نفسا صارلي 35 يوم و ابي اوقف الدم ضروري

[Wild Cat 007]

بنات شلونكم

بنات ابي اوقف دم النفاس لي اليوم 35 يوم و بقالي 5 ايام و اطلع من نفاسي و بسافر ورا الاربعين ويا زوجي و انا بجرية ما كنت ادري انه الدم ممكن يكمل لي عقب 40 يوم لانه قاعد ينزل علي دم بكثافه اكثر شوي من الايام اللي طافت .. سمعت انه حبوب منع الحمل بتوقف لي الدم سؤالي للي مجربة هل توقفه بسرعه يعني خلال 5 ايام؟ ضرووووووري ردوا علي بنات بليز ..و هل لازم اروح للدكتورة توصفلي الحبوب و لا اقدر استخدم حبوب ثانية ؟

 

[ريتاج_90]

شنوو توقفين الدم مومن صجج شكلج تضحكين
حبيبتي الدم هذا فاسد وخليه يطلع كله من جسمج
واذا طلعتي من الاربعين وليما الحيين عادي شي طبيعي
ولاتستخدمين حبوب خليه لما يوقف من نفسه وشكلج ماتنفستي عدل
استمري علي دوياتج مَ‘ـَُِع الاكل واهي اللي تنظف

 

[مــتــنــحــة]

حبيبتي

روحي دكتورتج تسوي لج سونار تشوف الرحم اذا للحين مانظف وفيه دم

بعدين مفروض دكتورة الولاده تنظفج ومفروض عقب الولاده تعتنين بنفسج عشان تنظفين بسرعه

مادري صراحه عن حبوب المنع بس لاتسوين شي من كلام الناس روحي دكتوره ثقه وشاطره

ديربالج ان طلعتي من الانفاس خربانه

لو شنو تسوين بعدين ماتضبطين الا بولاده وانفاسه ثانيه وعناية من اول وجديد

 

[fofo90]

نصيحتي خليه الدم ينزل ينظف رحمج عدل ليش توقفينه واحتمال بعد للاربعين اتييلج دورة اخت الاربعين يعني المفروض حاسبه حسابج لان كل مانزل دم تنظفتي عدل

 

[fofowa_q8]

حبيبتي اخاف يت لج اخت الاربعين لان الدم المفروض

يقل مايزيد ومايظل ٣٥ يوم !

اتوقع هذي دورة لان انا بنهاية نفاسي يتني

اخت النفاس اسبوع تقريبا وخلصت

اذا خايفه روحي راجعي سوي سونار وشوفي

 

[New_bride]

نصيحه لوجه الله لاتوقفينها

انا وقفت نفاسي بحبوب منع حمل وتحت اشراف الدكتوره بعد ماسوت لي تصوير وكان رحمي نظيف ولما ياتني الدوره بعد شهر ياتني ١٠ ايام وكانت تنزل نقط ووقفت والشهر اللي بعده ياتني الدوره غزيره مثل الشلال اغزر من النفاس مع تعب فضيع واصلا الفتره اللي بين الدوره والثانيه كانت تجيني اللام فالظهر ونفسيتي تغيرت وايد

دام باقيلج ٥ ايام تحملي ولاتشربين دارسين عشان مايزيد عليج الدم لانه يسوي نزيف

 

[رويال ديزاين]

اول شي انتي بعد الولاده ماخف الدم معاج و تقريبا صرتي نظيفه؟


اذا اي


معناته هاذي وخية النفاس تنطرين لين تخلص و لاتسافرين اجلي شوي لان البنات بعد الاربعين تجيهم وخية النفاس او دورة النفاس




اذا ما نظفتي بنص الاربعين يعني بعد عشرين الو اربع وعشرين يوم معناته انتي لازلتي تاكلين رشاد و لهوم و لازم توقفين للدويات


ونفس الشي راح تنزل عليج الدوره


في كل الحالات الدوره فيج فيج يعني حاولي تطلعين من النفاس عالازبعين بس مايصير جماع الا اذا نضفتي




نصيحتي الاخيره:




راجعي دكتورتج تجيك على كل شي




وادعيلي الله يهون علي محتاجه الدعاء

 

[Wild Cat 007]

انا مهتمة عدل بنفسي الحمدالله و الظاهر هذي اخت النفاس لانه الدم شي مو طبيعي حيل ثقيل و مبين انه مو نفس دم النفاس انزين بنات شسووي الحين يعني اشرب سوالف جاي الاعشاب عشان تنزل و اخلص بسرعه لانه يمديني و لا ما اشرب هالسوالف ؟ اللي اعرفه عشان نخلص من الدم و ننظف نشرب هالسوالف بس اشوفكم تقولون لا تشربين؟ فهموني بليز ترا مخي مقفل و حدي متضايقة استغفر الله حاجزة شاليه بره الديرة بفاجئ ريلي و فيه حمام سباحة يعني ماكو شي

 

[قلب زوجي وولدي]

لا توقفين الدم نصيحه ممكن يسبب لج تكيسات

الشاليه والسفر مو طايرين عادي سافري وانتي مو طاهره ولا انج توقفينها

وشرحي لريلج الموضوع وان شاءالله ما راح طول معاج دورة النفاس حدها ٧ ايام او ١٠ أيام

 

[قلب زوجي وولدي]

لا توقفين الدم نصيحه ممكن يسبب لج تكيسات

الشاليه والسفر مو طايرين عادي سافري وانتي مو طاهره ولا انج توقفينها

وشرحي لريلج الموضوع وان شاءالله ما راح طول معاج دورة النفاس حدها 7 ايام او 10 أيام

 

[fofowa_q8]

اي حبيبتي اخذي ادوية نفاس نفسها لان اخت النفاس

نفس النفاس لازم تهتمين بنفسج واهي دورة عادية

يعني ٧-٨ ايام بالكثير وتنظفين ان شاالله

لاتحاتين

 

[ملح الكون]

ماعندج سالفه روحي لدكتوره جيكي على رحمج وممدي فتره النفاس وقولي لزوجج تعبانه عادي

 

[Wild Cat 007]

بنات رحت للدكتورة بعد ما نزلت علي اخت النفاس بيومين و قتلها ابي اوقف الدم عطتني حبوب ياسمين و بلشت اخذهم الحمدالله وقف الدم بس نقطة نقطتين ترا انتوا وايد مهولين الموضوع الدكتورة طمنتني انه ما منه ضرر اذا وقفتها بالعكس الحبوب بتنظم لي الدورة و دكتورتي استشارية اللي اهي امل الراشد يعني مو خوارة

 

[يارب يطيب عبود]

حبيبتي حبوب ياسمين مو زينة مرا محذرين منها
حاولي تقرين عنها
اذا كنتي ناوية تستخدمينها رقت طويل كمانع للحمل
شوفي شركة ثانية أفضل