نفسيتي تعبااانة من الكلية.

[ملكة حبه]

مسااء الخيــر بنااات .
اخبـآركــم يالغلا .,؟
والله مو عارفة من وين ابتدي .. بس قلبي قابضني وحدها نفسيتي تعباانة من الكلية " التربية الاساسية " > إنجليزي . بالعلم اني مستجدة
والصرااحة لحد الآن ما تأقلمت واحس البنات اغلبهم يعرفون بعض إلا آنا ومن البداية تحطمت من الدكتور فاضل يوم انه قالي اني بالانجليزي ضعيفة بس عشان غيرت الفعل من فعل مضارع للماضي
عيوني ما تعرف النوم من كثر التعب مااادري لييمته هالوضع بس احس نفسي متوترة وخايفة بنفس الوقت
ومحد يساندني بوقت ثاني .

 

[بيلسآن~]

ي حياااتي والله حاسه فيج ، عادي ترى اذا ماتعرفين احد مو مشكله مع الوقت بتتأقلمين وتصيرين اجتماعيه

وقزري وقتج بأي شي ياقلبي روحي المكتبه حلي واجباتج روحي اللابات واشبكي ترى يمر الوقت بسرعه ، انا جذي ماعندي الا رفيقه وحده واذا ماكانت فاضيه اقزرها بالمكتبه او اللابات

ماعليج من الدكتوور ، خلي هالشي حافز لج انج تبذلين الافضل وتتحدينه اذا انتي واثقه من نفسج وقدراتج لاتهزج احباطات الغير



الله يوووفقج يااارب وتتوفقين بتخصصج ويريحج دنيا واخره

 

[اخت الغواص]

ياهلا وغلا
مساااء الأنوار
اول شي حبيبتي مبرؤوؤك قبولج وعسى الله يوفقج ويسدد خطاج
ثاني شي والله حتى انا مثلج ومو مرتاحه بتخصصي <لغه عربيه>:denya:
واحس صعب ومومتقبله وكل الي اعرفهم يقولون لي ابتعدي عن العربي لان صعب و و و..
وثالث شي والله كلنا مو متاقلمين والوضع جديد بالنسبه لنا :eh_s(2):وحتى انا موحابتها <بدال ما اواسيج اشكي لج :eh_s(11):

لا تتوترين ولا تتعبين صدقيني اهي فترة بسيطه لانج ماتعودتي ع الكليه ومع الوقت بتحبينها وتتأقلمين فيها <علمي نفسج هههع
كل البنات جذي بالبدايه
وبث:eh_s(22):

عسى الله يوفقنا يارب ويسهل علينا :yaaaaaarb:
وسوري ع الإطاله
هونيها وتهون ي قلبي!!
​

 

[Miss.Piano]

عيل خل اقولج

انا بس أول يومين أحس اني أفتر بالجامعة على غير هدى لوووول

ماعرف ولااااااااااااا احد

طبعا هالشعور حددده غير بالنسبة لي .. لاني بالبيت ما أقعد بروحي ... فما بالج برى البيت !!

لا و بريك بو ساعتين و ربع

والله كنت ادق على أبوي اقوله عفيه دق علي من تلفون البيت سولف معاي

ضايق خلقي ماعندي أحد اكلمه خخخخخ

عاد يدق و نقعد نسولف لين يخلص البريك



بس والله بنفس الاسبوع بديت اتعرف على بنات

احنا ترى محتاجين هالشي

و انتي بالمصلى مثلا .. كلمي اللي يمج .. فتحي معاها موضوع

وانتي قاعدة بالاستراحه حاولي تتقربين من اي وحدة قاعدة معاج

مو شرط تصيرون صديقات

بس عالاقل سولفوا ضيعوا وقت لين ينتهي بريكج

انا مع بداية هالاسبوع الحمدلله سويت علاقات حلوة مع البنات اللي هناك

موفقه حبوبة

صدقيني أزمه و تعدي :**

 

[سلطانه q8]

