نفاس وتطلع وتروح وترد !! شرايكم؟

[Mama Africa]

السلام عليكم شلونكم بنات انشالله مرتاحين وكل عام وانتم بخير

انا ملاحظة صار لي فترة جم بنت من المعارف الاهل او اسمع بعد اسبوع او اسبوعين من الولادة وبفترة النفاس تطلع وتروح وترد بيت حمولتها او جمعية وفي بعضهم السوق !! مع انه اول غييييييييييير الوضع شرايكم بالهموضوع منو تايده ومنو لا مع ذكر السبب؟

عن نفسي لا طبعا ماطلع وماعتقد لو بسويها امي او يدتي بيخلوني نظامهم 40 يوم بتمام والكمال يخشوووني : لوولtongue22:

​

 

[..’’ياقلبـك الخوّاف’’..]

أمانةً انا الىى الان ماطلعت الا بس طبيب يوم بطهر ولدي وبفك خياطي


وان شالله بعد كم يوم بطلع عشان اتقضى لطلعتي من النفاس..


لازم نطلع اجل من يتقضالي..؟؟

 

[Mama Africa]

هلا حبيبتي انا والله اكون مجهزة قبل ولادتي بفترة واذا نقص شي خواتي والوالدة مايقصرون ومرات ريلي لوول و الطبيب هذا ضرورة ساعه او اكثر ورادة اكيييد كل بنت ووضعها علشان جذي حبيت اشاركم

 

[LuLiTa]

انا مو متزوجة بس بقوول اذا كانت الوحده نفاس ف مو لازم تحكر روحها فالبيت ليش بالله مسويه جريمه ؟؟ و حاكمين عليها بالسجن ؟ ,,اوكي تهتم بروحها و تتنفس بس مو لدرجه تقعد فالبيت محكورة بين اربع طوف !! الروح هم تمل و تزهق !

 

[قلبي سلومي]

رد : نفاس وتطلع وتروح وترد !! شرايكم؟

انا اقعد اسبوعين وبعدها اتقضى لنفسي وازهب لطلعتي

 

[أم حمودي**MALL**]

حبيبتي انتي قلتي بنفسج هذاك ايام اول
الحين اذا بقعد 40 يوم بالبيت اول شي منو بيخلصلي شغلي وشغل عيالي
بعدين 40 يوم حكره ترى تووو متش انا عن نفسي ماقدر امل

 

[Mama Africa]

بنات انا ادري 40 يوم بوقتنا هذا واااايد بس في بنات تكون قيصرية او تعبت كل واحدة وحالتها وانا يمكن نظام اهلنا جذي حدددهم ستايل قديم وعندهم البنت تطلع لضرورة وتقعد عقب الاسبوعين تلتلزم بنظام صحي وتجابل عمرها حق الريل وبعد الاربعين اتمنى فهمتوا قصدي صح حبيبات قلبي

 

[دانة بعين بحاري]

أنا في بجري ما طلعت الا لما
طهرت ولدي لاني كنت تعبانه بس المره الجايه بكمل أسبوعين ان شالله وبطلع عادي اخلص اشغالي بس اهم شي يكون الخياط طاح

 

[Laymo0ona]

انا والله طلعت بنفاسي بعد 3 اسابيع تقريبا رحت اشتري هدوم العيد

 

[جذابه بنت ذيابه]

رد : نفاس وتطلع وتروح وترد !! شرايكم؟

الصراحه انا بولدي


طلعت اخر عشر ايام من النفاس رحت للسوق اشتري لي ورحت للصوالين .. اتكشخ لزوجي


وبس



والصراحه اييد انها تقعد بالبيت .. بس مو كل الايام لانها بتمل

 

[om deaj]

أنا في بجري ما طلعت الا لما
طهرت ولدي لاني كنت تعبانه بس المره الجايه بكمل أسبوعين ان شالله وبطلع عادي اخلص اشغالي بس اهم شي يكون الخياط طاح

انا بعد في بجري ماطلعت الا للضرورة بس هذا الثاني ماراح انطر 40 يوم

ولو انه منو مايحب الراحة بس للضرورة احكام

 

[كويتيه مذهله 87]

أنا معاج انها تتنفس عدل وقعد بالبيت
بس اذا عندها اشغال او طبيب او حتي مامداها تجهز حق طلعتها للاربعين مانقعد نحط عينه عليهاااا هي حره بحيااتها

 

[هامورة]

