نفسيتك تعبانه عندك مشكله في شي مضايقك تعالي نفضفض

[فرح79]

السلام عليكم
انا لي اكثر من سنه في قسم النساء والولاده من قبل الحمل ولما حملت معكم يوم بيوم ولما ولدت معكم خطوه بخطوه والوحده تمر عليها حالات تكون نفسيتها مرتاحه واحيانا مضايقه او عندها مشكله خلينا نتشارك مع بعض ونحكي اذا في شي مضايق وسببه او عندك مشكله او لوفرحانه خلينا نشارك فرحتك ونساعد اللي عندها مشكله وحابه تطرحها على اخواتنا ونفيد بعض بتجارنا
خلينا نتفاعل واتمنى انه الموضوع يعجبكم وما تعتبروه تدخل بالخصوصيات بالعكس هو مساعده لانه احنا خوات بالله

 

[ليمونة وزيتونه]

اب اب

 

[ككوته]

انا ببدى
انا حملت بعد سنتين من زواجي وبعلاج والحمدالله
انا توني بالشهر الثاني ومشكلتي اني من حملت وانا نفسيتي مو ذاك الزود
وصايره وايد حساسه وبجايه وعصبيه وكله احس بقمته واحن على زوجي طلعني واهو مايقصر يطلعني كثر مايقدر وانا صرت ما اقعد وايد بشقتي المهم زوجي على كثر ما اهو انسان زين بس مشكلته انه حساس ومع اني كلمته وقلت له ان انا محتاجه احد يتحملني ويتقبل تقلب مزاجي ونفسيتي وابي احد يهتم فيني اكثر من اللازم ابي احس بهالشي ابي احد يراعيني مثل امي لكن للاسف زوجي مومستعوعب التغيرات الي انا امر فيها ويعصب علي ويزعل وانا بروحي مو متحمله ابي الي يخفف علي مو يزعل مني ويمسك على الزله ماني عارفه شنو اسوي المشكله يقولي تحمليني واتحملج وانا نفسي مو متحملتها شسوي اشلون اتصرف معاه تعبت وانا اكلمه وتعبت من كثر ما ان يزعل على حركه سويتها وانا معصبه او متضايقه ومو عن قصد نفس ما حاط بباله مو عارفه شسوي

 

[فرح79]

حبيبتي ككوته
انا في كل حمل لي وخصوصا في فتره الوحام تكوةن نفسيتس سيئه هاد طبيعي وبعدين ان شاء الله فتره وتعدي والله يتمم حملك على خير

 

[فرح79]

انا بالنسبه لي حاليا في فتره ملل شديد انا الحمدلله عندي 3 اطفال الله يخليهم بنت ولدين البنت 8 سنوات والولد تقريبا 5 سنوات والبيبي الصغير 6 شهور احس نهاري من اوله لاخره ركض بركض ما في وقت لنفسي ابدا اللخ لايحرمني منهم تاعبيني بين شغل البيت والاولاد وواجباتك ضايعه فعلا بزحمه اليوم وشاعره بملل وضيق

 

[ككوته]

مشكوره فرح ٧٩ عالرد حبيبتي وعسى ربي يسهل امورنا
ليش ما تتفقين مع زوجك على يوم يأخذ اليهال الله يخليهم والصغيره خليها عند امج او ختج وروحي سبا ساعتين تغيرين جون وسترخين وتبتعدين عن ضغط الحياه اليوميه
انصحج تروحين صالو الي بالمهلب فوق اختي راحتله تقول يدخلونج عالم ثااني

 

[قمرهم1979]

شلونكم بنات

أنا مليت من قعدت البيت عندي المشيمه نازله وقال لي الدكتور لاتمشين
والله يحفظهم عيالي ثلاثه حنه فوق راسي شركتهم بنادي بس لي رجعوا تبدي المعارك وانا كلش مالي خلق نفسي وفوقه راده علي النساة
وخدامتي اليديده تعد علي حتى الاكل واي ملوعه جبدي والمشكله ماعندي غيرها حاليا

