نفسيتي صفر.......................................

[miss-sarona]

شلونكم بنات انا امس كان موعد دورتي سويت اختبااار حمل وماطلع شي :0bee2e8d89: انا سويت اختبااار تبويييض طلعلي خطيييييييين يوم 27 من الدوره يعني تبويضي متأخرر في احد صاااار معاااااها جذي وطلعت حامل؟؟؟؟ يعني تبويضي كان متأخر بس اليووم عواااااار فبطني عوارض الدوره

 

[ماي الورد]

انشاء الله الامور كلها تتغير وتكونين حامل يارب العالمين

 

[miss_lymoona]

مادري حبيبتي بس انشالله تكونين حامل
انتي دورتج تتاخر من قبل؟

 

[كـ غلا ــلي]

بنات اشلون تعرفون يوم التبويض انا حدي ميح اب هالسوالف بس اللي اعرفه الحسبة من اول يوم الدوره

تعدين 14 يوم هاذا اذا الدوره 28 لكن مرا تتتاخر يوم او ايسبوع اشلون تعتبر منتظمه ولا لا وشنو الشريط هاذا

وايد اسمع بنات المنتدى يستخدمونه اشلون طريقته ومتا اقدر استخدمه ربي يرزقها الذريه الصالحه اللي بتجاوبني

 

[miss-sarona]

والللللله زهقت من كل شي احس نفسيتي اكس انا دورتي يومين تتأخر او تجدم ساعات بس اهيه تعتبر ونتظمه مالي خلق اسولف مع احد احس ان كله بتهاوش صايره ما استحمل شي

 

[كـ غلا ــلي]

والللللله زهقت من كل شي احس نفسيتي اكس انا دورتي يومين تتأخر او تجدم ساعات بس اهيه تعتبر ونتظمه مالي خلق اسولف مع احد احس ان كله بتهاوش صايره ما استحمل شي

الله كريم تدرين انا صرت عصبية واايد والسبه اني كل مره تتاخر عبالي حمل ولا يطلع الهرمون مرتفع واموت قهر

اكتشفت الحين ما افكر واايد عشان ارتاح واقدر اعيش ودي بياهل حدي الله كريم

 

[miss_lymoona]

سارونه حبيبتي طولي بالج وهدي عمرج وادعي ربج
مو زين جذي انزين قوليلي صارلج جم يوم متاخره الدوره؟
واشكثر صارلج متزوجه؟فيج تكيس ولا لا؟؟
ادري قرقت وايد
انصحج نطري يومين وحللي دم لان التحليل المنزلي مايبين ومو اكيد

 

[miss_lymoona]

انا تصدقون ماافكر يالحمل الا اذا تاخرت علي الدوره اما باجي الايام عادي اعيش حياتي ولا افكر الله كريم
واي الدوره تبط الجبد اذا تأخرت تلعب بالنفسيه
بس تصدقون مرات الوحده المفروض ماتتضايق وايد اذا يتلها الدوره المفروض تقول الله كريم
وتقوم تسوي استشوار بالصالون وا حط صبغ اظافر يعني تكشخ هالايام لان مو طاهره عادي كل شوي حاطه مكياج وكاشخه
لان ماراح تصلي هالايام يعني تغيير لها

 

[كـ غلا ــلي]

والله كلامج عدل بس تدرين ما تطلع هالحلات الا اذا سمعتي فلانه حامل و اهيا متزوجه معاج ولا بعدج

وتنقثين مو عن شي ولا حسد بالعكس الله يهنينهم بس اللي اقصده انه شي يحز الخاطر الا ما يطلع

شي يذكرج بمأساتج حتا لو سوال من الحريم : هاا لين الحين ماسويتوا بيبي خو اشيبيله لا اهيا كيميا ولا شي

كله اسمع هالحجي واقول اي والله اهيا كيميا صج مرات ناس ما تحسب حساب لمشاعر غيرها .. ما اقول الا الله كريم

 

[miss_lymoona]

الله كريم انشالله

 

[miss-sarona]

انا صارلي سنتين ونص انا متأخره علي يوم واحد وسويت تحليل منزلي ما طلع شي واللللللله لاعت جبدي ام ريلي ذيك اليوم فشلتني جدام بنت رفيجتها قالت ان حدي متشفقه على اليهال خو جنتها مصنعها خربااان شنو علبالهم الناس ما عندهم مشاااااعر واللللله حدي انحرجت بقيييييييييت ابجي انا شنو بديني اسوي وحتى ذيك اليوم عطيت حماااااي عطر المهم جااااان تقووول حق حمااااي ادعي حق اخوووووك اللللله يرزقه عيااال وجداامي والللله كسرت خااااطر نفسي بجييييييييت ورحت الحمام

