نفاس وصاكه فيني الدنيا

[حباااري]

مرحبا بنات انا صارلي اسبوع نفاس وحاسه بكآبه مو طبيعيه هذا رابع نفاس لي ودي اروح بيتي عند زوجي والله بس ودي أبجي وماني قادره اسيطر على عيالي مادري شسوي شوروا علي اروح.بيتي

 

[".شاعريه."]

تعوذي من الشيطان
هذا شي طبييييعي اللي قاعد يصير لج بسبب هرمونات الحمل اللي تنزل في هالمرحله وتؤثر على نفسيتج
اشغلي نفسج بأي شي اكتبي قائمه بالأشياء اللي بتسوينها على طلعتج ان شاءالله سواء بشكلج او بشقتج
اهتمي بأكلج .. وخلطاتج .. قعدي عالمنتدى .. قعدي مع خواتج سلي نفسج

وان قدرتي تروحين بيتج عادي كملي 20 وروحي
والله يصبرج حاسه بوضعج

رابع نفاس ويصير فيج جذي الله يعينا

 

[زين ودلال]

الحمدلله على سلامتج

الله يعينج ان شاء الله

والله مدام انه رابع نفاس ماشاء الله روحي بيتج احسن عالاقل نفسيتج ترتاح ابيتج ومكانج وشغلج واهم شي قريبه من ريلج

 

[Om-azooz]

حمدالله على السلامه
اشفيييج حبيبيتي
ليش عالكاااآبه شنوو ماانتي مرتااحه في بيتج اهلج روووحي لبيتج لا تضاايقين روووحج
ووالله يعيييينج

 

[المها الابيض]

الحمدلله على سلامتج

الكآبه عادي كلنا نحس فيها وتروح ان شاالله شوي شوي
يمكن عشان زادت مسؤولياتج حاسه جذي

وماشاالله انتي هذا الرابع يعني موضروري تكملين نفاس
عند اهلج

 

[ام الحلوااات]

الــحــمـــد للـــه عــلــى ســـلامــتـــج
وهـــدي نـــفـــســــج شــغـــلـــي عـــنــدج قـــران يــشـــرح صـــدرج
ولا تــخــلــيـــن اذكـــااارج وانــتـــي بــاالــنــفــــاس
واذا بــخــاطــرج تــرووحـــيــن بــيــت ريــلــج وشـــايــفــه انــــه اريــح لـــج
نــطــري يــصــيـــر لـــج اســبــوووعــيــن او عـــشــريـــن يـــوم وبــعــديـــن رووحـــي​

 

[متوترة]

انتظري لين عشرين يوم وروحي

والله يهون عليك يارب ويبارك لك بعطاياه ياكريم

 

[أأأميرة الورد]

انتظري اسبوووووعين وروحي بيت زوجج




عن تجربة بيت الزوج أحسن دام عندج عيااال

والحمد الله على سلاااامتج

 

[حباااري]

الله يسلمكم حبايبي ماقصزتوا

 

[جـــواهر]

سلامتج حبيبتي


ضيقتج لانج بعيده عن زوجج ولان عيالج مو مرتاحين فبيت اهلك
مالومج والله انا مارتاح الا فبيتي وعيالي مايرتاحون الا بمكانهم
انا اقول ردي بيتج راح ترتاحين

 

[ليدي دانة]

اللي يصيرلج شي عادي الكآبة وضيقة الخلق لانج نفاس ونصيحة خليج عند اهلج بين امج وخواتج لو رحتي بيتج بيضق خلقج اكثر لانج بروحج

 

[ام ربى]

ما عليج شر ان شا الله
اختي انا بنفاسي الاول بغيت اموت من القلقه و الكابه
بنفاسي الثاني عطتني الدكتوره pregna plan ، هذا فيه eveining prime rose
و هذا وايد يحسن المزاج و النفسيه ، و هم مفيد لجسمج بعد الولاده ، و للرضاعه
ربي يعينج عالمسوليه و توكلي علي الله و ردي لبيتج ​

 

[أبكاني ذنبي]

نطري اسبوعين وبعدين روحي

وشغلي قرآن واقري اذكار الصباح والمساء

وتعدي ان شاء الله على خير

 

[روح الأحزان]

حبيبتي الله يعينج ان شاء الله اذا شايفة نفسج تقدرين تروحين البيت روحي

 

[*الغاليه*]

شي طبيعي جداا اللي قاعده تمرين فيه

اذا حاسه انج بترتاحين ابيت زوجج روحي

وخليج دايم مشغله البقره واقري الاذكار

​

 

[om_3azoz]

الحمدالله على سلامتج حبيبتي ومبروك ماياج ,,

الله يعينج على النفاس هذا شي طبيعي بسبت الهرمونات

 

[ملاك ^ الحب]

ان حاشني الاكتئاب اول يوم طلعت فيه من المستشفى بس بعدين حاولت اشغل نفسي في بنتي وبالكمبيوتر

وكنت هم شاغله روحي بالتصوير اصور بنتي

والحمد كان البيت مايخلى ناس داشه وناس طالعه ماكنت حاسه اني بروحي

والحين مع الحمل الثاني انشالله راح اشغل نفسي

 

[ام فوااز]

رابع ياهل ماشالله الافضل تتنفسين في بيت زوجج
وامج وخواتج يمرون عليج ويساعدونج
الله يكون بعونج يارب

 

[بنت جنيف]

انا من ثالث نفاس وانا ابيتي والحين نفاسي الرابع وبعد ابيتي الحمدالله مرتاحه. وكل شي ابيه يوصلني الغدا والعشا ماتقصر فيه امي الله يطول بعمرها وعيالي اغراضهم وفرشهم والعابهم حواليهم انا اقول ردي بيتج احسن لج واريح

 

[ام ساره 4]

الله يعينج ويسهل عليج يارب إقري قرآن واستغفري علطول وإذا شفتي نفسج مو مرتاحه وتبين بيتج نطري تكملين عشرين يوم وروحي لبيتج