الحمد لله على كل حال

 

[بيت التوت]

ككوته
مبروك الحمال والله يتمم عليج هذي اهي فترة لوحام الله يعينا عليها بس ارحم من
الاشهر الاخيره

قمرهم1979
انا حاسه فيج نفس معاناتي مع عيالي الله يحفظهم علي طول لعب وركض وهواش مع بعض
مرات احس قلبي بيوقف

فروحه 76

مشكوره علي الموضوع بووووووووووووقته بالضبط

 

[بيت التوت]

آآآآآه من معاناتي احتسب الاجر فيها

انا حامل بالتاسع ثقل فضيع وفيني سكر وقاعده اسوي حميه ما آكل وريولي صايرين علي
هزاز مايشيلوني يهتزون كل هذا مو مشكله
المشكله ضيق التنفس ادري بتقولون بالتاسع وشي طبيعي هالشي بس لاء بنات زاد زاد
عن حده اذا دخلت الحمام تكرمون اتعب وماقدر اتنفس ويصير صدري وظهري من فوق حارين اذا قمت من القنفه بروح مكان اقوم واقعد بالقنفه اللي يمها
خااااااايفه بنات حدي خاااايفه من الموضوع اخاف مو طبيعي
والحين صاير معاي اسهال وتنزلافرازات لونها ابيض شفاف لزج ممكن يكون علامة ولاده ؟

 

[سارة ة]

ااااااااب

 

[نسيم الأمل]

انا ببدى
انا حملت بعد سنتين من زواجي وبعلاج والحمدالله
انا توني بالشهر الثاني ومشكلتي اني من حملت وانا نفسيتي مو ذاك الزود
وصايره وايد حساسه وبجايه وعصبيه وكله احس بقمته واحن على زوجي طلعني واهو مايقصر يطلعني كثر مايقدر وانا صرت ما اقعد وايد بشقتي المهم زوجي على كثر ما اهو انسان زين بس مشكلته انه حساس ومع اني كلمته وقلت له ان انا محتاجه احد يتحملني ويتقبل تقلب مزاجي ونفسيتي وابي احد يهتم فيني اكثر من اللازم ابي احس بهالشي ابي احد يراعيني مثل امي لكن للاسف زوجي مومستعوعب التغيرات الي انا امر فيها ويعصب علي ويزعل وانا بروحي مو متحمله ابي الي يخفف علي مو يزعل مني ويمسك على الزله ماني عارفه شنو اسوي المشكله يقولي تحمليني واتحملج وانا نفسي مو متحملتها شسوي اشلون اتصرف معاه تعبت وانا اكلمه وتعبت من كثر ما ان يزعل على حركه سويتها وانا معصبه او متضايقه ومو عن قصد نفس ما حاط بباله مو عارفه شسوي

عزيزتي هذي فترة وتعدي سواء بالنسبة لج أو لزوجج ، لأن مثلما الوضع يديد بالنسبة لج نفس الشيء بالنسبة لزوجج ويمكن موعارف شلون يتصرف معاه ويبيله وقت . إصبري عليه شوي .

أما بالنسبة لج فكل شيء راح يتغير من تشعرين بحركة البيبي وقتها تحسين إنج بنعمة وإن رب العالمين يحبج لأنه أعطاج مثل هذي الهدية إلي تنمو بداخلج وتشعرين فيها . وحركة البيبي تبدي تقريباً نهاية الشهر الرابع وتكون أوضح مع بداية الشهر الخامس .

الله يثبتلج حملج وتفرحين بيه إن شاء الله

 

[نسيم الأمل]

أشكرك كثيراً عزيزتي صاحبة الموضوع
لأنه وايد مفيد .
الله يعطيج الصحة والعافية .

عن نفسي الحمد لله أقول كل شيء بالدعاء يتغير ويكون أفضل وأفضل .

