نقاش حول كتاب السر ...

[نجوم الظهر]

بنات طبعاً الأغلبيه قرا الكتاب اللي سوا ضجه بالعالم
والكويت من أكثر الدول اللي اهتمت بالكتاب ...
أبي أعرف اللي قرت الكتاب اقتنعت فيه ...؟؟؟!!!
اللي اقتنعت فيه وطبقت التمارين...؟؟؟ لقت نتيجه...!!!؟؟؟
واللي ما اقتنعت و ماطبقته ليش ...؟؟؟ شنو السبب...؟؟؟

أول شي بقولكم رأيي وبصرااااحه
آنا قريت الكتاب وما قتنعت فيه وايد ...حااااولت أطبق ماااا صاااار شي ...

أعتقد الكتاب أخذ دعاااايه أكبر من حجمه​

 

[غرشوبه]

شوفي انا نزلته من النت تخسرت اشتريه

المهم قريت الفصل الأول والثاني واحس كلام منطقي الى حدا ما ويقابل تعاليمنا الاسلاميه في قول الرسول صلى الله عليه وسلم : تفائلوا خيرا تجدوه

بس تكاسلت اقرى الباقي ان شاء الله باجر ابتدي اكمل قراءة الفصول الباقيه

دمتِ بود

 

[دلع السلاطين]

انا بصراحه من كثر ماشفت ضجه من ورا هالكتاب صار عندى فضوول اقراه
لكن لحد الحين ماشريته

وياريت وحده تقول لنا شنوو فيه

 

[لولي**]

انا للحين ماقريته نزلته من النت
بقراه وارد لكم

 

[SupeR-GirL]

انا شريته واقتنعت فيه حلو الموضوع
بس ما حسيت انه في نتيجه يمكن انا ما طبقته عدل!!

 

[سكارلت]

ماقريته ولا عندي نية اقراه اللي بيغير نفسه

وجاد يتوكل على الله ويبدا يغير نفسه ويطور فيها ويعدل مثل مايبي مو ينطر كتاب عشان يتسنع!

 

[نجوم الظهر]

شوفي انا نزلته من النت تخسرت اشتريه

المهم قريت الفصل الأول والثاني واحس كلام منطقي الى حدا ما ويقابل تعاليمنا الاسلاميه في قول الرسول صلى الله عليه وسلم : تفائلوا خيرا تجدوه

بس تكاسلت اقرى الباقي ان شاء الله باجر ابتدي اكمل قراءة الفصول الباقيه

دمتِ بود

حبيبتي غرشوبه اللي فهمته من الكتاب مو بس تفاءلوا خير تجدوه...!!! ساعات ان الشخص يجذب لنفسه السوء بسبب تفكيره... !!!​

 

[نجوم الظهر]

انا شريته واقتنعت فيه حلو الموضوع
بس ما حسيت انه في نتيجه يمكن انا ما طبقته عدل!!

صااااجه SupeR-GirL ماكو نتيجه...!!!!​

 

[نجوم الظهر]

الظاهر ان محد قااااري الكتاب...​

 

[flowers_q8]

انا قريته وعجبني وايد وغير نظرتي بس الكلام هذا موجديد احنا دينا الاسلامي سابقهم
بس حلو الكتاب وايد غيرني
تفاءلو بالخير تجدوه
يستاهل القراءة

 

[mimi_el3so0ola]

انا نزلت الكتاب من النت ^__^ بس والله ليلحين ماقريته !!

