نقص بصفايح الدم وانا بالتاسع

[sweet 30]

السلام عليكم اشلونكم خواتي

انا حامل بالتاسع وهذا ثاني حمل لي الحمد لله بحمالي بولدي الاول مااشتكيت من شي بس الحين من وانا بالثامن عندي نقص بالحديد ونقص بصفايح الدم الحين انا بأول التاسع الحمد لله الحديد ارتفع بس الصفايح قاعده تنزل زياده والحين اهيا 111 وراس البيبي فوق والدكتور قالت لازم قيصري فحولتني دكتوره دم بالولاده قالت نخاف من النزيف وانا يابنات باجر الصبح بروح دكتوره الدم وحدي خايفه يابنات عفيه منو صار فيها نفسي تطمني
واللي ما مرت عليها هالحاله ابي منها دعوه والله محتاجه دعائكم حيل :eh_s(2):
وشي ثاني ابي دكتور شاطر بالسلام اذا تعرفون دلوني عليه وجزاكم الله الف خير

 

[sweet 30]

اشدعوه بنات ولا رد انزين دعوه على الاقل

 

[*الغاليه*]

ربي يقومج بالسلااامه ويكون بعونج

وان شاااء الله سهالااات ​

 

[الـخـشـفـ الـنـداويـ]

الله يشافيج
اللي اعرفه عن الصفايح ان اذا نزلت يعطونج كياس بلازما ولد خالتي جذي يقعد اسبوع بالمستشفى يعطونه جياس لما ترتفع

 

[غرام القمة]

باذن الله مافيج الا العافيا ولا تفكرين الله يسهل عليج ويقومج بالسلامة
يارب تقومين بالسلامة ويجعل ولادتج هينة ولينة

 

[sweet 30]

جزاكم الله خير وماقصرتو بعد شوي بروح موعدي مع دكتوره الدم وبشوفها شنو تقول الله يريح قلويكم ويرزق كل وحده منكم اللي يتمناه قلبها

 

[sweet 30]

اب اب

 

[فرح79]

حبيبتي نفس اللي صار معي بالضبط باخر حمل لي وولدت بالسلام عند الدكتور عمرو عصام وما خطرني ابدا وقالي اني تعاملت مع كتير حالات بنقص الصفائح والحمدلله ولدني طبيعي انصحك فيه بشده

 

[Katkoota85]

حبيبتي الله يشفيج يارب وبقدرته يتعدل دمج ويصير طبيعي يارب وان شاءالله تولدين وتقومين بالسلامه والله يسهل عليج يارب
اللي اعرفه تاخذين حبوب فيروز وفوليك اسيد..
اكلي فلفل اخضر وايد ماشاءالله يعتبر جيس دم وبسرعه يزيد دمج
وعندج بعد الشمندر اكلي منه وايد
شربي عصير برتقال
والله يسهل امرج ويشفيج وتقومين بالسلامه ان شاءالله

 

[Katkoota85]

اممم ذكرت بعد التوت يرفع نسبة الدم بسرعه
تلقين بالجمعيات عصير توت اسود اخذيه وان شاءالله مافيج الا العافيه