نقشت ايدي وصبغت حواحبي ... ليش جذي

[Al.jabriya]

مرحبا بناتي

عساكم بخير ...


بنات بقولكم سالفتي انا رحت امس الصالون نقشت ايدي النقش الى هابين فيه البنات الحين
(( الدوسوس ))


شكله طلع روعه ويهبل والكل امدحه والبنات الى معاي بالكليه شكثر سالوني عنه


بس ينعاف هالمديح ...

شوفوا شصار بايدي الليل كله ما قدرت انام من الحكه ونتفخت وقلبت حمره وكله حبوب صغار لما قعدت خدي كله

احمر ما قدرت احط مكياج لدوام ... انا الى مو فاهمته خدي شكوا بأيدي يصير احمر ويحكني


وصارت فيني هالسالفه لما صغت حواجبي مره وحده سويتهم بس قبوو حب وتقشرو


الموهيم رحت اليوم الطبيب وعطاني ابره وحبوب حساسيه والفاكورت ...


بنات شسوي احب النقش شنو الحل اذا بنقش مره ثانيه ولا اذا تزوجت بنقش ...؟

انا ولا مره صبغت شعري شلون اذا بصبغه الدكتور قالي لا تصبغين خرعني يقول عندج حساسيه من هالشغلات ؟؟؟ خاطري اصبغ شعري عسلي ؟

هاذي صوره نقشتي روعه باليد تهبل شرايكم ؟؟؟؟​

]

 

[vooom]

ويييي الله يعينج ماتشوفين شر
خالتي مره اصبغت حواجبها وصار فيه جذي

 

[ام الدرر]

حبوبة اخاف حاطين مع الحنة مواد كيميائية سببت لج الحساسية
حطو بالجرايد قبل جم يوم وحدة صار لها نفسج
ورجعت للصالون بتاخذ عينه من الحنة وردحت لها راعية الصالون
وراحت المخفر سوت قضية لانه ايدها ورمت وحاشتها حكة قوية
الصبغة اذا بتجربين صبغي خصلة صغيرة من القذلة
وماتشوفين شر



​

 

[منار البربرية]

رد : نقشت ايدي وصبغت حواحبي ... ليش جذي

صديقتي مره شقرت حاجبها وانتفخ وجههها كله سبحان الله اخترعت منها همن طلع فيها حساسية

جسمج حساس من المواد هذي اللي يحطونها خاصه التشقير يفشل ومااحس اللي تسويه نظيفه مع احترامي للي يسوونه بس مستانسه صابغتهم فاتح ؟؟

بالنسبه حق الحنه ترى يحطون فيها مادة مثبته للون والله اعلم

لان الحنه طبيبعية والكل ينصح فيها بس شوفي شحاطين
ويمكن من عيون البنات ارقي نفسج
مايذكرون الله

ديري بالج على نفسج حبوبه
حافظج الرحمن ​

 

[[[ عيون جابر ]]]

اي فيج حساسيه من الحنه والتاتو انا مرت اخوي جذي من تحط على حواجبها يقب ويها احمررررررررر

 

[كووويتيه صريحه]

عادي يمكن حساسية من بعض المواد اللي فيها التركيبه

طالما ما ضرت الكل بس انتي اكيد انتي بشرتج حساسه الله يعينج

وقفيها يبا لاتخاطرين بنفسج واستبدلي النقش والصبغه بشي ثاني

 

[Al.jabriya]

الله يعين والله حدي متضايقه منه ... البنات خرعوني يقلون يبقا له اثر باليد

 

[توتا الكتكوته]

لا يا قلبي انشالله يروح ​

 

[Al.jabriya]

ان شاء الله الله يسمع منج حبوبه ... تسلمين ع هالرد

 

[Al.jabriya]

بنات ايدي تعورني ما قادر اسكرها شسوي ... عفيه الى عندها كريم وحلوو ولا اي حل اسويه عشان تروح


بليز تساعدني وراي دوام ما اقدر ادوام بهالحاله ... الله يوفقكم

 

[ردة فعــــل]

رد : نقشت ايدي وصبغت حواحبي ... ليش جذي

ياحبيبتي هذي عين احد صاكك عين بس اقري على نفسك وشوفي وشلون تتحسنين الناس مايعطون خير

 

[brat]

حسافه مو طالعتلي الصورة

يمكن من المواد الكيميائية اللي فيها، ببريطانيا مانعين الحنه السوده! وودي أعرف السبب

أو إذا مو على طول صار فيج هالشي، يمكن مثل ما قالوا البنات عين، اقري على روحج والله يشفيج إنشالله

 

[انسه^دراقه]

حبيبتي نفس الشي صارلي بايدي سويت حنه الدسوس وسويت حواجبي صار فيني حكه واحمرار وحواجبي قامو يتقشرون سويتهم عند الشرقيه والدكتور قالي حاطين وياه اوكسجين عشان يثبت اللون والله ايدي قبت بشكل مو طبيعي وانا مو اول مره انقش بس اول مره عندهم