نفسيتي تعبانة من الوسواس

[؛؛حلاوه؛؛]

شلونكم بنات
انا والدة من شهر وشي بعد الولادة باسبوع انهارت نفسيتي
بس أحس فيني شي وراح أموت تعبت حيل لا اكل ولااشرب
رحت لشيخ قرا علي وأمي ودتني الطب النفسي بس من قالوا بنفتح ملف
ابوي مارضى يقول صعب يكون لها ملف بالطب النفسي حق مستقبلها
ومع الايام ابخر البيت واقرا قرآن ومن مستشفى لي مستشفى تعرفون من الوسواس

كل شوي رايحة الطبيب المهم الاسبوعين اللي طافوا كنت بخير وراح مني
من امس وانا مو بخير تعبانة حيل رجع لي وقلبي يطق بسرعة
وبطني مغص خايفة أحس بموت واوسوس بكل شي
تكفون ساعدوني انتوا خواتي
تنصحوني اراجع بالطب النفسي نفسيتي منهارة

 

[Tom ♥ Jerry]

.

انا مع فكره الطب النفسي

 

[أسرار الجمال]

انا عقب ما ولدت بشهر حاشني جدي اعتقد هذي اكتئاب ما بعد الولادة حتى من خفقان قلبي احس بموت ورحت الطبيب ما طلع فيني شي وحتى الطبيب قال هذا اكتئاب ما بعد الولادة انا انصحج بالدكتور النفسي واذا ما تبين روحي الصيدلي أخذي حبوب اسمهم جونز وورت هذيلة اعشاب وطبيعيين وراح يفيدونج حيل وانت سألي الصيدلي عنهم راح يوضحلج انشاءلله بتصيرين احسن الله لا يضرك حبيبتي ولا تتاخرين لان هذا الشي بزيد

 

[MiSTaKe]

حبيبتي لا بخور ولا احد يقرأ عليج ولا شي
اخذيها مني هذا يسمونه اكتئاب مابعد الولاده او baby blues
وفي وايد ناس اي حدث يديد يصيرهم او تغير يمر بحياتهم تكون عندهم رده الفعل هذي
بيبي يديد زواج عمل يديد تره الانسان نفسيته حساسه وممكن تعفسه فوق تحت وخاصه بوضعج انتي هرموناتج مومستقره
عندي وحده من اهلي خواتها يضحكون عليها مسكينه يقولون طول ماهي عندنا بالاربعين كله تصرخ وتبجي وبروحها طخت تقول امبيه شكان فيني كنت مينونه!

اقري عن هالموضوع وحاولي تلهين نفسج وتفكرين افكار ايجابيه وسعيده لاتخلين اي فكره سلبية تسيطر عليج لانه مجرد فكره او خيال واحد راح يسحب معاه اكوااااااااااااااااااااام من الخيالات اللي مالها اي اساس من الصحه
تعوذي من ابليس وذكري الله الا بذكر الله تطمئن القلوب واقري قران وان شاءالله خير

حرام عليج هذي تجربه حلوه لازم تستمتعين فيها مع البيبي اليديد

 

[nour el denya]

روحي عياده خاصه إذا ماتبين المستشفى

 

[عرش الأنوثه]

سمالله عليج ياقلبي ليش توسوسين من شنو بالضبط ؟

اكو شي مضايقج

وتركي عنج الحبوب وهالامور ترا مو زينا بتتعودين عليها بعدين وماتقدرين تتركينها
انا من رأيي كل يوم ياقلبي تقرين سورة البقرة كامله واستغفري وايد وامورج كلها تمام التمام بأذن الله

موفقه فديتج والله يهون عليج وعلى قلبج

 

[غــايــه]

هذا لازم عقب الولاده يصير فيج جذيه
والظاهر الحبوب إللي تآخذينهم يأثر عليج
وإن شاء الله بعد جم يوم يروح عنج هالوسواس
بس خل يقرون عليج أكثر من مره
وإن شاء الله ما فيج إلا العافيه

 

[بدون بس مغتربه]

الدكتور نفسي مو شي يخرب السمعه بالعكس ، هذا دليل ان الانسان خايف على نفسه ويحب يتعالج من الوسواس ، الانسان عارف نفسه بس بحاجه للمساعده والنصحيه,,,
ولكن اذا ابوج قال لا خلاص سمعي كلام ابوج....