 

[miss_lymoona]

حبيبتي لاتستعيلين متأخره يوم عادي وتحاتين انا متاخره 3 ايام ومو حاطه امل عشان لا انصدم
وام زوجج كلميها قوليلها انها تحرجج او كلمي زوجج اذا كلمتي زوجج شنو يقولج

 

[WaChoCha]

مس سارونة ... يا حبيبتي خلي املج بالله كبير وتفائلي خير وادعيه واطلبيه..... انتي واحنا كلنا وياج في اختبار كبير من رب العالمين وتاخر الانجاب يمكن فيه خيرة لنا وحكمة ما نعلمها........ عسى ربي ما يردج خايبة ولا يرد لج طلب ويرزقج باحلى ذرية بالدنيا

وبالنسبة حق خالتج اشعرفها ان فيج العلة ... يمكن لا سمح الله العلة بولدها .... بيني لها بطريقة ذربة وبنفسية حلوة ان السبب قد يكون من ولدها موشرط انتي يمكن بهالطريقة تخف عليج وما تنقز بالكلام ......... واذا قالت كلمة ما عجبتج قولي لها انتي مثل امي ادعي لي ويا ولدج بصلاتج ان ربي يرزقنا ........... صدقيني حبيتي النفسية تلعب دور كبير بالحمل وانتي منتي ناقصة تتاثرين وتتاثر هرموناتج

تذكري دائما ان الله سبحانه اهو الطبيب المعالج وباقي الامور اسباب .اكثري من الاستغفار وقراءة سورة مريم .. ويا رب نسمع عنج كل خير

 

[حمرة الورد]

الله يرزقكم ان شاء الله انا الوالده تسوي ادويه والحمدلله يحملون لما ياخذونه بس لازم من اول يوم الدوره والي يبي تسويه امي بيدها وفرش حتى خراب الرحم الالتصاقات والضعف والي يبي رقمها حتى لو استفسار انا حاضره والله يرزقكم بالذريه الصالحه

 

[crystal 87]

انشالله حامل يا مس سارونة

نطري يومين وسوي تحليل دم لان التحليل المنزي ما يبين فيه بسرعة وبعدين حاولي تلهين نفسج ادري صعب بس شنسوي لازم تلهين عشان ما تتعبين وتنصدين اذا يتلج بس انشالله انشالله ما تشوفينها
انا عادتي هذي تاخرت 3 ايام و اهيا مو من عوايدها اتاخر اكثر من يوم واحد بس لا تشوفين انا استانست وريلي صار يدلعني و كل شي يسويلي مع اني ما اقوله عن دورتي بس اهوا يحسبها بعد ولا تشوفين صدمتي لما يتني حسيت اني اندقرت و تفشلت و ضاق خلقي حدي يومها قعدت عند امي بس ابجي و الي زاد الطين بلة ان 2 من اهلنا تزوجوا قبل رمضان و دريت انهم حمل يومها
الله يرزقني ويرزقكم انشالله

 

[دمثة]

لا مودايم تحليل البول يضبط انا مايضبط معاااااااااااااااااي ابداااا

وغير جذية نطري ليما تأخر عليج

 

[ايمانو حلوة]

الله اعوض صبرج خير حبيبتي
انا الحين متأخرة يومين وحدي خااايفة مابي احلل وانصدم بخليها على الله

 

[دنياالوله]

اهم شي النفسيه
صج مو بايدنا بس لازم نحاول
سارونه انتي خالتج ماذيتج انا الكل يسألني
وولدي هبلني متى تيبين بيبي متى
انتي بطنج خربان

الله كريم

 

[عروسه 99]

انشالله تكونين حامل يا رب

 

[كلي طيبه]

ياسويره ياحبيبتي انا صار لي خمس سنوات ونص متزوجه والله ان كل شهر لما تتأخر علي الدورة ايجيني امل ماتتصورين وحتى احس باأعراض الحمل اذا تأخرت علي الدورة مع اني عارفه ان المشكله من زوجي ومشكلته صفر وما خلا مسكين خلطات ولا ابر ولا أدويه ومسكين مرتين مسوي عملية تفتيش حيوانات منويه ومافي فايدة بس غصب علي كل شهر من ربي يجيني الأمل الحمدالله وندور دكتور زين نبي نسافرمو عارفين وين؟؟؟ الله كريم
حبيبتي شوفي غيرج وتهون عليج مشكلتج وتدرين والله من ثلاث ايام موعد دورتي وجاتني امس وتميت ابجي لين نمت حتى زوجي مالي خلق اكلمه قمت الصباح ورحت الدوام شنسوي مثلتا كثير
والله يرزقنا جميعاً عاجل غير آجل بأذن الواحد الأحدالفرد الصمد