لا تحاتين ان شاءالله مع العلاج تتحسن النسبة

حتى لو تعور الابرة مرة بالشهر وتكبر وتنسى​

اللهم امين الله يسمع منج
مشكوره

 

[امواج الكويت]

حبيبتي علاجه حسب الحاله وما اعتقد يعطون بنتج ابر حرام بيبي

شوفي لازم تعرضينها للشمس الساعه١٢ الظهر هذا افضل وقت

وصج صج الله يعينها لان كل شهر لازم يجيها يوم ركبها تعورها حيل

مع العلم انا عطوني حبوب مو ابر

 

[مواصله]

ماعليها شر ان شاءالله لاتحاتين باجر تروحين العياده وتطمنين ان شاءالله

 

[الريمـ اللعوبـ]

عااااادي لو تدرين بنتي كان عمرها شهرين وكانت تاخذ ابر فيتامين دال فديتها
بس شنوووو والله تغير حالهااااا
والحين كملت سنه وبروح للدكتور يصرفلها ابر فيتامين دال

ترا عادي والابر احسن حل للنقص الحاد
الله يخليها لج يااارب

 

[tmtmt]

حبيبتي علاجه حسب الحاله وما اعتقد يعطون بنتج ابر حرام بيبي

شوفي لازم تعرضينها للشمس الساعه١٢ الظهر هذا افضل وقت

وصج صج الله يعينها لان كل شهر لازم يجيها يوم ركبها تعورها حيل

مع العلم انا عطوني حبوب مو ابر

والله مادري اهيا قالت احتمال ابر
ان شاءاالله الي فيه خيره لها يصير ...

اي ياقلبي لما تقوم من النوم بسبة العوار قلبي يعووورني
الله يعينها يارب

عااااادي لو تدرين بنتي كان عمرها شهرين وكانت تاخذ ابر فيتامين دال فديتها
بس شنوووو والله تغير حالهااااا
والحين كملت سنه وبروح للدكتور يصرفلها ابر فيتامين دال

ترا عادي والابر احسن حل للنقص الحاد
الله يخليها لج يااارب

يا حياااتي وين فيها حيل

الحمدالله انها تحسنت الفال حق نور ان ساءالله

انزين ليش بتصرفيلها بعد
يعني مايروح على طول لازم بين فتره وفتره تعالج ؟

 

[tmtmt]

مواصله

ان شاءالله
تسلمين حبيبتي

 

[LA TROO7]

حياتي ماتشوف شر

كثري لها اكل سمك وسالمون وخل تتعرض للشمس مبكر مو الظهر ولاتهملين هالنقص لانه يسبب هشاشه عظام بعيد الشر عنها انصحج تروحين دكتور شاطر يتابع حالتها ليما يوصل الفيتامين لمعدله الطبيعي انصحج بمحمد سعيد شااااااااااااااطر هالانسان

 

[منصـ1981ـورية]

هلا أختي ..أولا ما تشوف شر بنتج .. والله يعافيها يا رب ..

وثانيا.. المشكله مب بس الصغار حتى الكبار فيهم نقص فيتامين د ,, حتى أنا فيه نقص في هالفيتامين وأونه الدكتوره .. لأنكم ما تعرضون عماركم للشمس .. أقولها نحنا من صغرنا ونيلس في الشمس ومحد كثرنا يلس...

بس أنتي لا تخافين ما أعتقد بيعطونها ابره .. لأنها بعدها صغيره .. تدرين حرمة أخويه تيها نفس أعراض بنتج .. وألحينه تاخذ كورسات العلاج بالإبر .. وتقول على كثر الابر والحبوب ما يرتفع معدل الفيتامين عندي ...

عالعموم .. أفضل فتره تيلسين بنتج في الشمس من الساعه 8 لين 11 ،، ومن الساعه 4 العصر لين قبل المغرب .. بس لا تيلسينها في الشمس من الساعه 12 لين 3 الظهر .. لأن الشمس وايد تكون قويه .. حتى لاحظي العمال ما يخلونهم يشتغلون هالفتره..

 

[tmtmt]

لا تروح

لا ان شاءالله اكيد ماراح اهملها حدي خايفه اصلا
واهيا متاذيه حبيبتي ايدها تعورها ووصل العوار لي اسنانها وحلجها

اي اسمع ان شاطر
بس رحت عند سعاد البصيري هم شاطره وواثقه فيها من واهيا سهور دكتورتها

وان شاءالله اسوف تحسن


منصوريه

حبيبتي الله يعينج ويعينها
اي نفس الكلام قلناه عن الشمس
معنى بالصيف اهيا كله مفصخه حفر وشورتات
بس الظاهر مانطلع بالشمس ..

وامبلى عطوها ابره
حبيبتي ماتت من البجي
ويوم الاحد بعد ان شاءالله ابره + فيتامينات على مانعيد التحليل
وان شاءالله تكون النسبه مرتفه

 

[يارب احفظ عيالي]

لا حبيبتي لاتسمعين كلام احد الابره ماتعور عاديه مثل كل الابر وبنتي عطوها ابرتين من فيتامين د والحمدلله صارت اوكي مع متابعة العلاج لاتحاتين لا خطير ولا شي وانشالله مجرد انها تاخذ الدوا بتتشافى باذن الله ي قلبي


عسى ربي يشافيها ويعافيها

 

[tmtmt]

يارب احفظ عيالي

حياتي مشكوره الله يطمن قلبج مثل ماطمنتيني

 

[صديقت قوقل]

الله يشفيييييييييييها عاجل

 

[الشيخه فطامي]

خليها تتشمس الشمس فيها فيتامين د بس مو تاان

ربي يشافيها انشالله