 

[q8q]

شنو هالكتاب ماسمعت عنه ممكن تشرحون لي ؟

 

[y7lok_7loho]

انا ما عارف شنو ها الكتااااب والى تقول نزلتة من النت ؟؟؟؟؟؟ اى موقع ؟؟؟ وعن شنو الكتااب يتكلم ؟؟؟​

 

[ghalaty]

انا بعد ابي الموقع بلييييز

 

[gazl~q8]

اول مرة اسمع بالكتاب>>يمكن انا مو بالدنيا

 

[نجوم الظهر]

mimi_el3so0ola

q8q

عمشة بنت تراحيب

ghalaty

الوردة الخجولة

إقروا الكتاب وقولولي رأيكم

تلقونه بمكتبه جرير
22661080​

 

[نوسة الننوسة]

انا قريت الكتاب 3 مراااااات..ولا ااااااا..شفته على اليو تيوب..انتي حطي بقوقل ..the secret...وبيطلع لك يوتيوب اول عشرين دقيقة من الفيلم بيتكلمون فيه الدكاتره والعلماء عن السر !!!...لاني ما انكر اني استمتعت في قرآءته وطبقته مرتين على زوجي وصار اللي تخيلته بس مو متاكدة هو منه والا صدفه!!!!....والمرة الثانيه مع زوجة حماي وتخيلت او تمنيت انها راح تحبني وتتحسف وتجيني نبتدي صفحة جديدة بس ماااااااضبطت ثاللث يوم ضارب الانبير عندها !!!!!!!!!!!!!!!!!!!!!!!..حتى خفت اطبقة عليها مرة ثانيه ولا حتى افكر فيهاااااااااااااااااا!!!!!!!!!!!...بس والله بالنسبه لي احس يستااهل المحاولة...

 

[vogue grl]

انا قريت ربعه وعجبني وايددددد
وبنات اذ تبون احسن من جذي شرح مفصل دشوا يوتيوب وكتبي قانون الجذب ويطلع لج دكتور صلاح راشد يشرحه لج وانا جد ستفدت وتحمست
الي فهمته منه الكتاب انه عسان تجذبين الي تبينه اول شي
تستشعرين انج حصلتي عليه وتصدقينه وبجذي تجذبينه لج
وانه المشاعر تتحد مع الفكر يعني لا يكفي انه تفكرين بلشي الي تبينه لازم اول شي المشاعر" ثم الفكر وبعدها تجذبينه طبعا مو اول ماتسوين جذي تجذبينه على طول لووووول لازم تعيشين مع هل شي طول حياتج وبتلقين انه بتصيبين وهل شي مو يعني له فتره موعينه وتصير لا
(لا يكفي ان تفكر بشئ لتجذبه بل يجب ان ترتبط مشاعرك بلشئ ايضا)
(اربط مشاعرك بأفكارك لتجذب ماتريد)
(في قانون الجذب تخبرك انه اولا تحصل على المشاعر ثم تحصل على الذي تبتغيه)
قـــــــولي لنفسك لو صار كل الي ابغيه شنو راح اشعر واهني تستشعرين انه حصلتي عليه وتمشين فكرج انج اخذتيه صج وخليج على هذا طريق وتلقين الي تبغينه بس هاا لازم تصبرين
اذ كنتي بينك وبين نفسك تشكين بلقانون فا ماراح يصير لازم تؤمنين فيه عشان يطلع مفعوله "
الانسان مثل مغناطيس

 

[vogue grl]

مثال :لمن الواحد يكون يائس يبي يتزوج او يبي وظيفه
هذا اكبر معيق للحصول على مايريد الانه شعور اليأس راح يجذب لي اليأس" فا لمن تطلبين شي موبطريقه يائسه او طريقة تحسين وتفكرين انج محرومه الانه بيبلج الحرمان خليج طبيعي"
سؤال شنو تفكرين فيه معظم الوقت الانه يصاحبه شعور ايضا مما يؤدي الى جذب مانتي عليه الان"
وابدا لا تبتعدون عن سلبيه لمن تفكرين انه ماينفع معاج القانون وقفي هذا شعور سلبي في الحااااال شلون اعيدي ذلك بأن تستشعري انج حصلتي عليه"
شعورك بلحرماان واليأس وسلب يعــــــــــــوق جذبك لما تــــــــــريد"

 

[vogue grl]

حجي هذا يبته من كتاب ومن دكتور صلاح راشد في شرحه للقانون