والله انا كنت نفسج في البدايه خايفه متوتره لان مكان جديد ومرحله جديده بحياتج شي طبيعي وحتى اخاف اسال الدكاتره

واقعد يومين مواصله ماانام من الخوف والا اقعد اسبوع غايبه مع ان حابه تخصصي بس المكان جديد وطريقه جديده تخوف

بالبدايه بعدين قلت شحقه اضيق على نفسي كله دنيا ليش اخذ الامور بجديه واعصابي تعبانه على

كليه ومنهج واحاتي لدرجه اقنعت نفسي وعقلي لحد ما ارتحت واللي ساعدني كنت اقرا كتب تطوير الذات كنت اتغلب على مشكلتي

وادور حل هو الخوف والحمد الله لدرجه قمت اطنش قبل لاقالوا امتحان ماقدر انام الظهر اذا جيت من الكليه واحيانا اغيب قبل

الامتحان بيوم بعدها


قمت اتعرف على بنات بالمحاضره واخذت ارقامهم ولله الحمد لحد اللحين رفيجات ونسولف مع بعض

واذا مااصادفهم اجيب لاب توبي معاي مرات واحيانا يكون عندي كتاب شاريته ماقريته افتحه واتسلى يعني استغلي وقتج

في اي شي تحبينه

الدكتور ماعليج منه انتي جايه تعلمين والغلط مو عيب بالعكس هذا لمصلحتج علشان تطورين قدراتج وكلنا تعرضنا لهنوع

من الانتقاد لا تخلين الكلمه حاجز وتوقفج خليه ايجابي مو سلبي عادي راجعي القواعد الانجليزي علشان تقوين نفسج فيها

شوي شوي راح تتحسنين لاتحبطين نفسج ولاتتضايقين ابدا صحتج اهم من هذا كله اذا تخصصج مو عاجبج ادرسي وشدي

حيلج وحولي حتى لو الناس تقولج لاتحولين بالعكس حلو انتي مو مرتاحه فيه ماعليج من احد اختاري اللي يريحج وتحبينه

علشان لما تخرجين ان شاء الله و تشتغلين وتستمعين بشغلج وتبدعين فيه ولا توصلين لمرحلة الاحباط

ان شاء الله اكون افدتج الله يوفقج ويفرج همج وترتاحين بالتوفيق

 

[حلآ الدنيآ]

موفقه :*

 

[vogue grl]

انتي تقولين جذي عشان مستجده ومتوتره ونقد الاستاذ لج مومعناته انه انتي ماراح تمشين بلتخصص
وبعدين الانتقاد سلبي لا تتأثرين فيه منو مايخطئ؟! عااادي شاركي معاه لو غلط بتعلمين حتى لو ماعجبه انتي لا يهمج اذ عجبتيه او لا .. وبعدين تقدرين تسوين سيرج وتعلمين قواعد او تروحين مكتبة العجيري وتشترين كتب قواعد ..قوي نقاط ضعف فيج
واعتبري اي شي يضايقج تحدي وتغلبي عليه تره كلنا نمر بلي تمرين فيه عادي لا تكبرين مسئله يبا انتي اهون من الي يتخصصون عربي او اي تخصص اصعب من الانجليزي ولا تسمعين حجي اي احد يقولج انه انجليزي صعب ومادري شنو
او تحطين بالج انه الي يدرسونج حاطين عليج .. يبا تخصص حلو وخفيف وانتي عليج تدرسين اول بأول شنو انتي ضعيفه فيه قوي نفسج بدل لا تدخلين منتدا دشي مواقع تعلمج قواعد وبس ان شاءالله افدتج وهونيها تهون

 

[Angel_store]

موفقه

 

[قطوووة]

دايم اؤل كؤرس صعب نفسيا

بس عادي

 

[^توجان^]

اهم شي تكونين حابة التخصص وتبينه لأن ساعتها مافي شي رح يوقف بويهك وكل الصعاب رح تهونيها على نفسك وبنفسك..