 

[نسيم الأمل]

آآآآآه من معاناتي احتسب الاجر فيها

انا حامل بالتاسع ثقل فضيع وفيني سكر وقاعده اسوي حميه ما آكل وريولي صايرين علي
هزاز مايشيلوني يهتزون كل هذا مو مشكله
المشكله ضيق التنفس ادري بتقولون بالتاسع وشي طبيعي هالشي بس لاء بنات زاد زاد
عن حده اذا دخلت الحمام تكرمون اتعب وماقدر اتنفس ويصير صدري وظهري من فوق حارين اذا قمت من القنفه بروح مكان اقوم واقعد بالقنفه اللي يمها
خااااااايفه بنات حدي خاااايفه من الموضوع اخاف مو طبيعي
والحين صاير معاي اسهال وتنزلافرازات لونها ابيض شفاف لزج ممكن يكون علامة ولاده ؟

عزيزتي صح يقولون ضغط البيبي يضيق النفس وهذا نشعر فيه والله يعينج . لكن من يكون عندج إجهاد سريع وإرتفاع درجة حرارة أفضل أن تراجعين دكتورتج .

وعلامات الولادة بحسب ما أعرف تكون فيها إفرازات بنية أو بيضاء مع دم ( وهي السدادة المخاطية ) طاحت . إنتي راقبي نفسج والله يعينج .

 

[فرح79]

ككوته
مشكوره حبيبتي والله سمعت عنه بس المشكله اني امي الله يحفظها مسافره حاليا وما في احد الكل مسافر ولا كنت حطيت الصغير عندها والله مفكره اني اروح على المهلب بس ما تعرفين اسمه وكم سعره

 

[فرح79]

اختى قمرهم 1979
نفس معانتي ولادي الله يحفظهم من اول النهار لاخره وانا على قوله بس وخلص ملييييييييييييييييييييييييييت والصغير حتى لو طلعت اي مشوار حده ساعه ويمل وبععدها يصير يحن ااه اجر ان شاء الله وان شاء تقومين بالسلامه حبيبتي

 

[فرح79]

اختى بيت التوت
ان شاء الله انها علامات ولاده الله يسهل ولادتك ان شاء الله هانت

 

[مشتطـه]

عسى الله يسهل عليكم يارب

الحمال يخلي البنت حيل حساسه

انا كنت حسسااااسة وبجايه

 

[3 العراقية]

اخخخخخخخخ كلنا نفس الماساة الحمل والجهال والنفسيه وشغل البيت الي ميخلص اني مثل حالتكم عندي 3 اطفال الله يحفظهم وزوجي وجنت قبل سنه سويت عمليه طفل خارج الرحم والحين حامل بالثامن وساكنه وحدي شقه كبيره وماعندي خدامه لان اكرهم هههههههههههه واهلي بعيدين عني في العراق ومالي احد غير رب العالمين ورزوجي واطفالي وكلشي اتحملته وحدي والحمد لله وزوجي الله يخليه وينطيه الصحه والعافيه وياي بكلشي بالحلو والمر وهو اختي وزوجي وصديقي وامي وحبيبي لو هو مو بحياتي اني انهار وادعولي ان شاء الله اولد طبيعي بصراه اني اشكر صاحبه الموضوع تخلي الوحده ترتاح من تحجي ويا اخوات مثلكم والنعم بيكم والله

 

[ككوته]

السلام عليكم
مشكورين بنات الي ردو علي صج خففتو عني
والله يسهل ولادتدج بيت التوت حبيبتي وتبشرينا بقومتج بالسلامه
فرح٧٩ والله اختي الي راحتله وتمدحهم واهي نفس حالكم عيالها لويه واذيه وكله هواش وصيحه الله يعينكم يارب ولمن راحت غيرت جو واستانست جنه ٤٠ دينار والله ما اذكر بس ساعتين كانت مناك وما اعرف اسم الصالون ناسيته
٣عراقيه الله يخليلج عائلتج ويسهل عليج يارب

 

[بيت التوت]

نسيم امل
الله يجزاج خير قلبي اي والله تعب وارق مو طبيعي
وحولتني الدكتوره للباطنيه ايقولي الدكتور عادي بس انا مو مطمنه

الله يسهل