نفس الافلام بالضبط..يلحقني وعرف رقمي.. بديت اشك بكل الناس !

[caramil]

قوه بناااات..

بصراحه صاايرتلي سالفه امصرقعتني امخليتني 24 ساعه افكر..

من فتره يعني بو شهر جذي...رحت الفنار مع اختي كنت امواعده رفيجتي هناك بندش فلم
المهم مالحقت على الفلم قلت خل اتمشى ومره وحده بشتريلي نفنوف حق ملجة رفيجتي..

المهم وفجأه صادفني وااحد بويهي صوب الاسنسير..وكان هدوء والمكان فاضي ومافيه
الا انا واختي...

انا طبعا ماشفت ويهه بس حسيت بوجوده وشفت ريوله يمكن..
مسكت ايد اختي علشان نطلع من المكان لأنه شبه فاضي ويخرع...
جان يقوووولي " إنتــــي " !!!!..

ومادري شقال ماسمعت ..انا عبالي قط كلمه او تطنز على شي..اانا بهالحالات انصمخ

المهم ظل ورااانا جان ادش الحمام قلت خل اطول يمكن يزهق ويذلف..طولت شوي
طلعت ولا اهوا وراي... خفت احد يشوفني جذي..دشيت مااك ..قمت احوس واهوا واقفلي
ينطرني ..والمشكله مادري ينطرني ولا ينطر اختي..

ما اطول عليكم طلعت دشيت محل ثاني جااان يدش المحل واييي يمي حيييل جدام الناس..جان
يقولي سمعييني امااااانه عطيني مجال امانه..ويحن ستين ألف امانه وامانه..جنه ياهل
ساعتها شفت شكله عدل شكله مو ياهل يعني بداية الثلاثينات اواخر العشرينات هالحروه

يقولي والله بس رسااايل والله..قصده مسجات انا هني يتني الضحكه..قلتله تكفه وخرر وصرخت
وبعدين يعني... جان يقولي انا 4 مرات اشوفج بالافنيو هالمره تكفين بس سمعيني

انا 24 ساعه بالافنيو هني وقف قلبي... وخرت واختي زفته قالتله والله ايمع عليك الناس الحين
اهوا تم يحوس جان يقولي انا برووووح بس راح تشوفين راح اوصلج..

انا تميت متصرقعه مخترعه حدي بعدين كلمت وحده من رفيجاتي قالتلي الشباب اهما هابين
بهالحركه يقولج انا شايفج وايد علشان تفكرين المهم طلع الموضوع من رااسي

توه من 3 ايام ياني مسج من رقم غريب.. وانا ناسيه الموضوع هذاك...
كاتبلي ( شفتي الكويت صغيره) انا هبله عبالي وحده من رفيجاتي قلت اكيد صاير شي
او طلعت تصير لي او او او خاطبين وحده من اهلهم او ناس من اهلهم امناسبينااا

دقيت على طول ..ولا واحد !! جان اقول منو ؟! قالي : انا اللي ذاك اليوم يوم الفنار يوم
وستين الف يوم و يوم ..وطول السالفه واهي قصيره
هني انا صبت عظامي..

من وين لك رقمي ياولد الحلال ..ابد يقولي سمعيني للآخر..ماعطيته مجال اخترعت
رقعته بويهه..

انا واايد صايره اخترع من هالسوالف لأن يتني فتره بحياتي كان في شخص من اطلع من الكليه
اشوفه وبكل مكان اشوفه ويوصلني البيت مايقصر كاك..
بعدين اكتشفت ان رفيجتي يامالها الويعه تكلم واحد وكانت امواعدته وانا من قرادتي
كنت معاها وهذا رفيجه ..وعطته رقمي وامصورتله جدولي مال الكليه..

وقلت حق ابوي هالسالفه وتسكرت من زمان..

بس هالمره شسوي !!
وبيني وبينكم كل اللي يلحقوني احسهم يهالو ..الا هذا احس جد في شي بيقوله..
بس هم خايفه انخدع ..! واساسا مابي اعطيه مجال ..

نصيحتكم يابناات

 

[ana 7elwa]

والله حياتي ما ادري شقول ولا افيدج بشي

نفس حالتي واحد يبي الا يكلمني وانا رافضه وحيل ادقره بنفسه بس مو راضي يفج كلش

ويقولي تذليني ليش احبج لوووول قلت له من قال لك تحبني خخخ

 

[هيا البرقاوي]

رد : نفس الافلام بالضبط..يلحقني وعرف رقمي.. بديت اشك بكل الناس !

يعني امانه تقولين شرايكم بنات وانتي اكثر وحده تدري ان الموضوع هذا ان انفتح ماراح يتسكر الا بفضيحة او مشاكل والله يبعدج عنهم نصيحة لج اختي غيري رقمج ولاتردين عليه اذا شفتيه باي مكان او صادفتيه واذا تمادى اكثر بلغي اهلج ...سدي الباب هذا من البداية يمكن مدزوز لان بعض الرفيجات انتي تعتقدين انهم رفيجاتج ويحبونج لكن للاسف تنخدعين فيهم ولاتستبعدين عنهم يدزولج شباب .. انا نصحتج والخيار لج ... وتعقيبا على كلامج "وبيني وبينكم كل اللي يلحقوني احسهم يهالو ..الا هذا احس جد في شي بيقوله " اذا عنده شيء يبي يقوله يدز مسج يبلغج مو شرط يكلمج .. واذا اهو معجب يطق الباب الله لايهينه ..

 

[!! شوق !!]

ديييييير بالج يوسوس لج الشيطان وتطيعينه
دام وصل لرقمج يقدر يوصل بيتكم ويطلبج بالحلال ..
ولا يقعد يقولج اتعرف عليج واشوفج وارتاحلج وبطيخ

الحمدلله عندنا خطبه تقدرين تقعدين معاه بوسط اهلج وبالنور ..

