نفاس ومحتارة وايد افكار تيي وتروح .. تعالو ساعدوني تكفون

[فراشة الرغد]

هاي بنات
اشلونكم ؟

انة لي اليوم عاشر يوم من ولدت
ابي اسالكم كم سؤال

اول شي التمر مع الرشاد متى اخذه
ومطهر البيتادين متى اوقفه ؟
وكريم ميبو متى اوقفه ..

و زيت الشعر والصابونية والسنفرة وكريم التفتيح متى استخدم هالاشياء..
ويصير احف قبل ماكمل الاربعين ..

وتحميلات البوثيل متى استخدمها ..

وادوية النفاس استخدمها طول الاربعين يوم؟

و في شغلة يا بنات ..
احس نفسي ضعسفة وايد مو نفس قبل الحمل مع ان وزني اكثر ب6 كيلو..
بس مؤخرة مافي كلش :eh_s(2): وين راحت ؟؟؟؟؟؟؟؟

يا حلاته جسمي قبل..
بنات ليش انمسحت المؤخرة واشلون ترجع ومتى ..؟
تكفون ساعدوني
ريلي يقول لي اهم شي اهي مااتغير
واليوم يقول لي انتي صايرة وايد ضعيفة امج ماتاكلج زين؟

عقب شهرين بتكون عندي حفلات احضرها ..
ابي اضبط من الحين كل شي
تكفون فيدوني احس نفسي محتاسة ..

واذا عندكم اشيا لسواد البطن فيدوني فديتكم..
احس حتى ويهي متغير وصاير ضعيف وملامحي تغيرت
مع ان في الحمل كنت وااايد محلوة ..
احس جسمي كله صاير اغمج ..
حتى ويهي .. والمفاصل :eh_s(2):

الي مستغربة منه ليش المؤخرة راحت كلش يا بنات مافي شي
حتى بالبجايم اتحير شلبس ..

 

[ناتشوو]

حمدلله ع السلامة

- ابدي اخذي التمر مع الرشاد من الحين عادي حتى لو من اول يوم
- مطهر البيتادين لما تنشال غرز الولادة
-ميبو انا حتى عقب الغرز اظل استخدمه جم يوم
كريمات التفتيح والزيوت للشعر والجسم استخدميها دايما وخلطات الجسم قبل السبوح بجم ساعة
بس بصراحة مااسوي بخار ومغربي الا بالاخير
-تحاميل البوثيل وتحاميل البيتادين والجلسرين اخر 10 ايام بالتناوب
او ممكن 20يوم ( يوم اي يوم لا )
-ادوية النفاس خليها اول 20 يوم خاصة الحلبة وقفيها كافي 10ايام
ونصيحة من قلب وضروري تستخدمينها
وصفة اسمها الخمس فناجيل ( بحثي عنها وطبقيها )
انا اكتفيت فيها بنفاسي الاخير حيل روعة للقضاء على الافرازات
( ان شاء الله تكونين والدة عند دكتورة زينة وشاطرة بالخياط)

بالنسبة لانمساح المؤخرة مادري عن هالشي
بس اعرف الوحدة تستانس بالضعف
اذا تبين المتن
كثري من الوجبات الدسمة

وروحي قسم العناية بالبشرة
دوري لج خلطة تناسبج
بالتوفيق
الله يهدي زوجج ويسخره لج يارب