نفسيتي تعبت

[dalo0oa121]

بنااات انا امي فيها حالة نفسية يعني واييد متشددة علي ماتخليني اطلع ولا اخذ راحتي خلت ماعندي شخصية

وحته بطاقتي الشخصية والصحية عندها وكله حابسة نفسها بالغرفة بالعيد وتقعد توسوس وتسولف مع روحها

طول الوقت وحركاتها حركات اطفال وعقلها مب كبير وحته ربع ماعندها محد يزورنا البيت كلج وبيتنا

مب مهتمة فيه ولا مهتمة بشكلها ولا بنفسها بس شاطرة تشدد علي ونصحتها انها تتعالج نفسيا

رفضت وبيتنا من زمان ماهتمت فيه وغرفتها ماتهتم فيها وخاطري يوم وحده من ربعها يجوون البيت

او تزورهم او حته تقوم بالواجب تروح الاعراس والعزايم كله بغرفتها وهالشي ياثر فيني نفسيا خصوصا

انه ابوي متوفي واهي كله تهلوس انا بدون رجال وانا بدون رجال وحته ماتخليني اطلع على راحتي ولازم

هي دوم معاي وانا عمري 21 مب بزر عشان تعاملني شي وانا اختي متزوجة من اخو رفيجتها وانا نصيبي

وقف بسبب امي محد يعرفنا او يزورنا عشان يخطبني هي حته ماتخليني اروح عزايم عشان الناس تشوفني

نفسيتي تعبت وخلاص ابي اتنفس حابستني دووم بالبيت ماتطلعني لا بالعيد وحته طلعة سنعه مافي اشوف

البنات يستانسون مع ربعهم وانا اغار حالتي الصحية مدمرة ومب ناقصة مشاكل اجتماعية بعد ومرة قلتلها

خل نروح السوق تمسك عبايتي وتقول هاي الرجال يطالعج والناس يطالعونج وانا متاكده انه محد يطالعني

بس هي شكاكة ومسويتني اني بنت مستواي دوني يعني راعية شباب واني قايلتلها السوق عشان اواعد

قلتلها بدخل هالمحل تلحقني حته ماتشتري وتقول الناس يطالعونج وانا متاكده انه محد يطالعني وكل مايمر

رجال تمشي جدامي عشان مايشوفني وتدخل مطعم مصكر فيه ستارة مال المعقدين وتقولي اكلي شنو هاي

يوم ويك آند الناس يروحون سينما والعاب واخر كشخة وانا قاصة علي مطعم لبناني قرمبع وغيري البنات

يروحون عزايم وحفلات واعراس وانا ابد بالبيت حته مااعرف شلون الناس حفلاتهم والموضة من زمان

ماتسوقت حق حفلة او مناسبة وانا احس اني اكبر بالسن ومافي شي يتغير بحياتي وحياتي واقفة وحظي

طايح ساعدوووني شالحل النحس دوووم يلاحقني وين ماروح !!

 

[جواهر35]

لاحلو ولاقوة الا بالله

 

[cba girl : )]

لا حول الله

حاولي تنصحينها باي طريقه خلي خالاتج اذا عندج يكلمونها يقولوها لازم تتغير والوسوسه والشك مرض لازم تتعالج منهم

 

[شباصـه فرنسيــه]

الله يعيييينكِ

 

[Tom ♥ Jerry]

,



لا حول و لا قوة الا بالله !
يا قلبي آمج علآجهآ نفسي أولآ و آخيرا ,،
لآزم تتعآلج نفسيا ، ظلي وراها و خلي خآلآتج أو خوآلج يآثرون عليها بعد
كلمي آختج الكبيره توقف وياج ,،
لآزم تتعالج نفسيا ,،


موفقه والله يعينج :*

 

[عيون الشيخ جابر]

قولي الحمدالله انا صارلي سنين محبوسه بالبيت كل شي ممنوع حتي السوق ما اروح وملابس وطلباتي هم يجبونها

خليها ع الله
حسبي الله ونعم الوكيل
انا واثقه بربي راح يفرجها علي من اوسع ابوابه وينصرني عليهم ..
اللهم لك الحمد حمدا كثيرا طيبا مباركا كما ينبغي لجلال وجهك وعظيم سلطانك

 

[amal ksa]

بسم الله عليها لازم تتعالج اخاف حالتها تتطور
وانتي اطلعي مع اختك ودايم خليكم قريبين منها لاتتركونها لحالها اعتنو فيها