بس يوميا اخذي ولدج وطلعي تمشي الرياضه تساعد بدخول الاوكسجين... وتنظم الدوره الدمويه او اي شي ثاني يخليج شوي حيويه اكثر مثل الرقص او انج تهتمين بنفسج او ريلج يكون يمج...

طبعا القران لا غنى عنه قبل لاتنامين شغلي قران ومن تقعدين... يعني ابدي وانهي يومج بالقران الين تعدي الفتره وترجعين تصلين...


الله يعطيج راحت البال..

 

[؛؛حلاوه؛؛]

مشكورين بنات
بس يمكن مو اكتئاب بعد الولادة الظاهر وسواس أحس جذي واحس اني ضعيفة
في حبوب يمدحونهم بالطب النفسي حيل مفكرة اجربهم

 

[روح مغليها]

حبيبتي لا حبوب ولا خرابيط كلها لها اثار جانبيه
أنا صار فيني شي من كثر ماهو قوي مقدر أشرحه
قلب يدق بسرعه واحس روحي تفصل عن جسمي
وربي ما فادني الا


كثر الاستغفار 1000 مره
والصلاة ع الرسول
وسوره البقرة يوميا


والمعوذات



تعالي شوفيني الحين قويه وزاد تعلقي بربي


ع فكره أنا. جاتني حاله خوف ست شهور ماطلع من البيت

 

[؛؛حلاوه؛؛]

روح مغليها انا يتلى الحالة بعد عرسي وتمت يمكن قريب سنة بس أصعب شي اول الشهور
بعدين راحت ورجعت بس ولدت وراحت الاسبوعين اللي طافوا كنت بخير وردتلي الحين
اذا ماتعالجت بالطب النفسي أخاف ترجعلي الحالة منو مثلي تروح وترجع لها الحاله
بدوام على الادعيه والقرآن
تكفون نصحوني

 

[H_R_S]

أنا حاسه فيج يتني هالحاله بعد الولاده اكتئاب والوسواس ذابحني وكله متضايقه وأبجي وطولت معاي بس أنا صارت مع نفس يتني وصرت ما أحب التجمعات بس تخف شويه مع الرقيه الشرعيه وقراءة سورة البقرة وأذكار الصباح والمساء وادعي ربج يشفيج وامشي وسوي رياضه
والله يشافيج ويشافي كل عبد مسلم

 

[(حكاية قلب )]

حبيبتي اخذي حبوب زنكس حق لآزم باستشارة طبية تاخذينها تهدي الاعصاب وتعطيج ريلآكس

 

[أسرار الجمال]

حبيبتي بالصلاة والقرآن اكيد بتخف بس هذا مرض ورينا أمرنا بالعلاج هذا اكتئاب ويجيك وسواس ومخاوف واذا وصلتي لمرحلة الخوف مابي اخوفج بس تصيرين خطر عالبيبي وعليج لان ممكن تسوين شي مؤ زين وكمان ممكن تصيرين تسمعين اصوات اقري عن اكتئاب ما بعد الولادة بسبب الهرمونات وراح تعرفين وقت لك بردي فوق ييبي حبوب جونز وورت وااااايد تريح وتسيل الوسواس واهي أعشاب مت عشبة حشيشة القلب وانشالله راح ترتاحين

 

[أسرار الجمال]

اسفة عالاخطاء الاملائية

 

[؛؛حلاوه؛؛]

اسرار هذا مو اكتئاب بعد الولادة لان يالي مرتين بعد الولادة اليوم طلعت من الاربعين وايد خايفة
من اقوم انقمت وقلبي يطق كله خايفه تعبت مو قادرة أعيش مثل قبل

 

[أسرار الجمال]

اي يا حياتي جدي يصير وانا الدكتور قالي راح يصيرلك جدي يعني غير عن الاكتئاب العادي لان هذا ناتج عن الهرمونات مؤ من الحياة عرفتي يختلف

 

[أسرار الجمال]

حتى انا من كثر ما يطق قلبي واصحا من النوم من قلبي ساوالي تخطيط قلب وما طلع شي وقال لزوجي ما فيها شي الا الاكتئاب ويارب يشافيك

 

[أسرار الجمال]

يشافيج بدليات وايد

 

[تواضع انثى]

لاطب نفسي ولادكاتره ولا خرابيط خليك عالاستغفار والقران والله بترتاحييين