نفسيا تعبت

[الجاردينيا]

السلام عليكم بنات شلونكم رحت حللت وطلعت مو حامل والله تضايقت حيل هالشهر كنت ماخذه ابر بيريجون بس الدكتورة ما عطتني ابرة تفجير لانه كان عندي فرط بالتبويض واحتباس سوائل وما كانت تبيني احمل والدورة وايد تاخرت مو راضيه تنزل وطاف وقتها شسوي والله احترت ريلي ما يحب اعالج وايد يقول خليها على الله بس انا قاعدة احس بفراغ ومشاكلنا زادت وماراح يتغير حالنا الا اذا حملت بنات والله مخنوقه بس مو قادرة ابجي ماسكه نفسي ادعولي

 

[ضحكتني]

كل تأخيره فيها خيره والحمدلله عالصحة والعافية حبيبتي وان شالله الله يبي يكرمج ويرزقج بالذرية الصالحة توكلي عالله واحنا الحين بالشهر الفضيل قومي قيام الليل وكثري استغفار والله كريم وان شالله تبلغينا بحملج

 

[مهرة الخليج]

حبيبتي خيرها بغيرها
شوفينا احنا سونارات
وابر تنشيط
وابر تفجير
وحبوب
وسحب وترجيع
ومافي حركه اسبوعين
وآخر شي بعد شهر من المعاناة تنزل الدوره
ومع هذا كله مالنا غير قولة
انا لله وانا اليه راجعون
والحمدلله على كل حال
عمره ماجا في بالي اني في يوم ببقى من غير اطفال
لان املي وثقتي بربي كبيره ان في يوم من الايام بينتهي الاختبار
وبانجح فيه بامتياز مع مرتبة الشرف
الله يرزقج ويرزقنا معاج يا قلبي​

 

[لبى عيونه]

ياااارب يرزقج بهالايام المباركة ياااااارب وكلي امرج لله ولاتايسين

 

[ام دليار]

الله يرزقنا أجمعين
مالنا غير الصبر
والله مع الصابرين

 

[الجاردينيا]

مشكورين بنات وايد والله يعينج يا مهرة والله تاثرت من قريت اللي كاتبته وان شاء الله بهالشهر الله يرزقكم كلكم يارب< امن يجيب المضطر اذا دعاه ويكشف السوء > والحمدلله على كل حال

 

[الجاردينيا]

للرفع

​

 

[الجاردينيا]

ياااارب يرزقج بهالايام المباركة ياااااارب وكلي امرج لله ولاتايسين

ويرزقج يارب اللي تتمنينه مشكورة حبيبتي

 

[LeeMa q8]

نفسي بالضبط مشآكلنا زآدت خصوصا الي حوالي حملو وياي نفس شهر عرسي واللحين حمل بالبيبي ال2 واحنا لآ ..

وصىآر ينفر من البيت ومشآكلنا ع اي شي حتى ع كيس الزباله وانتو بكرامه نتهاوش

يارب ترحم الحال وتهدينا وترزقنا يارب

 

[شقرا كويتيه]

عسى الله يرزقكم كلكم بهالشر الفضيل يارب بالتوئم اللي يفرحون قلبكم يارب

 

[الزيـــــ^^ـــــن]

الله يفرج همج وهمومنا
ويرزقج ويرزق كل البنات الحمل السليم المعافى
حبيبتي مافكرتي تعالجين عند حرمه موثوق فيها لعل وعسا تكون سبب في حملج انشاءالله

 

[whitish]

الله يرزقج ويرزق كل محرومة اللهم امين

 

[سلمـــى]

الحمدلله على كل حال
وعليج بالصبر حبيبتي { ان الله مع الصابرين } {وبشر الصابرين }
وعليج بملازمة الدعاء لا تيأسين من رحمة الله
عسى ربي يفرح قلبج ويرزقج الذريه الصالحه في القريب العاجل يااااااااارب

 

[&هند&]

عسى الله يرزقج تصدقي وقيمي الليل وادعي ربي هو ارحم بحالنا والله حتى انا كثرت مشاكلي ويا زوجي وسبب العيال والله كريم ويرزقنا ،،،،

 

[نفول]

الله يرزقج حبيبتي ولا تتعبين ولا تفقدين الامل حبيبتي
ان ماصار هالشهر الشهر الياي انشالله حبيبتي الله ماينسى احد

 

[هيبة ملك]

خلي ثقتج فالله كبيرة

والله يرزقنا جميعا

 

[الجاردينيا]

نفسي بالضبط مشآكلنا زآدت خصوصا الي حوالي حملو وياي نفس شهر عرسي واللحين حمل بالبيبي ال2 واحنا لآ ..

وصىآر ينفر من البيت ومشآكلنا ع اي شي حتى ع كيس الزباله وانتو بكرامه نتهاوش

يارب ترحم الحال وتهدينا وترزقنا يارب

الله يرزقج يارب ويهدي بينكم

 

[الجاردينيا]

الله يفرج همج وهمومنا
ويرزقج ويرزق كل البنات الحمل السليم المعافى
حبيبتي مافكرتي تعالجين عند حرمه موثوق فيها لعل وعسا تكون سبب في حملج انشاءالله

مشكورة على الدعوة حبيبتي والله يرزقج ان شاء الله المشكلة زوجي شوي صعب مااقدر اروح لوحدة تعالجني مايرضى وانا بموت نفسي عشان احمل وهو عادي

 

[الجاردينيا]

للرفع

 

[بولندية]

الله يرزقج يارب و يرزق كل خواتنا بالذرية الصالحة عاجلا غير اجلا