 

[قسوة الزمن]

جيبي لها الدكتور لين البيت

 

[طرازنة]

الدنيا فانية اشغلي نفسك بطاعة ربك وانا اختك

عليك بقيام الليل والاستغفار

 

[منار البربرية]

واااي ليش جذي الاهل قاسين مع عيالهم الله يفرج عنكم خواتي يارب وانشاءالله الايام الجايه حلوه يارب

 

[FeShinGoOo]

حبيبتي انتي الله يعينج يمكن امج فيها حاله نفسيه وتحتاج علاج
بس انتي الحمدالله بكامل قدراتج العقليه وامج هاذي حالتها بدال لاتدورينلها علاج بدال لاتحاتينها وتحاتيج صحتها قاعده تشتكين ان امج ماتخليج تطلعين وتبين وناسه وارفيجات ..!!
لا ياحياتي راحة امج ابدى وصحتها اهم من هالسوالف
صج الانسان يحتاج يطلع يشم هوا ويغير جو بس صدقيني الطلعات والوناسه وارفيجات الدنيا مايسون دقيقه تجابلين فيها امج
نصيحتي لج حاولي تعالجين امج .. امج حالتها مو طبيعيه ومحتاجه دكتور
وسوالف الطلعات والوناسه الله يعوضج فيها ويرزقج بالزوج الصالح الي يفرفرج الدنيا كلها بس امج لاتخلينها بهالحاله حرام والله

 

[أحلى البشر]

هذول الحريم الكبار دوم شكاكات وكله اللي ببالهم هو الصح على فكره مو بس انتي تعانين من هالشي وايد نفسج صدقيني
امج مو مريضه نفسيا ولاشي اهي تخاف عليج + شك العيايز اللي مايخلص انتي صبري وهمن قنعيها باللي تبين وطلعي استانسي

 

[dalo0oa121]

مايخلووني حته اروح الجمعية او المستشفى حته وقت عندي دورااات تقعد تنطرني ووايد تشك بشكل
غير طبيعي لرجة محسستني
ان بنت شوارع خلاص الزقت الفكرة بعقلي من كثر ماتحسسني شي وويني وين الزواج ضاع شبابي وانا احاتي هالاهل
حته نفسي ماونستها لا ويك اند طلعه نفس الناس ولا اجازة حلوة

 

[دكتواره]

حاشه فييييييييج صدقيني لاتخسرين امج علشان جذي حاولي انتي تعالجين مرض امج مو الاطبة بقد ماتقدرين وكوني صداقات

 

[الزيزفونا]

حبيبتى الرزق يلحق صاحبه مثل الاجل وهالكلام مو من عندى
تاكدى ان رزقك ما يوقفه حال امك او غيره نصيبك بيجيك عاجلا او اجلا
وامك تحتاج علاج وبريها عسى ربي يفتح عليك بسبب برك بها
(((من اسباب الرزق بر الوالدين موحافظه الحديث والله ))) دعواتك ربي يعينى ابر امى لانى حيل مقصره واحس ان سوء حالى بسبب عصبيتى ع امى الله يهدينى ي رب

 

[القصيدة]

السلام عليكم و رحمة الله و بركاته

يا قلبي الوالدة الله يخليها لك عندها وسواس الله يشفيها

و وفاة الوالد الله يرحمه زادت عندها هالوسواس لأنها حست انو المسؤولية كبرت

لازم تتعالج .. أقنعيها أو اطلبي من قريبة لكم تقنعها زي خالتك .. عمتك .. جدتك أو أختك

و زي ما قالوا الأخوات قبلي نصيبك اللي كاتبه ربي سبحانه راح يجيك بإذن الله

الله يشفي أمك و يخليكم لبعض و يوفقك :eh_s(17):​

 

[.:!:. ونس .:!:.]

الله يكون بعونج

 

["غـَّلآۅِي ♥~]

نصصيحة لـوجه ألله ,, لآتقآرنين نفسسج بـ أحد ثـآني لأنج بتتعبين زيـآدة ..

أدعي أن ألله يفرجهآ عليج حبيبتي وربي يهدي أمج ..

 

[الأوركيدة]

الله يغير حالكم يارب خل خالاتج اذا عندها خوات يكلمونها اكيد راح تتغير وانتي طلعي مع اختج