نفاس وحدي متوهقه مع البيبي تكفون دخلوا ساعدوني،،

[الروح كالريحان]

السلام عليكم ورحمة الله وبركاته
طلبتكم بنات ويا امهات واهل الخبره؟؟
انا والد من اسبوعين وجبت بنوته ياربي لك الحمد
المشكله ان بنيتي وهي نايمه
تنام اربع خمس ساعات ماترضع ولا دور الرضاعه
لين انا ارضعها وترضع والحمدلله
بس انا حدي خايفه لاني الي اعرفه لازم كل ساعتين رضاعه بس بنتي وهي نايمه مستحيل ترضع كل ساعتين
ماتقوم تبجي نفس ولدي الاول الله يحفظه كل ساعتين يقوم يبجي يبي يرضع
السوال؟؟
هل لازم اقوم كل ساعتين ارضعها غصب والا اخليها ع راحتها
امي تقول احسن مدام تنام معناته شبعانه
انتم شرايكم لان حاسه بالذنب
للمعلوميه هي ترضع صناعي بالاضافه الى صدري بس الصناعي اكثر،،

 

[جذابه بنت ذيابه]

نصيحه سوي لها تحليل بوصفار

والله يخليها لج ي رب .. انا اعيالي كل ٣ساعات رضعه وتوني والده البيبي مرات كل ٣ساعات ومرات ٤ساعات و احاتيه وهووفي بوصفار خفيف

 

[الروح كالريحان]

سويت قلبي قبل يومين مافيها الحمدلله

 

[برد ابو الذهب]

ما فيها إلا العافية دام تخلص وضعتها عادي ياقلبي

 

[برد ابو الذهب]

قصدي رضعتها

 

[Maraya85]

لو جوعانه بتقوم تبجي .. ان شاء الله ماعليها شر .. بس حاولي انتي ترضعينها حتى لو مادورت الحليب

 

[فاتن7]

كل بيبي يختلف عن الثاني اانا بناتي الأولى ساعه على بعضها ماتنام والثانية تنام ٣ساعات متواصله
الله يخليها لك وان شاء الله مافيها إلا العافيه

 

[فوفو22]

الله يحفظها


على قوله اهلنا قبل

يقولون. النوم عافيه

كل اليهال يفرق كميه ووقت الرضاعه


مش شرط كل ساعتين


فوفو

 

[الروح كالريحان]

يعطيكم العافيه بنات
وجعله بميزان حسناتكم
نبي تجارب بعد بنات
ابي اتطمن تأنيب الضمير ذبحني

 

[Aloe Vera]

اذا البيبي وزنه قليل ساعات مايقوم يرضع
وديها الطبيب خل يشوفون وزنها
احسن لج تتطمنين

 

[عاشقة هواك]

ان شاء الله الدكتور او الدكتورة تفيدج اكثر روحي المستشفى وان شاء اللهما فيها الا العرفية

 

[كل الحلا فحبيبي]

ماعليها الا العافيه ان شاء الله

 

[نرجس 2]

الله يحفظلك اياها يا رب
حبيبتي لا تخافين عادي
هو كذا حليب الصناعي يشبع اكثر
ويخلي البيبي ينام اكثر
انتي اعطيها الصناعي باليل عشان اضل نايما وبالنهار اعطيها صدرك
وازا وجعك صدرك وصار يدر صحيهاااا واعطيها صدرك
افركي انفهااا بلطف بتصحها وبتحطيها على صدرك
انا كذا اعمل

 

[رياح-الورد]

الحمد الله على سلامتج ،،و مبرووووووك ماياج
لا تحاتين أنا ولدي كان نفس بنتج ،، لما وديته الطبيب قالي خليه نائم لما يجوع بيقعد ،، خليها على راحتها

 

[الروح كالريحان]

الله يجزاكم الجنه
ويبارك باعماركم يارب
وماقصرتوا،،

 

[ابوي دنيتي كله]

ماعليها شر ان شاء الله عادي لاتخافين ترى الجهال يفرقون عن بعض انتي حاولي كل ساعتين او 3 ساعات تعطينها رضعتها بنتك توها صغيره بس تكبر شوي بتحسن واذ كان فيها بعد غازات وتبجي عطيها يانسون رقم بس وتصير زينه
ادعيلي تكفين ربي يكتبلي الذ ريه السليمه

 

[الروح كالريحان]

الله يارب ياكريم يرزقج الذريه كاملة الخلق والخلقه
من قلبي والله

 

[ابوي دنيتي كله]

ياحياااتي تسلمين الله يسمع منج اللهم امين

 

[فطوووومي]

الحمدالله اذا مافيها صفار كل ساعتين حاولي ترضعينها لو كميه قليله لما تتعود
قرصيها من اذونها وانتي ترضعينها عشان تتحرك معاج وترضع

 

[ريتاج_90]

الحمدلله على سسسلاامتج
ومبررررروك ماجبتي

حبيبتي عادي بيبي النفاس ينام اكثر
واذا مابجت عليج معناته انها شبعانه ومرتاحة

والله يخليها ڵــچ يارب وتشوفينها عررررروس ياارب