نفسيتي تعبانه من جسمي الخاااااااااااااايس

[frozntouch]

قووووه بنات


ببجي والله انا طولي 163 و وزني كان 57

والكل كان يقوووولي جسمج زين وانا لا اعاند الا بضعف وفعلا كنت اضعف و ارد على علا وزني الطبيعي 57

عمري ما صعدت عنه

فجاه جك بم الاقي وزني بالستينات :eh_s(16)::eh_s(16)::eh_s(16):

بغيت استخف قاعده امتن و مو حاسه بروحي والمشكله نفس السايز مالي ماتغير وانا اسال خواتي متنانه يقولون لي لا جسمج زين احس يقصون علي

عموما انا جسمي تلخبط وماشصار فيه والسبه اكل الخرابيط والمطاعم بما اني طالبه وادرس برا ف ماعندي وقت اسوي لي وجبات صحيه

طبعا هالكورس ابتعدت كللللللللش عن المطاعم ،،،و الخرابيط وقفتها من اسبوعين

وقمت اكل فواكه وخضروات واشرب جاي اخضر مع اني ماحبها بس تعودت عليها وقمت اشتري كلش شي لو فات

بس ليييييييييييش حتا مانزلت ولا كيلو :eh_s(16)::eh_s(16)::eh_s(16)::eh_s(16):

مع اني امشي و ارقص بس ماكو اختلاف بالوزن وحدي كارهه جسمي

ابي اضعععععععععععععف يااااااااااعاااااااااااااااااالم ساعدوني عطوني حلول سريعه

وبدعييييييلكم من قلب بس اهم شي بدون حبوب وخرابيط مافكر اخذ حبوب ابي اضعف بصحه

ابي يصير وزني بالكثير 52

عطوووووووني تجاااربكم بليييييز

 

[محتاره بعمري]

مدري والله حبوبه انا بعد صار لي يمكن حول 8 شهور ينقالي مسويه دايت واكلي كله صحي ولانزلت ولا شي
بعدين اكتشفت ان حتى لو اكل صحي مو تاكلين لين تشبعين لا نظمي وجباتك حبيبتي لازم 3 وجبات باليوم والفطور مهم مهممم مهمم للحرق وحطي لك سناك بعد
هو ان المفروض ماتجوعين نفسك مثلا تتغدين لين تطفحين حتى لو صحي وتحرمين عمرك من العشا والسناك لا غلط لازم تاكلين كل الوجبات بس بكميات قليله يعني كل ماكلتي بكميات قليله كل مازاد عملية الحرق عندك وماتحسين بالجوع وكثرري ماي وسلطه
انا هالاسبوع رحت اخصائية تغذيه عطتني نظام الي ابيه نفس اكلي الي آكله بس ان تحسبينه بالسعرات الحراريه من جد احس كذا تنظم اكلي واحسني خفيت مع ان مارحت راجعت عندها
وحطي ببالك بعد ترا كل ما كان وزنك قريب من الوزن المثالي كل ما كان النزوول صعببب مررره مررره يعني تشوفين الي اوزانهم 90 وفوق اول مايسوون ريجيم يضعفون اول شههر بالهبببل ويبين عليهم
اما الي بال60 وكذا لا لازم تتعبين حبيبتي يعني ترا بالاسبوعين 2 كيلو تقريبا او حتى لو كيلو يعتبر انجاز خصوصا انك تدرسين راعي نفسك لاتسوين شي قاسي ترا بيرجع دببل اسمعي نصيحتي
1- نظمي وجباتك واحسبي سعراتها الحراريه
2- سوي رياضه حتى لو نص ساعه
3- كثري ماي
4- ادعي بصلاتك الله ينحفك بصحه وعافيه من غير شر
5- ابتعدي عن السناكات الجاهزه الي لو مكتوب بسكويت لو فات ومدري شنو ترا هذولا بس كذا عياره كلهم زببده مليانه تسمن ولاتفيد حتى الشبسات وكل شي كلهم مو صحيين ابتعدي عنهم حتى لو انهم لو فات
اذا كلش مشتهيه حلا خذيلك زبادي الي بالفواكه ترا لذيذ وصحي ويأدي الغرض تخيليه آيسكريم يمي يمي
او خذيلك 3 تمرات وقطعيهم صغار صغار واخليطهم مع زبادي بارد ساده يطلع يجنن
يعني الحين هالبينك بيري واليمي يوقر وهالخرابيط هبتهم الحين كل ماشتهيتي خذيلك او سويلك بالبيت صحي ومفيد ولذيذ
ويارب تنزلين بصحه وعافيه حبيتي وسوري ع الأطاله :$
​

 

[Heaven Light]

يمكن عندج خمول بالغدة الدرقية ..

سوي تحليل لها .. وان شاء الله خير ..
​

 

[Laidy n3ooma]

انا يوم رحت ادرس بشهر زدت 9 كيلوووووووووووووو

بغيت انتحر والمشكله بين علي

يمكن من الغربه وكله اكل من برع

 

[Pink.Barbie]

هههههههههههه ذكرتيني بنفسي

انا نفس طولك وطول عمري وزني اكتر شي ٥٢

سافرت برا ومع الضغط الشغل و الدراسه وصلت ٦٣ تخيلي

وجاني اكتئاب و حاسه بكل الي تقوليه

وعملت الي عملتيه سرت اطبخ بالبيت و اجيب كل شي لو فات ولا نحفت

الحل

هو الدايت

انا قاعده بعمل دايت و احاول انحف حالي

بس مو ماشية علا نظام غذائي ابو خسة و تفاحه و بيضه وما اعرف شو

لا لا لا

تخفيف مره و اكل تلاته وجبات باليوم

وازا بدي سناك مره او مرتين

بس قللت كمية اكلي مره و كل شي اكلو بشكل صحي

يعني اطبخ بس بملح مره مره خفيف و بزيت زيتون

ما اكل اكتر من سته ملاعق رز او مكرونه

الكيك و التشوكليت انسيهم الا ازا شي مره بسيط

حاولي تلاقي بسكويت للريجيم ولا تكثري بالمره

اشربي شاي اخضر واخلطي معاه زنجبيل و كمون و قرفه و نعناع يساعد علا حرق الدهون

وكمان الاناناس و الكيوي اعنليهم عصير و اشربيهم يساعدو علا حرق الدهون

لازم لازم لازم تشربي اقل شي ٢ لتر مويه باليوم ولا ماراح تنحفي

وبس هذا الي اعملوا انا حاليا

وان شالله يارب ننحف بصحه و سلامة

 

[بستان الهموم]

بالعكس وزنك مع الطول مثالي جدااا ولاتغيرين عن هذا الوزن ..

 

[كيكه توفي]

57 زين كلش كلش 55 حدج

 

[فجرر]

,.

وزنكك حلؤؤؤ

,.

 

[نظآره سودآ]

حييـآتي

الشاي الأخضر يثبت الوزن

شكـرآ

 

[قمرهم كلهم 21]

اسغفر اللة