رد : نفاس وتطلع وتروح وترد !! شرايكم؟

انا مااوؤيد اللي يطلعون وايد الا في حالات خاصة ومهمة لانه تظل تعبانه ومنهكة والبيبي والرضاعه والاهتمام يبيله وقت ومجهود انا ماطلعت الا مره لطبيب وبس ترى الاجانب مايتنفسون تولد من هني وتطلع وتتسوق وتلعب رياضة خفيفة من هني عاداتنا تمتن وتعود على الدلع هههههههههه وترى بيني وبينج كل عايله وتقاليدهم واطباعهم بس بيت الحمولة ما اؤيد روحته ! خالتي وحمواتي حياهم بيت اهلي ليش اروح لهم؟؟؟؟؟ و السوق لاحقة والطلعات اللي مالها معنى هم لاحقة عليها

وفي ناس يخافون من العين لانه في حريم مايخلون الوحدة بحالها وي توها والده وطالعه !!! مشالله خافوا ربكم ببنت الناس صارت ببنت عمتي وتعبت مسكينة وايد اهي وولدها بس الحمدالله عدت على خير

 

[أم يوسف وأمونة]

والله انا عن نفسي في بجري قعدت بس اخر ايام النفااااااس

ما قدرت انقمت قممممممته مو طبيعيه

وعلى بنتي بعد اسبوعين رحت حقها مراجعه

والحين اسم الله يحفظهم 2 والثالثه بالطريج واذا احتجت اني اطلع راح اطلع بس لسبب

يعني واعتقد بعد اسبوعين ما في خوف على الوالده مالها معني تنحكر

يعطيج العااااااافيه حبوبه

 

[زوجة الفنان]

رد : نفاس وتطلع وتروح وترد !! شرايكم؟

الله الحافظ
انا الصراحه اولد قيصري واضطر اروح المستشفى للمراجعات
والله بنات قعدة البيت تذبحني وتييب الغلقه لي عيل الاجانب يولدون اليوم ويطلعون باجر احنا معتقداتنا حكره بحكره

 

[*+ شـــهـــد +*]

رد : نفاس وتطلع وتروح وترد !! شرايكم؟

حبيبتي ليش مستغربه ؟

حريم العالم كله نفاسهم اسبوعين وبعدين خلاص
ترد دوامها وتجابل بيتها وعيالها . وما يصير فيها شي
الا احنا بالخليج 40 يوم نفاسها..

يعني شيفرقون عنـا ؟؟

ما دام تغذت عدل بدون دلع وجابلت نفسها تمام بهالاسبوعين وصارت صحتها زينه وتقدر تروح وترد ..
عادي ما في اي مشكله

الا اذا كانت حالتها الصحيه ما تسمح .. هذا شي ثاني

 

[_Pure_]

انا ٢٠ يوم طلعت الجمعيه و معاي البيبي بعد و لو اقدر جان طلعت قبل لووول
عادي مافيها شي
و اروح زوارة بيت امي
و في بجري من كملت اسبوعين نزلت زوارة اهل زوجي لان كان عيد و عادي كل زوراه انزل

الزمن تطور

 

[@الياسمين@]

انا اعتبر النفاس عنايه واهتمام مو حكره وبس
لان بروحه الوحده يحوشها غلقه فلازم شوي تنفس
انا عن نفسي حتى لو الفير احب اطلع مع ريلي
هم عشان محد يدري عنج ويفجون العين ..... خو الناس ماتخلي احد بحالها
وبعدين لزم الوحده تطلع عشان تزهب حق طلعتها من الاربعين ، صالون وتسوق منو بيقضي شغلها ؟؟؟؟

 

[noorq8]

وي وي وي ...............لو تدش أمي تقرا ردودكم جان علووووووووووووووووم هههههههههههههههههه.
النفاس عندها حبسسسسسسسسه ماكو طلعه الا للطبيب وبسسسسسسسسسسسسس لا وبالخشيش شيقولون الجيراااان بنتهم نفاس وطاللللللللعه هههههههههههههههههههه.

عن نفسي ماأؤيد طلعة الوالده, الظهر 9 شهور منعكف محتاج راحه عالأقل شهر وطبعا الأشياء الضروريه ممكن لكن سوق وجمعيه لاوالله الخوات والرفيجات فيهم البركه ,وبعدين اللي تطلع يرد عليها عايدي وجع الظهر ,الوالده تحتاج الراحه .
هذا رأيي.

 

[(أم نونو)]

رد : نفاس وتطلع وتروح وترد !! شرايكم؟

انا بعد مايطح الخياط اطلع السوق اتشرى اغراض طلوعتي اروح الطبيب اروح الجمعية بس ما روح بيت حمولتي إلا بعد الاربعين لاتستغرربين واجد ناس يطلعون وفي بعظهم 20 يوم في بيت اهلهم و20 يوم عند حمولتهم