وتذكري أنه كل شي بأوله صعب

 

[| Blue]

اولا : عالبركه القبول

ثانيا / اذا انتي تحبين الانجليزي وتبينه كتخصص م عليج لآ من دكتور ولآ من البنات , اهم شئ انتي شنو تبين

راحتج اهي الاهم , فكري عدل وان شاء الله تختارين صح

 

[dalo0oa121]

انا مريت باللي مريتي فيه واخس
كنت متوترة وخايفة لكن مع الايام تنسين وتضحكين على نفسج
وبيجون بنات جدد وبتحسين فيهم بعد

 

[kookAi]

تووكلي على الله

وخليج قويه لا يأثر عليج شي


واثبتي انج العكس ..



واول كورس يكون فيه توتر شوي بس مرحلة وتعدي

وراح تتعودين وتحبين الكليه الكورسات اليايه

وشدي حييلج ماكو شي صعب!


وادعي ربج وراح تتسهل امورج باذن الله


الكل مر بهالشعور

واذا تبين شي لا يردج الا كيبوردج

 

[ملكة حبه]

مشكوووووريــن حباايب قلبي عالردود الحلـوة والاهتمام بالموضوعَ ..
الحمدلله انا حابة التخصص وحابة ابدع فيه والله يهون لكل البناات ضيقتهم وانشالله مع الاياام اتأقلم واتعود اكثر واكثر
:eh_s(7):

 

[ملكة حبه]

والله يباارك لكلَ من بااركلي عالقبوول حبيباااتي .. :eh_s(17): :eh_s(22):

 

[ملكة حبه]

ياهلا وغلا
مساااء الأنوار
اول شي حبيبتي مبرؤوؤك قبولج وعسى الله يوفقج ويسدد خطاج
ثاني شي والله حتى انا مثلج ومو مرتاحه بتخصصي <لغه عربيه>:denya:
واحس صعب ومومتقبله وكل الي اعرفهم يقولون لي ابتعدي عن العربي لان صعب و و و..
وثالث شي والله كلنا مو متاقلمين والوضع جديد بالنسبه لنا :eh_s(2):وحتى انا موحابتها <بدال ما اواسيج اشكي لج :eh_s(11):

لا تتوترين ولا تتعبين صدقيني اهي فترة بسيطه لانج ماتعودتي ع الكليه ومع الوقت بتحبينها وتتأقلمين فيها <علمي نفسج هههع
كل البنات جذي بالبدايه
وبث:eh_s(22):

عسى الله يوفقنا يارب ويسهل علينا :yaaaaaarb:
وسوري ع الإطاله
هونيها وتهون ي قلبي!!
​

الله يهونهاااا عليناا يااقلبي وياعساها اياام كلها سهاالات وتمر ونتوفق بإذنــه :eh_s(17):

 

[ملكة حبه]

جد مشكوورين بناات كانت كلمااتكم علاماات تشجيع وتحفيز ماا قصرتو يالغلاااا

 

[DaShTeYa_Q8]

شي طبيعي يعني اول اسبوع دوام و مكان يديد مايكون عندج رفيجات
الرفيجه ما اتيي بيوم واحد :\
انا كنت جذي اول كورس وماكان يهمني اروح محاضرتي و اطلع واذا عندي بريك
كنت اروح المكتبه واخذ لاب توبي واشبك لما يخلص و شوي شوي تتعرفين
واذا مو عاجبج التخصص تقدرين تحولين

 

[mem-q8]

انا بعد مستجدة - إنجليزي
هههههههههههه بس للأسف جدولي مواد عامه


وميخالف دايما اول كورس اخذي وقته تتعرفين على البنات وعلى اقسام الكلية
جدامج 4 سنوات والوقت طويل

اشدعوه

انا أول اسبوع رحت اتمشى بأقسام الكلية ولا بعد للحين ماخلصت
وايد يتعب المشي بالحر

 

[ملكة حبه]

شكراا عالمروووور يالغالياات
ميمي .. انا ماخذة مواد التخصص جان زين ويااج :\
ههههههههه اي والله خيسة بالحر بس شكلي بشوف المكتبة هاليومين