نفاس وابي مساعده

[فتون777]

شلونكم كويتيات

انا ولدت لي 12 يوم

ونفاسي كان اسبوع بس عند امي عقبها رديت بيتي
ولدي البجر كسر خاطري بس يبكي ويبي بيته ويبي ابوه مادري شفيه قلب علي
لميت قشي ورديت بيتي والحمدلله اتحسنت حالته

الحين انا ماعرف شلون اعتني بنفسي
ابي خلطه لجسمي
الي تعرف بليز لاتبخل علي

وابي اعرف خلطه الخمس فناجيل متى ابدا استخدمها وكم مره في اليوم

وابي اعرف هل الحركه الكثيره بتتعبني عقب النفاس يعني ما راح ارجع بصحه وعافيه مثل اول

وعندي بعد سؤال البيبي تنام وقت طويل وتصحى تبكي تبي حليب ارضعها شوي وترد تنام احسها ماتشبع وماترضى ترضع شنو الحل معاها
واي نصحيه انصحوني
وجزاكم الله خير

 

[Aloe Vera]

دام البيبي نايم معناته شبعان
و البيبي بهالعمر معدته صغيرة و كمية صغيرة من الحليب تشبعه خصوصاً اذا رضاعة طبيعية مايبين كمية الحليب

خلطة الفناجين ماعرف عنها شي بس شربي اشياء دافية مثل دارسين زنجبيل زعتر
و خلي اكلج صحي خضار و مشاوي وكلشي اسمر

 

[M!SS.LOBY]

لا تحاتين شئ طبيعي

 

[ٱستۆطنت خٱفقهْ]

هلا فتوون

الله يتمم عليج عافيتج

ومبروك ماجااج :-*

http://www.q8yat.com/t696003-2.html
هالموضوع بينفعج

وادعي لي :-*

 

[أحلى عروس 2012]

حبيبتي حمد لله ع السلامة
بس البيبي الحين معدته صغيرة يكتفي بكمية قليلة
والحركة زينة لج بس مو الحركة الوايد والي فيها رفع اشيا وسحب
انا ولدت بأمريكا وكانوا كل يقولون لي امشي علشان الرحم يرد اسرع
واشربي اشيا دافئة زينة لج
بس الوالدة تبي احد يساعدها هذا شي طبيعي
خلي وحدة من اهلج تيي لج من الصبح وترد بالليل
او وحدة من خواتج

 

[حبيبي مالكني]

عن البنوتة اهي ما بتنام اذا ماشبعت
يعني لا تحاتين
والحركة ان شاالله مابتضرج بالعكس بتفيدج

 

[حرم_الغلا]

مبرووك فتوون البنووته تربى بعزكم
والحمدالله ع السلامه

 

[ام عبد العزيز م]

تبعوني على الستغرامamAbdlazazmqrbae

 

[.:lady bug :.]

حبيبتي لاتحاتين الحركه ماتضرج
بسس ديري بالج تشيلين شيي ثقيل او تسحبينه

البيبي طبيعي ينام

خلطه الخمس فناجيل اخر عشرين يوم ع الريج وقبل النوم تهبل وطعمها مقبول
تلاقينها بقوقل

وانا عِنـ.̷̷̸̷̐ـديّ موضوع عن الادويه طلي عليه يمكن يساعدج

 

[فتون777]

مشكورين بنات وجزاكم الله خير

استوطنت خافقه مشكوره ع الرابط والله يتمم عليك

حرم الغلا الله يبارك فعمرك حبيبتي

 

[فتون777]

عادي ارضع وانا استخدم الخلطه؟