نفاس واحس بمغص نفس الطلق

[أميرة-]

السلام عليكم


بنات هذي اول ولادة لي وصارلي الحين 6 ايام قمت من النوم على عوار قوي برحمي وتقلص نفس الطلق بالضبط مو قادره اصلب نفسي .. خايفه يكون برد اليوم الصبح انا متسبحه مع اني ماحاشني تيار هوا

طبيعي المغص هذا . الحين صارلي ربع ساعة عوار نفس عوار الدورة بس اقوا حيييل

 

[maha26]

حبيبتي اللي اعرفه من خواتي ان النفاس لاتعرضت للهوا يمسكها مغص اشد من الطلق

 

[@سيدة نفسي@]

تدفي واشربي أعشاب حاارة وفلفل أسود شربيه مع الحليب يطلع الهواا

كله .. واحتمال المغص يكون من الرحم قاعد يتقلص ويرجع لحجمه الطبيعي

اخذي مسكنات وماتشوفين شر ان شاءالله

 

[وردة سورية]

مثل ماقالت سيدة نفسي احيانا يكون قاعد يرد مكانه ولو انك ترضعين طبيعي فبيصير مغص معك
والدكتورة لازم تكون عطتك مسكن لان الالم لازم بعد الولادة ياقلبي لاتحاتين

وبنفس الوقت انتي لاتتعرضين للهواء عشان لايدخلك برد خلك بالدلاغ وليقن تحت الدراعة او الثوب

 

[فرزاشيهـ]

عادي حبيبتي هالالم يجي بعد الولاده و اذا بتسحبين اسبحي بماي دافي مو بارد و البسي هدومج بالحمام تكرمين عشان ماتبردين

و ماعليج الا العافيه ان شالله

 

[New_bride]

اتوقع طبيعي لان الحين فيني نفس الالم اللي تقولين عنه
وتوني شاربه شاي دافي يعني مادخل فيني هوا

الدكتوره كاتبتلي على بروفين اخذه ثلاث مرات باليوم عشان الالم بس انا ماخذه ماحب الادويه