 

[caramil]

رد : نفس الافلام بالضبط..يلحقني وعرف رقمي.. بديت اشك بكل الناس !

اي والله صاجه انا اختي تزوجت صغيره .. بعد زواجها بأسبوع ياها مسج من رقم غريب كاتب لها افا فلاانه ماعرفتيني
( كاتب اسم اختي ).. اختي اشوه من البدايه دخلت زوجها بالموضوع ...وكلم الريال..وطلع مدزوز..

بس انا ماظنتي في احد من البنات بيسوي فيني جذي حركه..!! شمصلحتهم !!..

وبعدين رفيجاتي واااايد بس قليل اللي يعرفون رقمي او اللي اتواصل معاهم بالتليفون يعني انا ما اثق بأي احد
تليفوني مافيه الا جم رقم واهلي..!! هذا اللي امخليني 24 ساعه افكر ..:s

 

[caramil]

رد : نفس الافلام بالضبط..يلحقني وعرف رقمي.. بديت اشك بكل الناس !

والله مادري خرعتوني زياده

اهوا بروحه يخرع ليش انه كبير ...وشطووووووووووله

انا يمه جني نمله :s الله يستر علينا وعليكم يمعووودين زمن يخرع والله

 

[*** كويتيه ***]

ديري بالج اختي وكلمي اهلج بهالموضوع خل يعرف ان وراج اهل واذا يبيج صج يكلم ابوج ويخطبج هذا مبين عليه
يبي يتسلي وقفيه عند حده وخل اخوج او ابوج يكلمونه لاتسكتين باجر يتمادي الله يكفيج شر هالعالم
​

 

[الليدي ديانا]

رد: رد : نفس الافلام بالضبط..يلحقني وعرف رقمي.. بديت اشك بكل الناس !

لو يبيج صج جان طق باب بيتكم

كلمي ابوج عشان يتصرف وياه

 

[FeShinGoOo]

حقير ..

ماتوقع بيرضى هالحركات بخواته ليش يرضاها عليج ؟؟

وانتي تقولين بالثلاثينات يعني ريال يعني الي بسنه لازم متزوج

يعني مثل ماطلع رقمج المفروض مطلع رقم ابوج وخاطبج منه ....

خيولي لاتعطينه مجال هاذا مدام عادي عنده يدق ويلزق فيج جدام الناس لاحيا ولا مستحى شكله بايعها ومتعوده على هالحركات ديري بالج منه لا يتمادى ويسويلج اشياء اخس

 

[Tutti-Frutti]

لا تعطينه ويه
اذا عنده شي جدي ويبيج بالحلال مو خرابيط فـ مثل ما قدر يوصل حق رقمج يقدر يوصل حق بيتكم

 

[~ FOOSY ~]

رد : نفس الافلام بالضبط..يلحقني وعرف رقمي.. بديت اشك بكل الناس !

حبيبتي مالج شغل فيه ولا تعطينه مجال كلش ،، مثل ماطلع رقمج يقدر يطلع رقم ابوج ويخطبج ..


ديري بالج شكله هاذا يتسلى لان شي اكيد ماراح يرضاها على اخته ..


كلمي ابوج خل يوقفه عند حدده ..


والله يوفقج حياتي دنيا واخره ..!

 

[Ƒɭσωȩʁ]

رد : نفس الافلام بالضبط..يلحقني وعرف رقمي.. بديت اشك بكل الناس !

مادري شقولج
يمكن كلآمه صج ومعجب فيج ويبي يخطبج
بس انتي جذي ولا جذاك ماتردين
ودخلي ابوج بالسآلفه
ولآتردين على ارقام غريبه كلش كلش كلش

 

[كلنا نحب الكويت]

اب اب اب

 

[Remember-Me]

رد : نفس الافلام بالضبط..يلحقني وعرف رقمي.. بديت اشك بكل الناس !

شلون طلع رقمج وهو مايعرف اسمج ؟ بصراحه اكيد انه احد دازه ديري بالج ولاتعطينه وجه واهم شي بلغي اهلج
الله يستر عليج

 

[رآء يآء ميم]

انتي تسالين شلون طلع رقمك ؟؟؟

انا اقولك شلون طريقه حيل سهله .

انطرك لين خلصتي من الفراره بسوق لووول

و رحتي صعدتي سيارتكم

وخذا رقم السياره وطلع رقمك

ترا هذي الطريقه قديمه ومكشوفه ثلاث ارباع الشباب يسونها

لا ويقدر يطلع عنوان بيتكم

 

[قطيووه^_^]

نصييييييييييييييييييحه

علمي ابوووج

 

[bitter-sweetness]

حبيبتي دقي على هالرقم و بلغيهم
وخل احد كبير من عايلتكم يدري عن الموضوع
اخوج امج ابوج اي احد بس لازم احد يعرف كل التفاصيل

25623888
هذا رقم أدارة المباحث الجنائيه

http://www.q8yat.com/showthread.php?t=620324

 

[عجميه ولي الفخر]

رد : نفس الافلام بالضبط..يلحقني وعرف رقمي.. بديت اشك بكل الناس !

حبيبتي اذا يبيج يطق الباب ..والولد اذا يبي يكلم بنت يقولها

 

[amoona89]

علمي ابوووج
قبل لاتكبر الساالفه ويقووم يطلع لج سواالف انتى في غنا عنهااا

 

[Dousreya90]

رد : نفس الافلام بالضبط..يلحقني وعرف رقمي.. بديت اشك بكل الناس !

قولي حق أبوج دام السالفه توها صايره لا بعدين يطلع عنج حجي انتي غنيه عنه و يكبر السالفه