نفسيتي تعبانه من الالتهابات ساعدوني

[متى تفرج بس]

مرحبا


طبعا انا كل يوم والثاني انزل موضوع بخصوص الافرازات والالتهابات اللي ماراح تخلص مني :eh_s(2):
طبعا انا خفيت وصرت احسن من قبل ومن ياتني الدوره وخلصت ردتلي الالتهابات مره ثانيه بشكل خفيف وقالولي اكلي زبادي واااااااااااااااايد والحين صرت اكل كوبين في اليوم واحس الافرازات زادت علي
فحبيت اسال هل زياده الافرازات بعد اكل الزبادي معناته بدا مفعوله وبدا ينظف المثانه؟
ابي اتأكد بس يعني منه فايده والا لا
جاوبوني يزاكم الله خير نفسيتي تعبتتتت :eh_s(2):

 

[جوزائيه مغروره]

ما تشوفين شر حبيبتي

وسالفه الزبادي مودري اول مره اسمع فيها

روحي الطبيب وفحصي وخلي زوجج يفحص يمكن منه الالتهابات ولازم علاج

 

[هلا 2010]

رد : نفسيتي تعبانه من الالتهابات ساعدوني

حياتي روحي الطبيب سوي تحاليل احسن لج

 

[حبوبه]

رد : نفسيتي تعبانه من الالتهابات ساعدوني

الله يشفيج يارب ..
اذا توج متزوجه تصير فيج التهابات الله يعينج بس لازم تعالجين ..

 

[كويتية بروما]

روحي المواساه ولا السلام عالجي

بالحكومه انسي ماكو فايده ترا كلها 50 دينار ماتسوى عليج الالم والحكه والعوار والريحه ترا والله باجر ريلج يعافج والسبه الافرازات والريحه

الخايسه مالت الالتهاب وحتى الحمال يصير صعب


الالتهاب بالمهبل والزبادي تاكلينه بحلجج اشلون تطيبين بفهم لحد يقص عليج روحي عالجي بالطبيب امراض نسى

 

[متى تفرج بس]

رد : نفسيتي تعبانه من الالتهابات ساعدوني

انا رحت تعالجت مرتين ولافاد معاي انا لسه بنت وزواجي ماباقي عليه شي

كويتيه بورما
انا كلمت من يومين دكتوره وقلت لها ان الادويه ماتفيد معاي قالتلي ماعندج مناعه فحاولي تكثري من اكل الزبادي والتوت البري والفراول يقضو عالافرازات ويقوو المناعه
والحين كل مااكل احس بنزول افرازات وايد فقلت يمكن بدا مفعوله
وكل مااتصل عليها ماترد شكله عندها زحمه . ربي يعين

 

[!! شوق !!]

حبيبتي انا الدكتوره قالتلي اكلي روب قبل النوم منشان الالتهابات
وو حاولي علطول تنشفين المنطقه وتهوينها ..
ووو غسلي بمره وملح ..

واذا كلش كلش اعتقد يسون لج كي ..

 

[كويتية بروما]

جنه دكتورتج خواره دوري لج وحده زينه
والله شكله فيج نفس ولاعين ولابنت المفروض ماتلتهبين اقري المعودات وارقي نفسج
توضي بمنقوع المره كل مره تدخلين فيها الحمام وخففي خل التفاح بماي وتوضي فيه يعني مره خل ومره منقوع ا لمره والوضوء يكون من الامام الى الخلف وبعد الخروج من الحمام نشفي المنطقه زيين كريم ليموكسين وايد حلو للمنطقه الخارجيه جربيه يمكن يفيدج
وصراويلج خليها قطن وسيعه قطي القديم كله وغسليهم بايدك بصابون الوزير وماي حاااااااار ترا الخدم داهيه ماتدرين شنو حاطين لج ولما ينشفون اكويهم عشان تموت البكترا والفطريات
ولاتحفين بموس ولا شيره هالفتره عشان يبرد جسمج شويه ولا تحطين خلطات تبيض وخرابيط وقفي كل نشاطاتج هالفتره لحد ماتطيبين
وتقدرين تسالين ام خالد الهاجري <خبيره اعشاب ) تاجره هني بالمنتدى ترا وايد زينه وعندها خبره يمكن تفيدج رقمها66142185
الله يشافيج حياتي

 

[نواره 22]

مالج الا ام خالد الهاجري عن تجربه

ويمكن هالافرازات عاديه اللي يصير بالجماع ما ينزل الا وراها يعني افرازات عاديه اذا كانت بيضه او صفرا بس اذا مصاحبه حكه وريحه.. فسوي تحليل وزراعه .. ولا تلعبين بنفس وتحاميل وخرابيط ترى ما فادني دوا ولا تحليل كله كانوا يقولزلي ما فيج التهابات

بس ما ارتحت الا لما خذيت غسول من ام خالد الهاجري بتحسين انج نظفتي طبعا هالغسول كان مع مجموعه الدوره طبعا تنظف الرحم عدل

 

[متى تفرج بس]

رد : نفسيتي تعبانه من الالتهابات ساعدوني

مشكورين رحم الله والديكم
وعلى الله الشفا ان شالله

 

[ام التاريخ]

التهابات علي شكل حاكة او فرازات وضحي اذا حاكة بالمهبل اغسلي بخل ابيض مقدر غطى الخل مخفف بماء مدة اسبواع

 

[الصعيريه]

رد : نفسيتي تعبانه من الالتهابات ساعدوني

ياحيــااتي الله يعيينج

انا بس جتني التهابات الحمل كرهت نفسي وحييل تعبت

لاتوقفين على هالدكتوره رووحي لغيرهاا
لحد مآتلقين حل

والله يشفييج ويعاافيج آميين

 

[*ريما*]

رد : نفسيتي تعبانه من الالتهابات ساعدوني

الله يشفيك

 

[فرفشه منعنشه]

رد : نفسيتي تعبانه من الالتهابات ساعدوني

انا استخدم غسول سيتيال لانه ينشف حيل الافرازات واحط تحميلة ليموكسين وماشالله تروح خلال يومين او ثلاثه ايام
وماتشوفين شر
وتأكدي انج تنشفين المنطقه عدل من الماي لان الرطوبه تسبب الحكه

 

[اخر ايام الحب]

رد : نفسيتي تعبانه من الالتهابات ساعدوني

روحي طبيبه ثااانيه ..ومنقوع المره حلوووه مثلا ماقالوا الاخوات الله يفرج لك

 

[متى تفرج بس]

رد : نفسيتي تعبانه من الالتهابات ساعدوني

يزاكم الجنه ان شالله مشكورين